រាជធានីភ្នំពេញ ៖ រថយន្តសណ្តោងរបស់ក្រុមហ៊ុនដឹកជញ្ជូន L.M.H មួយគ្រឿង បានបើករឺ យ៉ែចេញពីក្រុមហ៊ុនបំរុងទៅដឹកដែក ស្រាប់តែកៀរបង្គោលភ្លើងមួយដើម បណ្តាលអោយបាក់ដាច់ជា២កំណាត់ និងធ្វើឱ្យដាច់ចរន្តអគ្គិសនីអស់ប្រមាណ២ម៉ោង…
រាជធានីភ្នំពេញ ៖ រថយន្តសណ្តោងរបស់ក្រុមហ៊ុនដឹកជញ្ជូន L.M.H មួយគ្រឿង បានបើករឺ យ៉ែចេញពីក្រុមហ៊ុនបំរុងទៅដឹកដែក ស្រាប់តែកៀរបង្គោលភ្លើងមួយដើម បណ្តាលអោយបាក់ដាច់ជា២កំណាត់ និងធ្វើឱ្យដាច់ចរន្តអគ្គិសនីអស់ប្រមាណ២ម៉ោង ។
ហេតុការណ៍ខាងលើនេះបានកើតឡើងកាលពីវេលាម៉ោងប្រមាណ១២និង១០នាទីថ្ងៃត្រង់ថ្ងៃទី៤ ខែកុម្ភៈ ឆ្នាំ២០២១ នៅចំណុចក្រុមហ៊ុន ខេមបូឌា ហ្គ័រស៊ីងសម្ភារៈសំណង់អន្តរជាតិ ឯ.ក នៅតាមផ្លូវភ្នំពេញ-ហាណូយ ស្ថិតក្នុងភូមិបន្លាស្អិត សង្កាត់ឃ្មួញ ខណ្ឌសែនសុខ រាជធានីភ្នំពេញ។
តាមនគរបាលអោយដឹងថា រថយន្តមួយគ្រឿងដែលបើកកៀរបាក់បង្គោលភ្លើងខាងលើ ម៉ាកហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ ៣E-៤២៥៥ និងមានកន្ទុយសណ្តោង ពាក់ស្លាកលេខ ភ្នំពេញ ៤A-៥២៩២ ជារថយន្តរបស់ក្រុមហ៊ុនដឹកជញ្ជូន L.M.H បើកបរ ដោយឈ្មោះ ស៊ឹម ឈួ ភេទប្រុស អាយុ២៨ឆ្នាំ ស្នាក់នៅភូមិ៤ សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ។
តាមអ្នកបើកបរបានអោយដឹងថា នៅមុនពេលកើតហេតុ គាត់បានបើករថយន្ត ចេញពីក្នុងបរិវេណក្រុមហ៊ុន ដើម្បីទៅដឹកដែកនៅផ្នែកខាងជើងជាប់នោះ លុះពេលរ៉ីយ៉ែររថយន្តថយក្រោយ ចេញ និងបានបើកអែបបង្គោលភ្លើងទៅមុខ រួចថយក្រោយវិញ ដើម្បីងាយស្រួលបត់ចូលទៅផ្លូវមួយទៀតដែលនៅជាប់នោះ ស្រាប់តែទាក់កាងដែក រថយន្ត បណ្តាលអោយបាក់បង្គោលភ្លើងដាច់ជា២កំណាត់ ប៉ុន្តែពុំបណ្តាលអោយដួលនោះទេ ដោយសារតែបានខ្សែភ្លើងទប់ជាប់។
តាមព័ត៌មានអោយដឹងថា បន្ទាប់ពីកៀបាក់បង្គោលភ្លើង បណ្តាលអោយដាច់ចរន្តអគ្គិសនីរលត់មួយកំណាត់ផ្លូវនោះផងដែរ ។ ភ្លាមៗនោះ មន្ត្រីអគ្គីសនីក៏បានចុះទៅកន្លែងកើតហេតុ ដើម្បីជួសជុលធ្វើយ៉ាងណាអោយចរន្តអគ្គិសនីដំណើរការឡើងវិញ ។ ចំណែករថយន្ត និងអ្នកបើកបរត្រូវបាននគរបាលនាំយកទៅកាន់ការិយាល័យ ដើម្បីដោះស្រាយសងការខូចខាតទ្រព្យសម្បត្តិសាធារណៈ ៕
ចែករំលែកព័តមាននេះ