ADផ្ទាំងផ្សព្វផ្សាយពាណិជ្ជកម្ម

Picture

ទំនៀមទំលាប់​សែនព្រេនរបស់​ជន​ជាតិ​​ដើម​ភាគតិច​ព្នង​​មាន​អ្វី​ខ្លះ?

3 ឆ្នាំ មុន

ខេត្តស្ទឹងត្រែង ​៖ ជនជាតិ​ដើម​ភាគតិច​ពូន​ង តែងតែ​រក្សា​ទំនៀមទំលាប់​តាម​បែប​ប្រពៃ​ណី​របស់​ខ្លួន​ នៅ​ពេល​ដែល​ពួក​គេ​រៀបចំ​ធ្វើ​អ្វីមួយ ដោយ​មានការ​បែ​បន់​និង​លាបំណន់​វិញ​ ។ ជា​ពិសេស ​ពិធី​សែន​ស្រូវ​ឡើង​ជង្រុក ​ឬ​បិទ​ជង្រុក…

ខេត្តស្ទឹងត្រែង ​៖ ជនជាតិ​ដើម​ភាគតិច​ពូន​ង តែងតែ​រក្សា​ទំនៀមទំលាប់​តាម​បែប​ប្រពៃ​ណី​របស់​ខ្លួន​ នៅ​ពេល​ដែល​ពួក​គេ​រៀបចំ​ធ្វើ​អ្វីមួយ ដោយ​មានការ​បែ​បន់​និង​លាបំណន់​វិញ​ ។ ជា​ពិសេស ​ពិធី​សែន​ស្រូវ​ឡើង​ជង្រុក ​ឬ​បិទ​ជង្រុក ​ដែល​ត្រូវធ្វើ​ឡើង​រៀង​រាល់
​ឆ្នាំ​។

ជនជាតិ​ដើម​ភាគតិច​ពូន​ង នៅ​តែ​ប្រកាន់​ភ្ជាប់​នូវ​វប្បធម៌​ប្រពៃណី ​តាម​បែប​អបិយ​ជំនឿ​ជនជាតិភាគតិច ដើម្បី​បួងសួង​សុំ​ឲ្យ​ការ​បង្កបង្កើន​ផល​របស់​ពួក​គាត់ សម្រាប់​ឆ្នាំ​ក្រោយ​ៗ​ទៀត ទទួល​បាន​ទិន្នផល​ខ្ពស់ និង​សុំ​សេចក្ដីសុខ សេចក្តីចម្រើន​ក្នុងភូមិ​ផង​ដែរ ។

យើង​មក​ដឹង​នូវ​គ្រឿង​សំណែន ​ដែល​ពួកគាត់​ត្រូវ​រៀប​ជា​ដ​ង្វា​យ​​ ​សម្រាប់​សែនព្រេន រួម មាន បា​យស បាយ​ក្រហម មាន់​ស្ងោរ ស្រា​ពាង ស្រាស អង្ករ និង​មានការ​វាយគង វាយ​ឃ្មោះ តាម​បែប​ប្រពៃណី​របស់​ពួក​គាត់​ថែមទៀត​ផង ។ ជនជាតិ​ពូន​ង​រស់នៅ​ភួ​មិ​ក្បាលរមាស ឃុំ​ក្បាល​រមាស ស្រុក​សេ​សាន ពួក​គាត់​ធ្វើ​វិធី​នេះ គឺ​បង្ហាញ​ពី​ប្រពៃណី ទំនៀមទំលាប់​របស់​ជនជាតិ​ដែល​ធ្លាប់​បាន​ធ្វើ​ជា​យូរយារ​មក​ហើយ ហើយ​វប្បធម៌​ប្រពៃណី​នេះ​ក៍​ត្រូវ​បង្ហាញ​សម្រាប់​ឲ្យ​កូនចៅ​ជំនន់​ក្រោយ​បាន​ស្គាល់ និង​ជួយ​អភិរក្ស​បន្ត​ផង​ដែរ ។

លោកគ្រូ យូ មេកន្ទ្រាញ​ជនជាតិ​ពូន​ង និង​ជា​មេ​ភូមិ​ក្បាល​រមាស​បាន​លើក​ឡើង​ក្នុង​
ពិធី​សែន​ស្រូវ​ឡើង​ជង្រុក​នោះ​ថា ពិធី​នេះ មិន​ខុស​ពី​បងប្អូន​ខ្មែរ​យើង ដែល​ធ្វើ​ពិធីសែន​ព្រេន​នៅ​ទី​វត្ត​អារាម​ក្នុង​រដូវ​បុណ្យ​ទាន​នោះ​ទេ ។ ហើយ​បងប្អូន​ជនជាតិ​យើង ក្រោយ​ពី​ប្រមូល​ផល​ស្រូវ​ហើយ បាន​កំណត់​យក​ខែមាឃ នៅក្នុង​ស​ប្តា​ហ៍​ទី​២ ឬ​ទី​៣​ក្នុង​ខែមករា ដោយ​ជ្រើសរើស​យក​ថ្ងៃ​ណាមួយ ធ្វើ​ពិធីសែនព្រេន​ពេល​ព្រឹក​សែន​តាម​ផ្ទះ​រៀង​ៗ​ខ្លួន ហើយ​នៅពេល​ថ្ងៃ​ទើប​នាំ​គ្នា​មក​ធ្វើ​ពិធី​រួម​គ្នា​ម្តងទៀត នៅ​កន្លែង​រោង​អ្នកតា​ម្ចាស់​ស្រុក។

