បន្តសវនាការសំណុំរឿងរួមគំនិតក្បត់ ចុងក្រោយប្រកាសពន្យារពេល
រាជធានីភ្នំពេញ ៖ តាមព័ត៌មានចុងក្រោយថា តុលាការបានប្រកាសពន្យារពេលសវនាការទៅថ្ងៃទី៤ កុម្ភៈ ២០២១ ខាងមុខទៀត ។ សូមបញ្ជាក់ថា សាលាដំបូងរាជធានីភ្នំពេញ…
រាជធានីភ្នំពេញ ៖ តាមព័ត៌មានចុងក្រោយថា តុលាការបានប្រកាសពន្យារពេលសវនាការទៅថ្ងៃទី៤ កុម្ភៈ ២០២១ ខាងមុខទៀត ។ សូមបញ្ជាក់ថា សាលាដំបូងរាជធានីភ្នំពេញ…
រាជធានីភ្នំពេញ ៖ តាមព័ត៌មានចុងក្រោយថា តុលាការបានប្រកាសពន្យារពេលសវនាការទៅថ្ងៃទី៤ កុម្ភៈ ២០២១ ខាងមុខទៀត ។
សូមបញ្ជាក់ថា សាលាដំបូងរាជធានីភ្នំពេញ កាលពីថ្ងៃទី២២ ខែមករា ឆ្នាំ២០២១ បានបន្តលើកយកសំណុំរឿងអតីតសកម្មជនគណបក្សសង្គ្រោះជាតិចំនួន២១នាក់ មកបើកសវនាការជំនុំជម្រះទោស ពាក់ព័ន្ធពីបទរួមគំនិតក្បត់ ញុះញង់ឲ្យប្រព្រឹត្តបទឧក្រិដ្ឋជាអាទិ៍ និងញុះញង់កុំឲ្យយោធិនស្ដាប់បង្គាប់ តាមមាត្រា៤៥៣ មាត្រា៤៩៤ មាត្រា៥៩៥ និងមាត្រា៤៧១ នៃក្រមព្រហ្មទណ្ឌព្រះរាជាណាចក្រកម្ពុជា ។
សវនាការនេះ ដឹកនាំដោយលោក រស់ ពិសិដ្ឋ អនុប្រធានសាលាដំបូងរាជធានីភ្នំពេញ ជាប្រធាក្រុមប្រឹក្សាជំនុំជម្រះ លោក កើត សាំង និងលោក អុឹម វណ្ណៈ ចៅក្រមអម ក្នុងនោះមានមេធាវីការពារដើមបណ្តឹងរដ្ឋប្បវេណី និងមេធាវីការពារក្តីឲ្យជនត្រូវចោទ ។ សវនាការបានធ្វើឡើងចំពោះមុខជនជាប់ចោទចំនួន១៣ នាក់ ដែលកំពុងជាប់ឃុំក្នុងពន្ធនាគារព្រៃស និងកំបាំងមុខចំពោះជនត្រូវចោទ៨នាក់ ដែលស្ថិតនៅក្រៅឃុំ ។
សវនាការជាសាធារណៈបានប្រព្រឹត្តធ្វើពេញមួយថ្ងៃ ក្រោមការចូលរួមតាមដានស្តាប់ដោយយកចិត្តទុកដាក់ពីសំណាក់តំណាងអង្គទូតមួយចំនួនប្រចាំព្រះរាជាណាចក្រកម្ពុជា អ្នកសារព័ត៌មានជាតិ និងស្ថាប័នអង្គមស៊ីវិលផងដែរ ។ ចំណែកនៅក្រៅបរិវេណសាលាដំបូងរាជធានីភ្នំពេញ សង្កេតឃើញមានកងកម្លាំងសមត្តកិច្ចដាក់ពង្រាយតាមដងផ្លូវនានា និងមាននគរបាលចរាចរណ៍ឈជើងលើដងវិថីជួយសម្រួលដល់អ្នកធ្វើដំណើរទៀតផង ។
ទោះជាយ៉ាងណាក្តី គេឃើញមានក្រុមស្ដ្រីជាសកម្មជនអតីតគណបក្សសង្គ្រោះជាតិ(តវ៉ាថ្ងៃសុក្រ)ចំនួន១៣នាក់ បានមកប្រមូលផ្ដុំគ្នានៅមុខច្រកចូលពហុកីឡដ្ឋានជាតិអូឡាំពិក តាមផ្លូវលេខ២១៧ សង្កាត់វាលវង់ ខណ្ឌ៧មករា ក្នុងគោលបំណងទាមទារឲ្យតុលាការទម្លាក់ចោលនូវការចោទប្រកាន់ និងធ្វើការដោះលែងសាច់ញាតិរបស់ពួកគេ ។
ប៉ុន្តែដោយសារការខ្លាចមានភាពរញ៉េរញ៉ៃ បង្កការលំបាកដល់អង្គសវនាការ និងជាការប្រមូលផ្តុំធ្វើឲ្យប៉ះពាល់ដល់បម្រាមរបស់ក្រសួងសុខាភិបាលពាក់ព័ន្ធនឹងជំងឺឆ្លងកូវីដ-១៩ផងនោះ សមត្ថកិច្ចរបស់អាជ្ញាធរខណ្ឌ៧មករា បានដេញក្រុមអ្នកគាំទ្រទាំងនោះឲ្យទៅឆ្ងាយទៅក្បែររបងវិទ្យាល័យបាក់ទូកវិញ ហើយទើបមួយសន្ទុះក្រោយមក ពួកគាត់ក៏បាននាំគ្នារំសាយទៅផ្ទះរៀងៗខ្លួនអស់ទៅ ។
បើទោះបីជាមានការរារាំងពីសំណាក់សមត្ថកិច្ចយ៉ាងនេះក្តី ក៏គេសង្កេតឃើញសកម្មភាពទាំងនោះមិនមានបង្កផលលំបាកប៉ះពាល់ដល់សន្តិសុខ និងសណ្តាប់ធ្នាប់សាធារណៈសង្គមនោះទេ ។
ចែករំលែកព័តមាននេះ