ខេត្តបន្ទាយមានជ័យ ៖ តាមសេចក្តីរាយការណ៍បឋមបានឱ្យដឹងថា មានករណីរថយន្តស៊េរីទំនើបមួយគ្រឿងរបស់លោកស្នងការរងខេត្តបន្ទាយមានជ័យ បានជួបគ្រោះថ្នាក់ចរាចរណ៍ក្រឡាប់ផ្ងារជើងឡើងលើ រងការខូចខាតយ៉ាងដំណំ ប៉ុន្តែមិនបណ្តាលឱ្យរងគ្រោះថ្នាក់ដល់មនុស្សណាម្នាក់ឡើយ ។ ចំណែកលោកស្នងការរងក៏ពុំមានរងគ្រោះថ្នាក់អ្វីដែរ ។…
ខេត្តបន្ទាយមានជ័យ ៖ តាមសេចក្តីរាយការណ៍បឋមបានឱ្យដឹងថា មានករណីរថយន្តស៊េរីទំនើបមួយគ្រឿងរបស់លោកស្នងការរងខេត្តបន្ទាយមានជ័យ បានជួបគ្រោះថ្នាក់ចរាចរណ៍ក្រឡាប់ផ្ងារជើងឡើងលើ រងការខូចខាតយ៉ាងដំណំ ប៉ុន្តែមិនបណ្តាលឱ្យរងគ្រោះថ្នាក់ដល់មនុស្សណាម្នាក់ឡើយ ។ ចំណែកលោកស្នងការរងក៏ពុំមានរងគ្រោះថ្នាក់អ្វីដែរ ។
ហេតុការណ៍ខាងលើនេះបានកើតឡើងកាលពីវេលាម៉ោង៩និង១០នាទីយប់ថ្ងៃទី២ កុម្ភៈ ឆ្នាំ២០២១ ត្រង់ចំណុចខាងកើតសាលាឃុំឈ្នួរមានជ័យ តាមបណ្តោយផ្លូវជាតិលេខ៦ ស្ថិតក្នុងស្រុកព្រះនេត្រព្រះ ខេត្តបន្ទាយមានជ័យ ។
រថយន្តមួយគ្រឿងដែលជួបគ្រោះថ្នាក់ខាងលើនេះម៉ាកឡង់គ្រីស្ស័រ ពណ៌ស ត្រូវបានគេស្គាល់ថាជារបស់លោកផ្កាយ១ ស៊ីវ សុជាតិ ស្នងការរងខេត្តបន្ទាយមានជ័យ ។
តាមប្រភពព័ត៌មានបានឱ្យដឹងថា នៅពេលហេតុការណ៍គ្រោះថ្នាក់ចរាចរណ៍ខាងលើកើតឡើង គេសង្កេតឃើញវត្តមានរបស់លោកអ៊ុំ រាត្រី អភិបាលខេត្តបន្ទាយមានជ័យ ក៏បានចុះមកពិនិត្យនៅកន្លែងកើតហេតុផងដែរ ។
ពាក់ព័ន្ធនឹងករណីគ្រោះថ្នាក់ចរាចរណ៍ខាងលើនេះ គេមិនទាន់ដឹងពីមូលហេតុនៅឡើយទេ ។ ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព ៕
ចែករំលែកព័តមាននេះ