ខេត្តព្រះសីហនុ ៖ បុរសម្នាក់ ជាមន្ត្រីយោធាមានឋានន្តរសក្តិ ថ្នាក់ឧត្តមសេនីយ៍ រួមជាមួយគូកន ៩នាក់ផ្សេងទៀត ត្រូវបានកម្លាំងកងរាជអាវុធហត្ថខេត្តព្រះសីហនុ ធ្វើការឃាត់ខ្លួននាល្ងាចថ្ងៃទី០២ ខែកុម្ភៈ…
ខេត្តព្រះសីហនុ ៖ បុរសម្នាក់ ជាមន្ត្រីយោធាមានឋានន្តរសក្តិ ថ្នាក់ឧត្តមសេនីយ៍ រួមជាមួយគូកន ៩នាក់ផ្សេងទៀត ត្រូវបានកម្លាំងកងរាជអាវុធហត្ថខេត្តព្រះសីហនុ ធ្វើការឃាត់ខ្លួននាល្ងាចថ្ងៃទី០២ ខែកុម្ភៈ ឆ្នាំ២០២១ បន្ទាប់ពីពួកគេប្រើហិង្សា ។
យោងតាមរបាយការណ៍ កងរាជអាវុធហត្ថ បានអោយដឹងថា កាលពីវេលាម៉ោង១១ព្រឹកថ្ងៃទី០២ ខែកុម្ភៈ ឆ្នាំ២០២១ កម្លាំងកងរាជអាវុធហត្ថខេត្ត ចំនួន០៥នាក់ រថយន្តស៊ីរ៉ែន១គ្រឿង ដឹកនាំដោយលោកអនុសេនីយ៍ឯក អ៊ួន ភិរម្យ មេបញ្ជាការរងស្រុក សហការណ៍ជាមួយកម្លាំងទីបញ្ជាការអាវុធហត្ថខេត្តព្រះសីហនុ ចំនួន ២០នាក់ទៀត ដឹកនាំរួមដោយលោក វរសេនីយ៍ទោ ឆេង វុទ្ធី នាយសេនាធិការកងរាជអាវុធហត្ថខេត្តព្រះសីហនុ បានធ្វើការឃាត់ខ្លួន មនុស្សចំនួន១០នាក់ ក្នុងករណីប្រើអំពើហិង្សាដោយចេតនា មានរាយនាមដូចខាងក្រោម ៖
ទី១- ឈ្មោះ គុយ ស៊ុន ភេទប្រុស អាយុ៥២ឆ្នាំ ជនជាតិខ្មែរ មានតួនាទី នាយរងសេនាធិការដ្ឋានអង្គរក្ស និងជាអនុប្រធានប្រចាំទិសខេត្តព្រះសីហនុ មានទីលំនៅភូមិគគីរ ឃុំបិតត្រាំង ស្រុកព្រៃនប់ ខេត្តព្រះសីហនុ ។
ទី២- ឈ្មោះ ស៊ាង វណ្ណី ភេទប្រុស អាយុ៤០ឆ្នាំ ជនជាតិខ្មែរ មុខរបរគ្រូបង្រៀន មានទីលំនៅភូមិគគីរ ឃុំបិតត្រាំង ស្រុកព្រៃនប់ ខេត្តព្រះសីហនុ ។
ទី៣- ឈ្មោះ ជីម ភារ៉ា ភេទប្រុស អាយុ៣៥ឆ្នាំ ជនជាតិខ្មែរ មុខរបរ បុគ្គលិកក្រុមហ៊ុន មានទីលំនៅ ភូមិគគីរ ឃុំបិតត្រាំង ស្រុកព្រៃនប់ ខេត្តព្រះសីហនុ ។
ទី៤- ឈ្មោះ ថឿន សុថួន ភេទប្រុស អាយុ៣៣ឆ្នាំ ជនជាតិខ្មែរ មុខរបរបើកបរ ស្នាក់នៅស្រុកព្រៃនប់ ខេត្តព្រះសីហនុ ។
