ADផ្ទាំងផ្សព្វផ្សាយពាណិជ្ជកម្ម

Picture

កិច្ចព្រៀមព្រៀងពាណិជ្ជកម្មសេរី កម្ពុជាសាធារណកូរ៉េអាចដំណើរនៅពាក់កណ្តាលឆ្នាំនេះ

3 ឆ្នាំ មុន
  • ភ្នំពេញ

ក្រសួងពាណិជ្ជកម្មប្រទេសកម្ពុជានិងសាធារណរដ្ឋកូរ៉េបានបញ្ចប់ការចរចាកិច្ចព្រមព្រៀងពាណិជ្ជកម្មសេរីនៃប្រទេសទំាងពីរហើយនៅថ្ងៃទី៣ខែកុម្ភៈឆ្នាំ២០២១នេះ។​ កិច្ចព្រមព្រៀងពាណិជ្ជកម្មសេរីប្រទេសទំាងពីរគេរំពឹងថាថ្នាក់ដឹកនាំសាធារណរដ្ឋកូរ៉េនិងកម្ពុជានឹងចុះហត្ថលេខាជាផ្លូវការ នៅពាក់កណ្តាលឆ្នាំនេះ។ កិច្ចព្រមព្រៀងពាណិជ្ជកម្មសេរីទ្វេភាគីនេះ មានគោលបំណងពង្រឹងភាពជាដៃគូ​សេដ្ឋកិច្ចនិង​ពង្រឹកការធ្វើសេរីភាវូបនីយកម្មពាណិជ្ជកម្មទ្វេភាគីឲ្យកាន់តែមានភាព​ទូលំទូលាយ ដោយផ្តល់ប្រយោជន៍ឲ្យគ្នាទៅវិញទៅមក សំដៅបង្កើតផលប្រយោជន៍​សេដ្ឋកិច្ច និងសុខមាលភាព ប្រជាជន និហធុរកិច្ចនៃប្រទេសទំាងពីរឲ្យកាន់ប្រសើរ​ឡើងបន្ថែមទៀត។…

ក្រសួងពាណិជ្ជកម្មប្រទេសកម្ពុជានិងសាធារណរដ្ឋកូរ៉េបានបញ្ចប់ការចរចាកិច្ចព្រមព្រៀងពាណិជ្ជកម្មសេរីនៃប្រទេសទំាងពីរហើយនៅថ្ងៃទី៣ខែកុម្ភៈឆ្នាំ២០២១នេះ។​ កិច្ចព្រមព្រៀងពាណិជ្ជកម្មសេរីប្រទេសទំាងពីរគេរំពឹងថាថ្នាក់ដឹកនាំសាធារណរដ្ឋកូរ៉េនិងកម្ពុជានឹងចុះហត្ថលេខាជាផ្លូវការ នៅពាក់កណ្តាលឆ្នាំនេះ។

កិច្ចព្រមព្រៀងពាណិជ្ជកម្មសេរីទ្វេភាគីនេះ មានគោលបំណងពង្រឹងភាពជាដៃគូ​សេដ្ឋកិច្ចនិង​ពង្រឹកការធ្វើសេរីភាវូបនីយកម្មពាណិជ្ជកម្មទ្វេភាគីឲ្យកាន់តែមានភាព​ទូលំទូលាយ ដោយផ្តល់ប្រយោជន៍ឲ្យគ្នាទៅវិញទៅមក សំដៅបង្កើតផលប្រយោជន៍​សេដ្ឋកិច្ច និងសុខមាលភាព ប្រជាជន និហធុរកិច្ចនៃប្រទេសទំាងពីរឲ្យកាន់ប្រសើរ​ឡើងបន្ថែមទៀត។ បើតាមការបញ្ជាក់របស់ក្រសួងពាណិជ្ជកម្ម។

រដ្ឋមន្រ្តីក្រសួងពាណិជ្ជកម្ម លោក ប៉ាន សូរស័ក្ក និងលោកស្រី  Yoo Myung-hee រដ្ឋមន្រ្តីក្រសួងពាណិជ្ជកម្មសាធារណកូរ៉េ បានជួបប្រជុំពិភាក្សាគ្នានៅព្រឹក​ថ្ងៃទី៣កុម្ភៈនេះ តាមប្រព័ន្ធវីដេអូ ដើម្បីបញ្ចប់អត្ថបទកិច្ចព្រមព្រៀង ដែលបានចរ​ចាជាច្រើនខែមកហើយនោះ។

