បើតាមទស្សនៈព្រះពុទ្ធសាសនាបានពន្យល់ថា ប្តីល្អដែលស័ក្តិសមជាបុរសមេគ្រួសារដែលស្ត្រីប្រាថ្នាចង់បាន គឺជាបុរសដែលមានបេះដូងជាជម្រកដ៏កក់ក្តៅសម្រាប់គូជីវិតខ្លួន ។ តើបុរសជាស្វាមីគួរផ្តល់អ្វីទៅនាងជាភរិយា ? ស្វាមីដែលស្គាល់ការណ៍ពិត ស្គាល់ពីតម្លៃនៃមនុស្សជាតិ ពិសេសស្ត្រីភេទ គួរផ្តល់អភ័យគឺក្ដីសន្ដោស…
បើតាមទស្សនៈព្រះពុទ្ធសាសនាបានពន្យល់ថា ប្តីល្អដែលស័ក្តិសមជាបុរសមេគ្រួសារដែលស្ត្រីប្រាថ្នាចង់បាន គឺជាបុរសដែលមានបេះដូងជាជម្រកដ៏កក់ក្តៅសម្រាប់គូជីវិតខ្លួន ។
តើបុរសជាស្វាមីគួរផ្តល់អ្វីទៅនាងជាភរិយា ? ស្វាមីដែលស្គាល់ការណ៍ពិត ស្គាល់ពីតម្លៃនៃមនុស្សជាតិ ពិសេសស្ត្រីភេទ គួរផ្តល់អភ័យគឺក្ដីសន្ដោស និងការមើលថែរក្សាដល់ភរិយាមុនអ្វីៗទាំងអស់មាន ទ្រព្យសម្បត្តិ លុយកាក់ជាដើម ។
ដោយហេតុថា ក្នុងរង្វង់គ្រួសារបើមិនមានការផ្តល់អភ័យឱ្យគ្នាទេ ការចាំចាប់កំហុសគ្នារមែងកើតមានជាបន្តបន្ទាប់ ហើយគ្រួសារនោះនឹងមិនមានសុខភមង្គលឡើយ ។
ហេតុនេះដើម្បីសេចក្តីសុខសុភមង្គលក្នុងរង្វង់គ្រួសារ ស្វាមីគួរផ្តល់អភ័យដល់ភរិយាមុនគេបំផុត តែត្រូវឱ្យដោយស្មោះអស់មួយជីវិត មិនមែនជាការឱ្យដោយផ្គាប់ផ្គន់ បំពេញចិត្តភរិយាបានតែមួយដង្ហើមចង្រិតនោះទេ ៕ សាន សារិន
ចែករំលែកព័តមាននេះ