រាជធានីភ្នំពេញ ៖ ហាងឆេងប្រាក់រៀលខ្មែរមានកណ្តាប់ដៃធ្ងន់ជាងប្រាក់យ៉េនជប៉ុន ប៉ុន្តែ ចាញ់ប្រៀបប្រាក់វុនកូរ៉េ ។ ធនាគារជាតិនៃកម្ពុជា នៅថ្ងៃទី ០២ខែកុម្ភៈ ឆ្នាំ ២០២១នេះបានឱ្យ ដឹងថា ១០០យ៉េនជប៉ុន ទិញចូលត្រឹមតែ ៣៨៨០ រៀល លក់ចេញ ៣៩១៨ រៀល ខណៈកាល ពីថ្ងៃម្សិលមិញ ទិញចូល ៣៨៨៣ រៀល និងលក់ចេញរហូតដល់ ៣៩២២ រៀលឯណោះ ។
ទន្ទឹមនេះហាងឆេងប្រាក់វុនកូរ៉េធៀបនឹងប្រាក់រៀលខ្មែរថ្ងៃនេះដែរ គឺ ១០០វុនកូរ៉េ ទិញចូល រហូតដល់ ៣៦៤ រៀល លក់ចេញ ៣៦៨ រៀល ដែលកាលពីថ្ងៃម្សិលមិញ ទិញចូលត្រឹមតែ ៣៦៣ រៀល និងលក់ចេញតែ ៣៦៧ រៀលប៉ុណ្ណោះ ។
សម្រាប់ថ្ងៃនេះដែរហាងឆេងប្រាក់រៀលខ្មែរធៀបនឹងប្រាក់ប្រទេសឯទៀតរួមមាន ៖ ១ដុល្លារ អាមេរិក ស្មើនឹង ៤០៦៩ រៀល, ១អឺរ៉ូ ទិញចូល ៤៩០៩ រៀល លក់ចេញ ៤៩៥៨ រៀល ខណៈ ១ដុល្លារអូស្ត្រាលី ទិញចូល ៣១០៣ រៀល លក់ចេញ ៣១៣៤ រៀល ។
ជាមួយគ្នានេះ ១យន់ចិន ទិញចូល ៦២៩ រៀល លក់ចេញ ៦៣៥ រៀល ខណៈ ១បាតថៃ ទិញចូល ១៣៦ រៀល លក់ចេញ ១៣៧ រៀល និង ១០០០ដុងវៀតណាម ទិញចូល ១៧៧ រៀល លក់ចេញ ១៧៨ រៀល ៕
ចែករំលែកព័តមាននេះ