ខេត្តក្រចេះ ៖ លោកវរសេនីយ៍ទោ ខឹម ប៉ោស្រេង អធិការរងទទួលចរាចរណ៍បានឲ្យដឹងថា យ៉ាងហោចមនុស្ស៣នាក់បានស្លាប់ ក្នុងករណីគ្រោះថ្នាក់ចរាចរណ៍មួយរវាងរថយន្តបុកនឹងរថយន្តក្នុងដំណើរបញ្ច្រាស់ទិសគ្នា កាលពីយប់ថ្ងៃទី០៥ ខែកុម្ភៈ…
ខេត្តក្រចេះ ៖ លោកវរសេនីយ៍ទោ ខឹម ប៉ោស្រេង អធិការរងទទួលចរាចរណ៍បានឲ្យដឹងថា យ៉ាងហោចមនុស្ស៣នាក់បានស្លាប់ ក្នុងករណីគ្រោះថ្នាក់ចរាចរណ៍មួយរវាងរថយន្តបុកនឹងរថយន្តក្នុងដំណើរបញ្ច្រាស់ទិសគ្នា កាលពីយប់ថ្ងៃទី០៥ ខែកុម្ភៈ ឆ្នាំ២០២១ ត្រង់ចំណុចភូមិអូរព្រះ ឃុំអូរគ្រៀង ស្រុកសំបូរ ខេត្តក្រចេះ លើផ្លូវជាតិលេខ៧ (ក្រចេះ-ស្ទឹងត្រែង) ចន្លោះបង្គោលលេខ ៤០៩-៤១០ ។
លោកអធិការរងបន្តឲ្យដឹងថា ករណីគ្រោះថ្នាក់ចរាចរណ៍មួយនេះ បានកើតឡើងរវាងរថយន្តបុករថយន្តដែលធ្វើដំណើរបញ្ច្រាស់ទិសគ្នា បង្កឡើងដោយរថយន្តម៉ាកសាំងយ៉ុង ពណ៌ស គ្មានស្លាកលេខ មានផ្ទុកឈើពេញរថយន្ត បើកបើកបរដោយឈ្មោះ កង រតនា ភេទប្រុស អាយុ២១ឆ្នាំ មានទីលំនៅភូមិកោះខ្ញែរ ឃុំអូរគ្រៀង ស្រុកសំបូរ ខេត្តក្រចេះ និងរួមដំណើរជាមួយទី១-ឈ្មោះ សុខ ថាល់ ភេទប្រុស អាយុ២៨ឆ្នាំ មានទីលំនៅភូមិខ្សាច់លាវ ឃុំអូរគ្រៀង ស្រុកសំបូរ ខេត្តក្រចេះ ទី២-ឈ្មោះ សោម ផល្លា ភេទប្រុស អាយុ១៨ឆ្នាំ មានទីលំនៅភូមិកែងប្រាសាទ ឃុំសំបូរ ស្រុកសំបូរ ខេត្តក្រចេះ ធ្វើដំណើរពីទិសខាងត្បូងទៅទិសខាងជើង លុះពេលមកដល់ចំណុចកើតហេតុខាងលើ បានមកបុករថយន្តម៉ាក ហ៊ីយ៉ុនដាយ ពណ៌ស ពាក់ស្លាកលេខ ភ្នំពេញ 3B-3033 អ្នកបើកបរឈ្មោះ ជា សុជាតិ(គ្មានរបួសបានរត់គេចខ្លួន) ភេទប្រុស អាយុ២៥ឆ្នាំ មានទីលំនៅភូមិសុក្រំជ្រុំ ឃុំគងជ័យ ស្រុកអូររាំងឪ ខេត្តត្បូងឃ្មុំ ដែលធ្វើដំណើរ ពីទិសខាងជើងទៅទិសខាងត្បូង ។
លោកអធិការបញ្ជាក់ថា ករណីនេះមកពីមូលហេតុដោយការវ៉ាជែកគ្នា ទើបបណ្ដាលឲ្យមនុស្ស៣នាក់ស្លាប់ក្នុងនោះមាន ៖ ១-ឈ្មោះ កង រតនា អ្នកបើកបររថយន្តសាំយ៉ុង ស្លាប់នៅកន្លែងកើតហេតុ ។ ២-ឈ្មោះ សុខ ថាល់ អ្នករួមដំណើរជាមួយរថយន្តសាំងយ៉ុង ស្លាប់នៅកន្លែងកើតហេតុ ។ ៣-ឈ្មោះ សោម ផល្លា អ្នករួមដំណើរជាមួយរថយន្តសាំងយ៉ុងស្លាប់នៅកន្លែងកើតហេតុ ។ លោកថា សាកសពបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ។
គួរបញ្ជាក់ថា ក្នុងករណីនេះបណ្តាលឲ្យរថយន្តខូចខាតធ្ងន់ ០២គ្រឿង (រថយន្តតូច០១គ្រឿង/រថយន្តធំ០១គ្រឿង) និងត្រូវបានកម្លាំងជំនាញនគរបាលចរាចរណ៍ស្រុកយកមករក្សាទុកនៅប៉ុស្ដិ៍នគរបាលរដ្ឋបាលអូរគ្រៀងជាបណ្ដោះអាសន្ន ៕
ចែករំលែកព័តមាននេះ