ប្រេងសំាងនៅកម្ពុជា បានបន្តថ្លៃទៀតនៅដើមខែកុម្ភៈនេះ។ បើតាមសេចក្តីជូនដំណឹង​របស់ក្រសួងពាណិជ្ជកម្ម ប្រេងសំាងដែលលក់តាមស្ថានីយ៍ប្រេងឥន្ធនៈចាប់​ពីថ្ងៃទី១កុម្ភៈ​ដល់ថ្ងៃទី១៥ខែកុម្ភៈនឹងមានតម្លៃ៣ ៤០០រៀលក្នុងមួយលីត្រ សម្រាប់ប្រេងសំាងធម្មតា ចំណែកប្រេងម៉ាស៊ូតថ្លៃ៣ ០៥០រៀលក្នុងមួយលីត្រ។

កាលពីសប្តាហ៍មុននេះ  តម្លៃប្រេងសំាងស៊ុបពែ ដាក់លក់នៅតាមស្ថានីយ៍ក្នុងរាជធានី​ភ្នំពេញថ្លៃ ៣ ៧៥០រៀលក្នុងមួយលីត្រ សម្រាប់ប្រេថស៊ុបពែ ចំណែកសំាងធម្មតា​មានតម្លៃ៣ ​២០០រៀងក្នុងមួយលីត្រ និងប្រេងម៉ាស៊ីតថ្លៃ២ ៩០០ក្នុងមួយលីត្រ។

ការឡើងថ្លៃប្រេងសំាងជាប់ៗគ្នាប៉ុន្មានខែមកនេះ ស្របពេលដែលកម្ពុជាបានប្រកាស​ពីការទទួលបានដំណក់ប្រេងពីបាតសមុទ្រ ជាប្រវត្តិសាស្រ្ត។ តំណក់ប្រេងធម្មជាតិនេះ​ធ្វើឲ្យពលរដ្ឋមានសង្ឃឹមថាកម្ពុជានឹងអាចបានប្រើប្រាស់ប្រេងសំាងនៅក្នុងតម្លៃទាប។ ប៉ុន្តែនៅព្រឹកថ្ងៃទី១ខែកុម្ភៈនេះក្នុងឱកាសអញ្ជើញ​បើក​ការដ្ឋាន​សាងសង់​រោងចក្រ​ប្រព្រឹត្ត​កម្ម​ទឹកស្អាត​បាក់​ខែង  និង​សម្ពោធ​រោងចក្រ​ប្រព្រឹត្ត​កម្ម​ទឹកស្អាត​ចំការមន ​ សម្តេចនាយករដ្ឋមន្រ្តី ហ៊ុន សែន បានមានប្រសាសន៍ថាការទទួលបានដំណក់ប្រេង​ពីបាតសមុទ្ររបស់កម្ពុជានៅពេលនេះមិនទាក់ទងតម្លៃប្រេងសំាងលក់នៅលើទីផ្សារនោះទេ។ សម្តេចបានបញ្ជាក់ថាអ្វីដែលកម្ពុជាទទួល​បាននោះគ្រាន់តែប្រេងសំាង​ធម្មជាតិហើយគេត្រូវការឆ្លងកាត់ការចម្រាញ់ ជាច្រើនទៀត​ ហើយកម្ពុជាមិន​ទាន់មានរោចក្រចម្រាញ់ប្រេងនេះទេ។

សម្តេចប្រមុខរដ្ឋាភិបាលបានបញ្ជាក់ថាប្រទេសដែលមានប្រេងកាតក្រោមដីមិនប្រាកដថាប្រជាជនលរដ្ឋនៅក្នុងប្រទេសនោះនឹងមានប្រេងសំាងប្រើប្រាស់ក្នុងតម្លៃទាបទេ។ សម្តេចបញ្ជាក់ថាប្រទេសដែលមានធនធានប្រេងជាច្រើនមានពលរដ្ឋធ្វើបាតុកម្មពីតម្លៃប្រេង។

ប្រេងសំាងឡើងថ្លៃអាចអាចជះឥទ្ធផលដល់ទំនិញនិងសេវាកម្មដែលលក់លើទីផ្សារ។ ក្រសួងពាណិជ្ចកម្មបានបញ្ជាក់ថាការកំណត់ថ្លៃប្រេងសំាងលក់តាមស្ថានីយ៍ប្រេងឥន្ធ​នៈផ្អែកលើទីផ្សារប្រេងអន្តរជាតិ៕