រាជធានីភ្នំពេញ ៖ អតីតមន្ត្រីជាន់ខ្ពស់គណបក្សសង្គ្រោះជាតិបានអះអាងថា ការបង្កើតគ ណបក្សនយោបាយថ្មី «គណបក្សកែទម្រង់កម្ពុជា» ដោយដល់ពេលដែលកម្ពុជាត្រូវធ្វើការកែទម្រង់ហើយ ។ លោក អ៊ូ…
រាជធានីភ្នំពេញ ៖ អតីតមន្ត្រីជាន់ខ្ពស់គណបក្សសង្គ្រោះជាតិបានអះអាងថា ការបង្កើតគ ណបក្សនយោបាយថ្មី «គណបក្សកែទម្រង់កម្ពុជា» ដោយដល់ពេលដែលកម្ពុជាត្រូវធ្វើការកែទម្រង់ហើយ ។
លោក អ៊ូ ច័ន្ទរ័ត្ន បានបញ្ជាក់ប្រាប់កោះសន្តិភាពតាមទូរស័ព្ទនៅល្ងាច ថ្ងៃទី២៥ មករា ឆ្នាំ២០២១យ៉ាងដូច្នេះថា ៖«ការបង្កើតបក្សកែទម្រង់នេះ ដោយសារជាង៣០ឆ្នាំមកហើយ ប្រទេសណាក៏ដោយក្នុងពិភពលោក រួមទាំងកម្ពុជា វាដល់កាលៈទេសៈវាអាចធ្វើកំណែ ទម្រង់ហើយ » ។
ជាមួយគ្នានោះដែរ អតីតមន្ត្រីជាន់ខ្ពស់គណបក្សប្រឆាំងក៏បានបង្ហាញពីការមិនចូលរួមជាមួយគណបក្សនយោបាយផ្សេងទៀត ដោយសារតែគណបក្សនយោបាយគ្មានសន្ទុះខ្លាំង ។ លោកបញ្ជាក់ថា៖ «យើងមិនមានមន្ទិលសង្ស័យនោះទេ ប៉ុន្តែយើងឃើញថា គណបក្ស មិនមានភាព ឬបាក់ការគាំទ្រពីប្រជាពលរដ្ឋ ទោះបីជាមានអ្នកចូលរួមក៏ដោយក៏គណបក្សនឹងនៅតែប៉ុណ្ណឹង គឺគ្មានការផ្ទុះឡើង ឬគាំទ្រច្រើននោះទេ» ។
លោកបន្តថា គណបក្សរបស់លោក គឺជាការរៀបចំរចនាសម្ព័ន្ធថ្មី ដែលមានការចូលរួមពី អតីតថ្នាក់ដឹកនាំគណបក្សសង្គ្រោះជាតិក្តី ក្រុមបញ្ញវន្តក្តី ប្រហែលជាមានការគាំទ្រ ហើយអាចនឹងកសាងសន្ទុះការគាំទ្រច្រើនជាង ។
ទោះយ៉ាងណាក្តី លោក អ៊ូរ ច័ន្ទរ័ត្ន ដែលទទួលបានសម្បទានសិទ្ធិធ្វើនយោបាយកាល ពេលកន្លងមកមិនទាន់ហានអះអាងថា កំលាំងគាំទ្រពីសកម្មជន អតីតគណបក្សប្រឆាំងក៏ដូចជា មហាជនផ្សេងទៀតប៉ុន្មានភាគរយនោះទេ ។ ប៉ុន្តែលោក អះអាង ការគាំទ្រតិច ឬច្រើននោះវា អាស្រ័យលើរចនាសម្ព័ន្ធ និងគោលនយោបាយ ។ លោកគូសបញ្ជាក់ថា ៖«សម្រាប់អ្នកគាំទ្រប៉ុន្មានភាគរយយើងមិនទាន់អាចទស្សទាយបាននោះទេ ព្រោះយើងមិនទាន់ចុះបញ្ជីជាផ្លូវការនៅក្រសួងមហាផ្ទៃ និងធ្វើការបង្ហាញឲ្យមហាជនបានដឹង» ។