ទី៥- ឈ្មោះ ហម រ៉ា ភេទប្រុស អាយុ៤២ឆ្នាំ ជនជាតិខ្មែរ មុខរបរអ្នកវាយថ្ម ស្នាក់នៅស្រុកព្រៃនប់ ខេត្តព្រះសីហនុ ។
ទី៦- ឈ្មោះ មី ដូយ ភេទប្រុស អាយុ៣០ឆ្នាំ ជនជាតិខ្មែរ មុខរបរជាងឡាន មានទីលំនៅភូមិ៤ សង្កាត់៤ ក្រុង-ខេត្តព្រះសីហនុ ។
ទី៧- ឈ្មោះ ហ៊ឹម ពេជ្រ ភេទប្រុស អាយុ៣៤ឆ្នាំ ជនជាតិខ្មែរ មុខរបរកម្មករសំណង់ ស្នាក់នៅភូមិគគីរ ឃុំបិតត្រាំង ស្រុកព្រៃនប់ ខេត្តព្រះសីហនុ ។
ទី៨- ឈ្មោះ គុយ ប៊ុនថន ភេទប្រុស អាយុ២៨ឆ្នាំ ជនជាតិខ្មែរ មុខរបរយោធា មានទីលំនៅភូមិ៤ សង្កាត់៤ ក្រុង-ខេត្តព្រះសីហនុ ។
ទី៩- ឈ្មោះ កី ឈុនលី ភេទប្រុស អាយុ៣៦ឆ្នាំ ជនជាតិខ្មែរ មុខរបរបើកបរ មានទីលំនៅភូមិ៦ សង្កាត់៤ ក្រុង-ខេត្តព្រះសីហនុ ។
និងទី១០- ឈ្មោះ ម៉ី ឆាយ ភេទប្រុស អាយុ២៨ឆ្នាំ មុខរបរមិនពិតប្រាកដ មានទីលំនៅភូមិ៦ សង្កាត់៤ ក្រុង-ខេត្តព្រះសីហនុ ។
កម្លាំងកងរាជអាវុធហត្ថខេត្តដកហូតវត្ថុតាង រួមមាន ៖
១- រថយន្ដម៉ាកស៊ីណាពណ៌ទ្រេអ៊ី ពាក់ស្លាកលេខ ខ.ភ.ម ២-១០៨៧ និងម៉ាក
២- រថយន្ដ ម៉ាក TOYATA PRIUS ពណ៌ទឹកមាស ពាក់ស្លាកលេខ ភ្នំពេញ 2AZ-7419
៣- ទូរស័ព្ទដៃចំនួន១២គ្រឿង
៤- ម៉ូតូចំនួន៥គ្រឿង
៥- និងកូនសោមួយចំនួន
៦- អាវុធខ្លី ម៉ាកK៥៤ លេខ២៨៣១ បង់១ គ្រាប់៨ ។
ការឃាត់ខ្លួន និងដកហូតវត្ថុតាងខាងលើនេះតាមបណ្ដឹងរបស់ឈ្មោះ ផល សុភ័ណ្ឌ ភេទប្រុស អាយុ២៨ឆ្នាំ ជនជាតិខ្មែរ មុខរបរអ្នកយាមដីឲ្យក្រុមហ៊ុន ហ្វូហាយ ស្នាក់នៅភូមិគគីរ ឃុំបិតត្រាំង ស្រុកព្រៃនប់ ។
ដែលក្រុមលោកឧត្តមសេនីយ៍ រួមជាមួយគូកន ពាក់ព័ន្ធករណីហិង្សាដោយចេតនាមួយ នៅចំណុចភូមិគគីរ ឃុំបិតត្រាំង ស្រុកព្រៃនប់ ខេត្តព្រះសីហនុ កាលពីវេលាម៉ោង១១និង៣០នាទីព្រឹកថ្ងៃទី០២ ខែកុម្ភៈ ឆ្នាំ២០២១ ។
បច្ចុប្បន្នកម្លាំងជំនាញកំពុងធ្វើការសាកសួរ តាមនីតិវិធីច្បាប់ ៕
ចែករំលែកព័តមាននេះ