អន្តរជាតិ ៖ Neymar បង្ហើបមូលហេតុដែលរូបគេមិនចាប់អារម្មណ៍ ក្នុងការមកប្រកបអាជីពនៅ Premier League ដោយសារតែកីឡាករក្នុងលីគកំពូលអង់គ្លេសមួយនេះ លេងមានការប៉ះទង្គិចគ្នាខ្លាំងជាងលីគកំពូលនៅអឺរ៉ុបផ្សេងទៀត។ អតីតខ្សែប្រយុទ្ធក្រុម…
អន្តរជាតិ ៖ Neymar បង្ហើបមូលហេតុដែលរូបគេមិនចាប់អារម្មណ៍ ក្នុងការមកប្រកបអាជីពនៅ Premier League ដោយសារតែកីឡាករក្នុងលីគកំពូលអង់គ្លេសមួយនេះ លេងមានការប៉ះទង្គិចគ្នាខ្លាំងជាងលីគកំពូលនៅអឺរ៉ុបផ្សេងទៀត។
អតីតខ្សែប្រយុទ្ធក្រុម Barcelona រូបនេះធ្លាប់ទទួលសំណើពីក្លិបធំៗនៅ Premier League ប៉ុន្តែបានបដិសេធ មុនពេលសម្រេចផ្លាស់មកចូលរួមជាមួយ PSG កាលពីឆ្នាំ ២០១៧ ក្នុងតម្លៃឯកត្តកម្ម២២២លានអឺរ៉ូ។ ហើយបច្ចុប្បន្នរូបគេក៏នៅតែទទួលបានការចាប់អារម្មណ៍ពីក្លិបនៅអង់គ្លេស ស្របពេលកុងត្រាជាមួយ PSG នឹងផុតកំណត់នាខែមិថុនា ឆ្នាំ២០២២ ខាងមុខ។
ខ្សែប្រយុទ្ធប្រេស៊ីលវ័យ២៩ឆ្នាំខាងលើបាននិយាយថា រូបគេមិនសូវមើលការប្រកួតនៅ Premier League ច្រើនទេ។ ប៉ុន្តែគេលឺថាមានការប៉ះទង្គិចរាងកាយគ្នាច្រើនណាស់ក្នុងការប្រកួត។ ហើយក្នុងនាមជាកីឡាករបាល់ទាត់អាជីពដែលមានវិជ្ជាជីវៈ គឺនឹងមិនធ្វើរឿងបែបនោះឡើយ៕ (ដកស្រង់ចេញពី Dailymail)
ចែករំលែកព័តមាននេះ