រាជធានីភ្នំពេញ ៖ បុរសម្នាក់បានរងរបួសយ៉ាងធ្ងន់ធ្ងរដោយសន្លប់ស្ដូកស្ដឹង និងបាក់ជើងម្ខាងថែមទៀតផង នៅក្នុងឧប្បត្តិហេតុគ្រោះថ្នាក់ចរាចរណ៍មួយ ខណៈដែលគាត់ជិះម៉ូតូ១គ្រឿងក្នុងល្បឿនលឿន ហើយបានជ្រុលទៅបុកពីក្រោយរថយន្តស្ទូចដឹកដែក១គ្រឿង ដែលកំពុងចតលើផ្លូវតែម្ដង។ ឧប្បត្តិហេតុនេះ បានកើតឡើងកាលពីវេលាម៉ោង២រសៀល…
រាជធានីភ្នំពេញ ៖ បុរសម្នាក់បានរងរបួសយ៉ាងធ្ងន់ធ្ងរដោយសន្លប់ស្ដូកស្ដឹង និងបាក់ជើងម្ខាងថែមទៀតផង នៅក្នុងឧប្បត្តិហេតុគ្រោះថ្នាក់ចរាចរណ៍មួយ ខណៈដែលគាត់ជិះម៉ូតូ១គ្រឿងក្នុងល្បឿនលឿន ហើយបានជ្រុលទៅបុកពីក្រោយរថយន្តស្ទូចដឹកដែក១គ្រឿង ដែលកំពុងចតលើផ្លូវតែម្ដង។
ឧប្បត្តិហេតុនេះ បានកើតឡើងកាលពីវេលាម៉ោង២រសៀល ថ្ងៃទី៥ ខែកុម្ភៈ ឆ្នាំ២០២១ នៅលើកំណាត់ផ្លូវជាតិលេខ៣ ស្ថិតនៅក្នុងភូមិព្រៃកី សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ ។
តាមប្រភពព័ត៌មានបានឲ្យដឹងថា រថយន្តស្ទូចដឹកដែកខាងលើ ម៉ាកហ៊ីយ៉ាន់ដាយ ពណ៌សពាក់ស្លាកលេខភ្នំពេញ 3C- 42 930 បើកបរដោយដោយបុរសមិនស្គាល់ឈ្មោះ ម្នាក់ ។ ចំណែកបុរសរងគ្រោះក៏មិនត្រូវបានស្គាល់ឈ្មោះដូចគ្នា ជិះម៉ូតូ១គ្រឿង ម៉ាកហុងដាវ៉េវ ពណ៌ខ្មៅ ពាក់ស្លាកលេខភ្នំពេញ1HS- 6859 ។
ប្រភពដដែលបានបន្តថា នៅមុនពេលកើតហេតុរថយន្តស្ទូចដឹកដែកខាងលើ បានបើកបរធ្វើដំណើរក្នុងទិសដៅពីជើងទៅត្បូង លុះពេលទៅដល់ត្រង់ចំណុចកើតហេតុក៏បានឈប់រួចចតនៅលើផ្លូវតែម្ដង ។
បន្តិចក្រោយមកក៏បានឃើញបុរសរងគ្រោះខាងលើជិះម៉ូតូម៉ាកហុងដាវ៉េវក្នុងល្បឿនលឿន និងក្នុងទិសដៅពីស្របគ្នាទៅដល់ក៏ជ្រុលទៅបុកពីរថយន្តពេញទំហឹង បណ្ដាលឲ្យដួលរងរបួសបាក់ជើងរងរបួសធ្ងន់ធ្ងរ ចំណែឯមួកសុវត្ថិភាពបានបែកខ្ទេច បន្ទាប់មកត្រូវបានបញ្ជូនទៅសង្គ្រោះនៅមន្ទីរពេទ្យឯកជនសុធារិទ្ធ ។
ក្រោយកើតហេតុកម្លាំងនគរបាលបានចុះទៅធ្វើការវាស់វែង និងនាំយករថយន្តព្រមទាំងម៉ូតូទៅរក្សាទុក ដើម្បីរងចាំការដោះស្រាយនៅពេលក្រោយ ៕
ចែករំលែកព័តមាននេះ