អង់គ្លេស ៖ លោក Jurgen Klopp អ្នកចាត់ការទូទៅ Liverpool បានសារភាពថាទម្រង់លេងពេលបច្ចុប្បន្នរបស់កូនក្រុមលោកគឺមិនស្ថិតក្នុងកម្រិត ដែលអាចការពារតំណែងជើងឯកបានទេ។
ការលើកឡើងបែបនេះ គឺក្រោយពេលក្រុមរហស្សនាម «ហង្សក្រហម» បានចាញ់ក្រុមភ្ញៀវ Brighton ក្នុងលទ្ធផល ១-០ កាលពីយប់ម្សិលមិញ។ ដោយធ្វើឱ្យពួកគេចាញ់ក្នុងផ្ទះជាលើកទី២ ក្នុងចំណោមការចាញ់៤ប្រកួតរដូវកាលនេះ។
Liverpool បានធ្លាក់មកចំណាត់ថ្នាក់ទី៤ មាន៤០ពិន្ទុតាមពីក្រោយលេខ៣ Leicester ចំនួន២ពិន្ទុ និងមានគម្លាតពីក្រុមកំពូលតារាង Manchester City ដែលនៅសល់១ប្រកួតក្នុងដៃចំនួន៧ពិន្ទុ។
លោក Jurgen Klopp បាននិយាយថា «យើងចង់ក្លាយជាម្ចាស់ជើងឯក។ ដូច្នេះអ្នកត្រូវតែឈ្នះការប្រកួតដើម្បីវា ប៉ុន្តែសម្រាប់ការលេងរបស់យើងពេលនេះ គឺមិនស្ថិតនៅកម្រិតដែលអាចទទួលបានវាទេ។ យប់នេះវាមិនគ្រប់គ្រាន់ឡើយសម្រាប់យើង។ យើងត្រូវតែមានការផ្លាស់ប្តូរ»៕ (ដកស្រង់ចេញពី Dailymail)
https://www.youtube.com/watch?v=AUXdawj9F34
ចែករំលែកព័តមាននេះ