ADផ្ទាំងផ្សព្វផ្សាយពាណិជ្ជកម្ម

Picture

ផ្ទេរ​​ជនភៀសខ្លួន​ជា​ថ្មី ជាង​១.៤០០​នាក់​ទៀទៅ​កាន់​កោះដាច់​ស្រយាល​

8 ខែ មុន

ប្រទេស​បង់​ក្លា​ដែ​ស ៖ ជនភៀសខ្លួន​រ៉ូ​ហ៊ី​ង​យ៉ា​ដែល​រត់​ចេញពី​ប្រទេស​មី​យ៉ា​ន់​ម៉ា ជាង​១.៤០០​នាក់​ទៀត ត្រូវ​បាន​ផ្ទេរ​កាលពី​ថ្ងៃ​ទី​៣០ ​មក​រា ទៅ​កាន់​កោះដាច់​ស្រយាល​មួយ​នៃ​ឈូង​សមុទ្រ​បឹង​ហ្គា​ល់ ក៏​ទោះបី​មានការ​ប្រឆាំង​ជំទាស់ របស់​បណ្ដា​ក្រុម​សិទ្ធិ​មនុស្ស​ក៏​ដោយ ។…

ប្រទេស​បង់​ក្លា​ដែ​ស ៖ ជនភៀសខ្លួន​រ៉ូ​ហ៊ី​ង​យ៉ា​ដែល​រត់​ចេញពី​ប្រទេស​មី​យ៉ា​ន់​ម៉ា ជាង​១.៤០០​នាក់​ទៀត ត្រូវ​បាន​ផ្ទេរ​កាលពី​ថ្ងៃ​ទី​៣០ ​មក​រា ទៅ​កាន់​កោះដាច់​ស្រយាល​មួយ​នៃ​ឈូង​សមុទ្រ​បឹង​ហ្គា​ល់ ក៏​ទោះបី​មានការ​ប្រឆាំង​ជំទាស់ របស់​បណ្ដា​ក្រុម​សិទ្ធិ​មនុស្ស​ក៏​ដោយ ។ ក្រុម​សិទ្ធិ​មនុស្ស​ទាំងនេះ​មានការ​បារម្ភ​ដែល​ការ​បញ្ជូន​ពួក​គេ​ទៅ​កាន់​កោះ​នោះ​ជា​ការ​ផ្សង​នឹង​គ្រោះថ្នាក់​នៃ​ព្យុះ​និង​ទឹកជំនន់ ។

រួម​ជាមួយ​ការ​ផ្ទេរ​ជនភៀសខ្លួន​រ៉ូ​ហ៊ី​ង​យ៉ា​ក្រុម​មុន​កាលពី​ថ្ងៃ​ទី​២៨ មក​រា នាំ​ឲ្យ​ចំនួន​ជនជាតិ​ភាគ​តិច​កាន់សាសនា​អ៊ិ​ស្លា​ម​នោះ​ឡើង​ដល់​សរុប​ប្រមាណ​ជា​៦.៧០០​នាក់​ហើយ ដែល​បង់​ក្លា​ដែ​ស​បញ្ជូន​ទៅ​កាន់​កោះ BHASAN CHAR ចាប់​តាំង​ពី​ខែធ្នូ​មក ។

បង់​ក្លា​ដែ​ស​អះអាង​ថា ការ​ផ្ទេរ​នោះ​ជា​ការ​ស្ម័គ្រចិត្ត​តែ​បណ្ដា​ក្រុម​ដំបូង​នៃ​ជនភៀសខ្លួន​ដែល​ផ្ទេរ​ទៅ​កាន់​កោះ​នេះ​និយាយ​ថា ពួក​គេ​ត្រូវ​ចាប់បង្ខំ ។ រ​ដ្ឋា​ភិ​បាន​បង់​ក្លា​ដែ​ស​ក៏​អះអាង​ដែរ​ថា មនុស្ស​ដែល​មាន​ច្រើន​ណែនណាន់តាន់តាប់​នៅ​ក្នុង​ជំរំ​ជនភៀសខ្លួន​នានា​ក្នុងស្រុក COX’S BAZAR នាំ​ឲ្យ​កើត​មាន​អំពើ​ឧក្រិដ្ឋកម្ម​បាញ់បោះ​ចាប់រំលោភ​ការ​ប្រើ​គ្រឿងញៀន និង​ការ​វាយ​ប្រហារ​គ្នា​បង្ក​ការ​ភ័យ​ខ្លាច ។ នាយទាហាន​ម្នាក់​នៃ​កង​ម៉ា​រី​ន​បង់​ក្លា​ដែ​ស​ដែល​គ្រប់គ្រង​កោះ​នោះ​ផ្លែង​ប្រាប់​រ៉​យ​ទ័​រថា លើក​នេះ​យើង​ទទួល​ជនភៀសខ្លួន​រ៉ូ​ហ៊ី​ង​យ៉ា​សរុប​៣.២៤២​នាក់ រយៈពេល​២​ថ្ងៃ ។ គ្រប់​គ្នា​សុទ្ធតែ​ពេញចិត្ត​ចំពោះ​ការ​ដោះ​ស្រាយ​នៅ​លើ​កោះ​នោះ ។

ពួក​រ៉ូ​ហ៊ី​ង​យ៉ា​ជា​ក្រុម​ជនជាតិភាគតិច​ដែល​រត់ភៀសខ្លួន​ចេញពី​អំពើ​ហិង្សា​នៅ​មី​យ៉ា​ន់​ម៉ា​ជិតខាង​បង់​ក្លា​ដែ​ស មិន​ត្រូវ​អនុញ្ញាត​ឲ្យ​ចាក​ចេញពី​កោះ​នោះ​ដែល​គេ​ត្រូវ​ចំណាយពេល​ច្រើន​ម៉ោង​ទើប​ជិះ​នាវា​ទៅ​ដល់​ឡើយ ៕ ដកស្រង់​ចេញពី​វេ​ប​សាយ ៖ yahoo