អកុសលចេតសិក១៤
អកុសលចេតសិក ជាចេតសិកផ្នែកអាក្រក់ ជាបាប ប្រកបបានចំពោះចិត្តជា អកុសល ១២ មិនប្រកបជាមួយហេតុជាកុសលឡើយ ។ អកុសលចេតសិកទាំង១៤ប្រការនោះគឺៈ ១-មោហ:…
អកុសលចេតសិក ជាចេតសិកផ្នែកអាក្រក់ ជាបាប ប្រកបបានចំពោះចិត្តជា អកុសល ១២ មិនប្រកបជាមួយហេតុជាកុសលឡើយ ។ អកុសលចេតសិកទាំង១៤ប្រការនោះគឺៈ ១-មោហ:…
អកុសលចេតសិក ជាចេតសិកផ្នែកអាក្រក់ ជាបាប ប្រកបបានចំពោះចិត្តជា អកុសល ១២ មិនប្រកបជាមួយហេតុជាកុសលឡើយ ។ អកុសលចេតសិកទាំង១៤ប្រការនោះគឺៈ
១-មោហ: សភាវធម៌ដែលវង្វេងក្នុងអារម្មណ៍ មិនដឹងសច្ចធម៌ បុណ្យ និងបាប ។
២-អហិរិក: សភាវធម៌ដែលមិនខ្មាសខ្ពើមបាប ។
៣-អនោត្តប្ប: សភាវធម៌ដែលមិនក្រែងខ្លាចបាប ព្រោះមិនឃើញទោសរបស់បាប ។
៤-ឧទ្ធច្ច: សភាវធម៌ដែលកញ្ជ្រោលចិត្ត មិនស្ងប់ក្នុងអារម្មណ៍ រាយមាយ រវើរវាយ ។
៥-លោភ: សភាវធម៌ដែលជាប់ជំពាក់អារម្មណ៍ ពេញចិត្ត ប្រាថ្នា ចង់បាន ។
៦-ទិដ្ឋិ: សភាវធម៌ដែលយល់ឃើញខុសក្នុងសច្ចធម៌ ។
៧-មានះ សភាវធម៌ដែលលើកតម្កើងខ្លួនប្រកាន់មាំក្នុងទិដ្ឋិ ។
៨-ទោស: សភាវធម៌ដែលប្រទូស្តអារម្មណ៍ មិនពេញចិត្ត ខឹង ស្អប់ ។
៩-ឥស្សា: សភាវធម៌ដែលកើតសេចក្ដីច្រណែន ។
១០-មច្ឆរិយ: សភាវធម៌ដែលកើតសេចក្តីកំណាញ់ ។
១១-កុក្កុច្ច: សភាវធម៌ដែលក្ដៅក្រហាយចិត្ត សោកសៅ សោកស្ដាយ ។
១២-ថីន: សភាវធម៌ដែលរួញរា អស់កម្លាំងចិត្ត ច្រអូស លះបង់សេចក្ដីព្យាយាម ។
១៣-មិទ្ធ: សភាវធម៌ដែលងោកងុយ រាថយ ។
១៤-វិចិកិច្ឆា: សភាវធម៌ដែលមានការសង្ស័យ ញាប់ញ័រ ស្ទាក់ស្ទើរ មិនមានជំនឿចិត្ត ។
អកុសលចេតសិកទាំង១៤ប្រការនេះជាឧបសគ្គរារាំងសត្វមិនឱ្យបានសម្រេចមគ្គផលសួគ៌និព្វានឡើយ ៕ សាន សារិន
ចែករំលែកព័តមាននេះ