រាជធានីភ្នំពេញ ៖ ក្រសួងធនធានទឹក និងឧតុនិយមបានបញ្ជាក់ថា ចាប់ពីថ្ងៃទី២៧ មករាដល់ថ្ងៃទី២ ខែកុម្ភៈ តំបន់មួយចំនួនរបស់ប្រទេសកម្ពុជានឹងមានភ្លៀងធ្លាក់ ហើយមានខ្យល់បក់ខ្លាំង ។…
រាជធានីភ្នំពេញ ៖ ក្រសួងធនធានទឹក និងឧតុនិយមបានបញ្ជាក់ថា ចាប់ពីថ្ងៃទី២៧ មករាដល់ថ្ងៃទី២ ខែកុម្ភៈ តំបន់មួយចំនួនរបស់ប្រទេសកម្ពុជានឹងមានភ្លៀងធ្លាក់ ហើយមានខ្យល់បក់ខ្លាំង ។
យោងតាមសេចក្តីជូនដំណឹងរបស់ក្រសួងធនធានទឹក នៅថ្ងៃទី២៦ ខែមករា ឆ្នាំ២០២១ ស្តីពីស្ថានភាពធាតុអាកាស ចាប់ពីថ្ងៃទី២៧ ខែមករា ដល់ថ្ងៃទី២ ខែកុម្ភៈ ឆ្នាំ២០២១បានឲ្យដឹងថា នៅថ្ងៃទី២៧ ខែមករា ដល់ថ្ងៃទី២ ខែកុម្ភៈ ឆ្នាំ២០២១ ព្រះរាជាណាចក្រកម្ពុជាទទួលឥទ្ធិពលពីខ្យល់មូសុងឦសានពីខ្សោយទៅមធ្យម ។
ក្រសួងថា ស្ថានភាពបែបនេះនឹងធ្វើឲ្យបណ្តាខេត្តនៅតំបន់វាលទំនាបកណ្ដាលមានសីតុណ្ហភាពអប្បបរមា មានពី ១៨-២១ °C និងសីតុណ្ហភាពអតិបរមា មានពី ៣០-៣៣ °C ។ នៅថ្ងៃទី២៧ – ២៩ ខែមករា មានភ្លៀងចន្លោះៗបន្តិចបន្តួចពីផ្សែងក្រូច ទៅខ្សោយនៅតំបន់ទំនាប ភាគខាងត្បូង ។
ចំណែកបណ្តាខេត្ត ជាប់ជួរភ្នំដងរែក និងខ្ពង់រាបឦសាន មានសីតុណ្ហភាពអប្បបរមា មានពី ១៧-២០ °C និង សីតុណ្ហភាពអតិបរមា មានពី ២៩-៣២ °C ។ នៅថ្ងៃទី២៩ – ៣០ ខែមករា មានខ្យល់ខ្លាំងនៅតំបន់ខ្ពង់រាបភាគខាងកើត ។ និងតំបន់មាត់សមុទ្រ មានសីតុណ្ហភាពអប្បបរមា មានពី ១៩-២២ °C និង សីតុណ្ហភាពអតិបរមា មានពី ២៧-៣០ °C ។ នៅថ្ងៃទី២៧-៣០ ខែមករា មានភ្លៀងផ្គររន្ទះពីខ្សោយទៅច្រើនបង្គួរ ៕
ចែករំលែកព័តមាននេះ