លោក​មេកន្ទ្រាញបាន​បន្ថែម​ថា ​ការ​ជួបជុំគ្នា​ពេល​ថ្ងៃ​មេកន្ទ្រាញ ត្រូវ​សួរនាំ បងប្អូន​កូន
ចៅ​ទាំងអស់​ឲ្យ​ដឹង​ពី​ភោគផល​ដែល​ទទួល​បាន​នៅ​ក្នុងឆ្នាំនេះថា ​តើ​អ្នក​ណា​បាន​តិច ឬបាន​ច្រើន ដើម្បី​ចាត់ចែង​ជួយ​គ្នា​ទៅ​វិញ​ទៅមក នៅ​ពេល​ដែល​មានការ​ខ្វះខាត ស្បៀងអាហារ ក្នុង​ជីវភាព​រស់នៅ ។

ស្រី្ត ឃ្លឿ​ប ជាជនជាតិ​ពូន​ង​នៅ​ឃុំ​ក្បាលរមាស​ក៏បាន​លើក​ឡើង​ថា​ ការ​គោរព​ប្រពៃ​ណី​នេះ គឺ​ចង់​ឲ្យ​បងប្អូន​ទុកដាក់​ភោគផល ​ដែល​ខំ​ធ្វើ​បាន​មក​ហើយ​ឲ្យ​នៅ​គង់វង្ស ហើយ​ប្រើប្រាស់​ឲ្យ​ចេះ​សន្សំ​សំចៃ ។​ស្រី្ត​ដដែល​បន្ត​ថា​កម្មវិធី​នេះ​ក៍​ជា​ការ​សំដែង នូវ​ការ​ដឹង​គុណ​ចំពោះ​ព្រះ​មេរុ​ទី​ពី ដែល​ជួយ​ចិញ្ចឹមជីវិត​ឲ្យ​រស់រាន​មានបាន ទាំង​កូនចៅ​មក​ដល់​សព្វ​ថ្ងៃនេះ ។

លោក ច្រូ ញ៉ុ​ង ជនជាតិ​ពូន​ង បាន​បញ្ជាក់​ថា​ពិធី​សែន​នេះ​បងប្អូន​ជនជាតិ​ពូន​ង ធ្វើ​តាម​ទំលាប់​ដែល​មាន​ពី​ដូនតា​មក​ជា​រៀង​រាល់​ឆ្នាំ មិន​ដែល​អាក់ខាន​ឡើយ ហើយ​ដើម្បី​ឲ្យ​កូនចៅ​ចង​ចាំ និង​ប្រតិបត្តិ​តាម​កុំ​ឲ្យ​ឃ្លៀងឃ្លាត​ពី​អំបូរ​ជនជាតិ ព្រោះ​បច្ចុប្បន្ន​នេះ អ្វី​ៗ​សព្វគ្រប់​មិន​ថា​តែ​សម្ភារៈ​ប្រើប្រាស់ និ​សម្លៀក​បំពាក់ ក៏​ដូច​ជា​ភាសា​មួយ​ចំនួន ត្រូវ​បាន​ផ្លាស់​ប្តូរ គឺ​នៅ​សល់​តែ​ពិធីសែនព្រេន​មួយ​នេះ​ទេ​ដែល​នៅ​រក្សា​បាន ។

សូម​បញ្ជាក់​ថា​ ពិធីសែនព្រេន​តាម​បែប​ប្រពៃណី​ជនជាតិ​ដើម​ភាគតិច​ពូន​ង​លើក​នេះ​ ​ដូច​សព្វដង​ដែរ ដោយ​មេកន្ទ្រាញ បាន​កោះហៅ​ទាំង​ក្មេង​ចាស់​ប្រុស​ស្រី​ឲ្យ​មក​ប្រមូល​ផ្តុំគ្នា យកនំ​ចំណី អាហារ មាន​មាន់ អង្ករ បង្អែម អន្សម ស្រា​ពាង ជា​ដ​ង្វា​យមក​សែន​ព្រេន​ដល់អ្នកតា​ម្ចាស់​ស្រុក ហៅ​ថា​(​តា​កង )​នៅ​ភ្នំ​មមី សុំ​ឲ្យ​ពរ​ជ័យ​មក​កូនចៅ​ដោយ​ទទួល​បានសេចក្តីសុខ សេចក្តីចម្រើន​ទាំងអស់​គ្នា និង​សូម​ឲ្យ​រស់នៅ​ប្រកបដោយ​សុខក្សេមក្សាន្ត​។

បន្ថែម​ទៀតនេះ ​នៅ​ស្រុក​សេ​សាន​មានទៅ​ដោយ​ច្រើន​អំបូរ​ជនជាតិ ដែល​មាន​ដូច​ជា
.​ជនជាតិ​ពូន​ង​នៅ​ឃុំ​ក្បាល​រមាស ជនជាតិ​ព្រៅ​នៅ​ឃុំ​កំ​ភុ​ន និង​ជនជាតិ​គ្រឹ​ង​នៅ​ឃុំ​តា​ឡា​ត ដែល​បាន នឹង​កំពុង​អភិរក្ស​នូវ​ប្រពៃណី​បែប​នេះ​ដូច​ៗ​គ្នា​ផង​ដែរ ៕

អត្ថបទសរសេរ ដោយ