អង់គ្លេស ៖ ក្រុមហង្សក្រហម Liverpool នឹងមិនអាចធ្វើដំណើរទៅកាន់ប្រទេសអាល្លឺម៉ង់បានឡើយសម្រាប់ការប្រកួតជើងទី១ វគ្គ១៦ក្រុមចុងក្រោយក្របខណ្ឌ Champions League របស់ពួកគេទល់នឹងក្រុមម្ចាស់ផ្ទះ RB…
អង់គ្លេស ៖ ក្រុមហង្សក្រហម Liverpool នឹងមិនអាចធ្វើដំណើរទៅកាន់ប្រទេសអាល្លឺម៉ង់បានឡើយសម្រាប់ការប្រកួតជើងទី១ វគ្គ១៦ក្រុមចុងក្រោយក្របខណ្ឌ Champions League របស់ពួកគេទល់នឹងក្រុមម្ចាស់ផ្ទះ RB Leipzig នាថ្ងៃទី១៦ ខែកុម្ភៈ ខាងមុខនេះ។
ហេតុផលគឺដោយសារតែអាល្លឺម៉ង់បានហាមឃាត់អ្នកដំណើរពីប្រទេសមួយចំនួន ក្នុងនោះរួមមានទាំងចក្រភពអង់គ្លេសផងដែរ ដែលមានបំណងចង់ចូលប្រទេសនេះ ដើម្បីបង្ការការឆ្លងរីករាលដាលនៃវីរុសកូវីដ១៩។
សេចក្តីថ្លែងការណ៍របស់ក្រសួងមហាផ្ទៃអាល្លឺម៉ង់បានបញ្ជាក់ប្រាប់ក្លិប Leipzig ថាពុំមានករណីលើកលែងឡើយសម្រាប់ពួកគេ ក្នុងការប្រកួតពានរង្វាន់ដ៏ធំប្រចាំទ្វីបអឺរ៉ុបមួយនេះ។ ខណៈដែល Liverpool កំពុងត្រូវបានផ្តល់ដំណឹងអំពីការវិវត្តថ្មីៗជានិច្ច។ ហើយបច្ចុប្បន្នភាគីពាក់ព័ន្ធទាំងអស់កំពុងពិភាក្សាដើម្បីរកដំណោះស្រាយ៕ (ដកស្រង់ចេញពី BBC)
ចែករំលែកព័តមាននេះ