ខេត្តតាកែវ ៖ លោក ណុប នី ប្រធានមន្ទីរសាធារណៈការ និងដឹកជញ្ជូនខេត្តតាកែវនៅក្នុងឱកាសទទួលគ្រឿងចក្រចំនួន៨គ្រឿង ដែលក្រសួងសាធារណៈការ និងដឹកជញ្ជូន បានផ្តល់ដល់មន្ទីរទាំង២៥រាជធានី ខេត្ត សម្រាប់យកទៅប្រើប្រាស់ឱ្យចំគោលដៅនោះ លោកប្រធានមន្ទីរក៏បានប្តេជ្ញាថែទាំងគ្រឿងចក្រទាំងនេះឱ្យបានល្អ និងប្រើប្រាស់បានយូរ និងជួយសម្រួលដល់ការជួសជុលថែទាំផ្លូវថ្នល់ឱ្យកាន់តែមានប្រសិទ្ធភាពខ្ពស់។
លោក ណុប នី ក៏បានថ្លែងអំណរគុណយ៉ាងជ្រាលជ្រៅចំពោះប្រមុខរាជរដ្ឋាភិបាលក៏ដូចជាក្រសួងសាធារណការ និងដឹកជញ្ជូន ដែលបានយកចិត្តទុកដាក់ផ្តល់គ្រឿងចក្រដល់មន្ទីរសាធារណការ និងដឹកជញ្ជូនតាមបណ្តាលខេត្ត ដើម្បីទុកប្រើប្រាស់ដើម្បីបម្រើជាប្រយោជន៍រួមផងដែរក្នុងការធ្វើផ្លូវ ស្តារប្រឡាយ និងជួសជុលផ្លូវសាធារណៈជាប្រយោជន៍រួមដើម្បីជួយសម្រួលដល់ប្រជាពលរដ្ឋ៕ ដោយ ៖ សេង សុធា
ចែករំលែកព័តមាននេះ