តាមសេចក្តីជូនដំណឹងរបស់ក្រសួងបានបញ្ជាក់ថា កិច្ចព្រមព្រៀងនេះគ្រប់ដណ្តប់​លើពាណិជ្ជកម្ម​ទំនិញដែល​ក្នុងនោះរួមមានស្តង់ដារ បទប្បញ្ញត្តិ បច្ចេកទេស និងនីតិវិធីវាយតម្លៃអនុលោមភាព វិធានការអនាម័យនិងភូតគាមអនាម័យ និងគ្របដណ្តប់ផងដែរលើឧបាស្រ័យពាណិជ្ជកម្ម វិធានដើមកំណើត និងវិធីគយនិងកិច្ចសម្រួលពាណីជ្ជកម្ម កិច្ចសហប្រតិបត្តិការសេដ្ឋកិច្ច តម្លាភាព យន្តការដោះស្រាយវិវាទ អញ្ញត្រកម្ម ការរៀបចំស្ថាប័ន និងអវសាសន្តបញ្ញត្តិ។

ក្រសួងពាណិជ្ជកម្មកម្ពុជាបានបញ្ជក់ថា កិច្ចព្រមព្រៀងពាណិជ្ជកម្មសេរីកម្ពុជានិង​សាធារណកូ​រ៉េនេះ នឹងពង្រឹងបន្ថែមទៀតលើការធ្វើសរីភាវូបនីយកម្មទីផ្សារ​រវាងប្រទេស​ទំាង​ពីរលើសពីកិច្ចព្រមព្រៀងពាណិជ្ជកម្មសេរីដែលមានសប្រាប់ ដូចជាកិច្ចព្រមព្រៀងពាណិជ្ជកម្មសេរីអាស៊ាន កូរ៉េ បិងកិច្ចព្រមព្រៀងភាពជាដៃគូ សេដ្ឋកិច្ចគ្រប់ជ្រុងជ្រោយតំបន់ (RCEP) ដែលទើបតែបានចុះហត្ថលេខានាពេលថ្មីៗ​នេះ។

នៅពេលចុះហត្ថលេខាជាផ្លូវការហើយ កិច្ចព្រមព្រៀងពាណិជ្ជកម្មសេរីកម្ពុជាកូរ៉េ ជាកិច្ចព្រមព្រៀងពាណិជ្ជកម្មទ្វេភាគីទី២ ដែលកម្ពុជាមានជាមួយប្រទេសជាមិត្ត។ កម្ពុជានិងចិន បានចុះហត្ថលេខាលើកិច្ចព្រមព្រៀងពាណិជ្ជកម្មសេរីនិងគ្នាកាល​ពីឆ្នាំកន្លងទៅ។ ជាមួយគ្នានេះ កម្ពុជាកំពុងចរចាជាមួយប្រទេសផ្សេងទៀតក្នុង​ការបង្កើត​កិច្ចព្រមព្រៀមពាណិជ្ជកម្មសេរីទ្វេភាគីនេះ។

តាមរយៈកិច្ចព្រមព្រៀងពាណិជ្ជកម្មសេរីជាសាធារណកូរ៉េនេះ ក្រសួងពាណិជ្ជកម្មបាន​បញ្ជាក់​ថា នឹងលើកកម្ពស់ការនាំចេញរបស់កម្ពុជាទៅកាន់សាធារណកូរ៉េបន្ថែមទៀត​លើទំនិញដែលធ្លាប់នាំចេញនាពេលកន្លងមក មានផលិតផលសម្លៀកបំពាក់និង​វាយនភណ្ឌ ស្បែកជើង កាបូប គ្រឿងបន្លាស់ ឧបករណ៍អេឡិចត្រនិច កៅស៊ូ និងផលិតផលកសិកម្ម ជាដើម។

គិតត្រឹមខែវិច្ឆិកាឆ្នាំ២០២០ ទំហំពាណិជ្ជកម្មរវាងកម្ពុជា-កូរ៉េខាងត្បូងសម្រេចបាន​ក្នុងទំហំទឹក​ប្រាក់ប្រមាណជិត៨០០លានដុល្លារ។ ទំហំពាណិជ្ជកម្មនេះមានការធ្លាក់​ចុះ១៥%​បើធៀប​ទៅនឹងទំហំពាណិជ្ជកម្មដែលប្រទេសទាំង២សម្រេចបាន​កាលពីឆ្នាំ២០១៩។ ការធ្លាក់ចុះត្រូវបានមន្រ្តីថាមកពីជំងឺកូវីដ១៩៕

អត្ថបទសរសេរ ដោយ

កែសម្រួលដោយ