Koeman ឆ្លើយតបទៅ Di Maria ពាក់ព័ន្ធបញ្ហារបស់ Messi
អេស្ប៉ាញ ៖ លោក Ronald Koeman ចោទប្រកាន់កីឡាករ Angel Di Maria ថាខ្វះការគោរពលើក្លិប…
អេស្ប៉ាញ ៖ លោក Ronald Koeman ចោទប្រកាន់កីឡាករ Angel Di Maria ថាខ្វះការគោរពលើក្លិប Barcelona បន្ទាប់ពីខ្សែបម្រើក្រុម PSG រូបនេះបានបង្ហើបថាគេអាចនឹងចាប់ដៃគូជាមួយ Lionel Messi ព្រមទាំងជំរុញមិត្តរួមក្រុមជម្រើសអាហ្សង់ទីនរបស់គេ ពិចារណាក្នុងការមកប្រកបអាជីពលើទឹកដីបារាំង។
Messi នៅតែត្រូវបានផ្សារភ្ជាប់ជាមួយនឹងការចាកចេញពី Barcelona នៅពេលកុងត្រាបច្ចុប្បន្នរបស់គេផុតកំណត់នៅចប់រដូវកាលនេះ ខណៈដែល PSG ជាក្លិបអាទិភាពខ្ពស់ក្នុងការចុះហត្ថលេខាលើខ្សែប្រយុទ្ធឆ្នើមក្រុមជម្រើសជាតិអាហ្សង់ទីនវ័យ ៣៣ឆ្នាំរូបនេះ។
ពាក់ព័ន្ធបញ្ហានេះ លោក Ronald Koeman បាននិយាយថា «វាបង្ហាញពីការមិនគោរពយ៉ាងខ្លាំងដែលត្រូវនិយាយបែបនេះ។ ជាពិសេសមុនពេលការប្រកួត Champions League ទល់នឹង PSG។ ខ្ញុំមិនគិតថាវាជាការគោរពចំពោះ Barcelona ក្នុងការនិយាយអំពីកីឡាកររបស់យើងនោះទេ។ ពួកគេតែងតែនិយាយអំពី Messi ច្រើនណាស់។ ខណៈដែលគេនៅតែជាកីឡាកររបស់យើង»៕ (ដកស្រង់ចេញ Marca)
ចែករំលែកព័តមាននេះ