លោកច័ន្ទ រ័ត្ន បានលើកឡើងទៀតថា បើសិនជាក្រុមថ្នាក់ដឹកនាំគណបក្សនយោបាយ ថ្មីនេះ ចុះតាមមូលដ្ឋានដើម្បីស្ទាប់ស្ទង់នោះនឹងដឹងពីកំលាំងគាំទ្របាន ប៉ុន្តែបើមិនទាន់ចុះ មូល ដ្ឋានផងនោះមិនអាចវាយតម្លៃបាននោះទេ ។ ជាមួយគ្នានោះដែរ លោកក៏បានប្រតិកម្មចំពោះការវាយតម្លៃរបស់អ្នកវិភាគមួយចំនួនក៏ដូចជា សកម្មជនអតីតគណបក្សប្រឆាំងមិនទាន់អាចយកការពិតនោះទេ ព្រោះបុគ្គលម្នាក់ៗដែលលើកឡើងគ្មានហេតុផលច្បាស់លាស់ គឺមិនមែនជាតំណាងសម្លេងរបស់ប្រជាពលរដ្ឋនោះទេ ។
ចំណែកលោកសុខ ឥសាន អ្នកនាំពាក្យគណបក្សប្រជាជនកម្ពុជា បានលើកឡើងឲ្យដឹងតាមប្រព័ន្ធតេឡេក្រាម នៅថ្ងៃទី២៦ ខែមករា ឆ្នាំ២០២១ថា គណបក្សកែទម្រង់កម្ពុជាដែលកើតពីក្រុមមន្ត្រីអតីតបក្សប្រឆាំងចេញរូបរាងហើយ គឺមិនបាច់រង់ចាំខ្មោច (អតីតបក្សប្រឆាំង)រស់ឡើងវិញទេ មិនដឹងជាជាតិណាទេ ។
អ្នកនាំពាក្យគណបក្សប្រជាជនបានលើកឡើងថា ក្នុងនាមជាពលរដ្ឋនៅក្នុងប្រទេសដែលមានឯករាជ្យ និងអធិបតេយ្យ មានសិទ្ធិធ្វើនយោបាយ ហេតុអីចាំបាច់ពឹងដង្ហើមរបស់ក្រុមឧទ្ទាមក្រៅច្បាប់ ? ។ លោកបញ្ជាក់ថា ទ្វារសេរីភាពខាងនយោបាយនៅបើកចំហរស ម្រាប់អ្នកនយោបាយជាង១០៣នាក់ ព្រៀបថា បាល់នៅនឹងជើងអស់លោកហើយទាត់ ឬមិនទាត់ជាការទទួលខុសត្រូវរបស់អស់លោក ។
ការប្រកួតប្រជែងនយោបាយ គោលបំណង គឺផែនការជោគជ័យតែការជាក់ស្តែងអាស្រ័យលើឆន្ទៈរបស់ប្រជាជន ជារឿងធម្មតាវាគ្រាន់បើជាងអត់បានប្រកួតដែរ» ។ លោកបានស្វាគមន៍ចំពោះការបង្កើតគណបក្សថ្មី ដើម្បីប្រែងការបោះឆ្នោតនេះព្រោះថា ការបានចូលរួមប្រកួតប្រជែងបោះឆ្នោត គឺជាកិត្តិយសរបស់គណបក្សនយោបាយប្រកួតប្រជែង បើមិនភ្លក្សរស់ជាតិធធ្វើម៉េចនឹងបានដឹងរស់សាបប្រៃ ។
អ្នកនាំពាក្យដដែលក៏បានលើកឡើងថា ការបង្កើតគណបក្សនយោបាយប្រៀបដូចជា ការសង់អគារមួយមិនអាចសង់ភ្លាមបានភ្លែតទេ ត្រូវដំណើរការតាមលំដាប់លំដោយពីគ្រឹះ សសររៀបជញ្ជាំង និងប្រក់ដំបូល ៕
ចែករំលែកព័តមាននេះ