ចាប់ជាក់ស្តែងពេលកំពុងដោះដូរថ្នាំ​ជាង២០កញ្ចប់ – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

Picture

ចាប់ជាក់ស្តែងពេលកំពុងដោះដូរថ្នាំ​ជាង២០កញ្ចប់

4 ខែ មុន

ខេត្តបាត់ដំបង ​៖ សមត្ថកិច្ច​បាន​ឃាត់ខ្លួន​បុរស​ម្នាក់ដែល​កាន់កាប់​ថ្នាំ​ញៀន​ប្រភេទ ICE (ម៉ា​ទឹកកក)ចំនួន​ជាង​២០​ក​ណ្ចា​ប់ កាលពី​រសៀល​ថ្ងៃ​ទី​២០ មក​រា ដែល​ជន​នេះ​កំពុង​ដោះ​​ដូរនៅ​ចំណុច​ភូមិ​ពេជ្រ​ចង្វា ឃុំ​រស្មី​សង្ហា ស្រុក​រតន​មណ្ឌល…

ខេត្តបាត់ដំបង ​៖ សមត្ថកិច្ច​បាន​ឃាត់ខ្លួន​បុរស​ម្នាក់ដែល​កាន់កាប់​ថ្នាំ​ញៀន​ប្រភេទ ICE (ម៉ា​ទឹកកក)ចំនួន​ជាង​២០​ក​ណ្ចា​ប់ កាលពី​រសៀល​ថ្ងៃ​ទី​២០ មក​រា ដែល​ជន​នេះ​កំពុង​ដោះ​​ដូរនៅ​ចំណុច​ភូមិ​ពេជ្រ​ចង្វា ឃុំ​រស្មី​សង្ហា ស្រុក​រតន​មណ្ឌល ​។

របាយ​ការ​ណ៍ការិយាល័យ​ប្រឆាំង​គ្រឿងញៀនបាន​ឲ្យ​ដឹង​ថា ជនសង្ស័យ​ឈ្មោះ ឈួ​ត ច​ន្នី ហៅ ហ៊ីង អាយុ​២៦​ឆ្នាំ រស់នៅ​ចំណុច​ភូមិ ឃុំ​កើតហេតុ​ខាងលើ​។ លោក សុខ និមល ប្រធាន​ការិយាល័យ​ប្រឆាំង​គ្រឿងញៀន បាន​និយាយ​ថា ជនសង្ស័យ​រូប​នេះ ត្រូវ​បាន​កម្លាំង​ផ្នែក​ប្រឆាំង​គ្រឿងញៀន ស្រុក​រតន​មណ្ឌល ឃាត់ខ្លួន​ពេល​កំពុង​ប្រព្រឹត្ត​បទ​ល្មើស​ជាក់ស្ដែង នៅ​ក្នុង​មូលដ្ឋាន​។

ហើយ​ជាមួយនឹង​ការ​ឃាត់ខ្លួន​នេះ មន្ត្រី​ជំនាញ​ដកហូត​វត្ថុ​តាង​គ្រឿងញៀន​មួយ​ជា​ច្រើន​ក​ញ្ចា​ប់ និង សម្ភារ​ពាក់ព័ន្ធ​មួយ​ចំនួន​ទៀត​។ បើ​យោង​តាម​របាយ​ការ​ណ៏​របស់​ការិយាល័យ​ជំនាញ​ដដែល បាន​ឲ្យ​ដឹង​ថា ជាមួយនឹង​ការ​ឃាត់ខ្លួន​ជនសង្ស័យ​ឈ្មោះ ឈួ​ត ច​ន្នី ហៅ ហ៊ីង នេះ មន្ត្រី​ជំនាញ​បាន​ឆែកឆេរ​រក​ឃើញ​វត្ថុ​តាង ដកហូត​ថ្នាំ​ញៀន​ប្រភេទ​មេ​តំ​ហ្វេ​តា​មីន ICE (​ម៉ា​ទឹកកក​) ចំនួន​២៣​កញ្ចប់ ស្មើ​ទម្ងន់​៦៣,៧០​ក្រាមសម្ភារ​សម្រាប់​ច្រកថ្នាំ​លក់ និងសម្ភារ​ប្រើប្រាស​ថ្នាំ​ញៀន​មួយ​ចំនួន​ទៀត​។

នៅ​ចំពោះ​មុខ​សមត្ថ​កិច្ច ជនសង្ស័យ​ឈ្មោះ ឈួ​ត ច​ន្នី ហៅ ហ៊ីង បាន​សារភាព​ទ​ទូល​ស្គាល់​អំពី​កំហុស​របស់​ខ្លួន ដែល​បាន​ប្រព្រឹត្ត​បទល្មើស​គ្រឿង​គ្រឿង​នេះ​។

ជន​នេះ​មន​បាន​ប្រាប់​លំអិត​អំពី​ប្រវត្តិ​ធ្វើ​ជំនួញ​គ្រឿងញៀន​នេះ​ទេ ហើយ​ក៏​មិន​បាន​បង្ហាញ​ពី​ប្រភពនៃ​គ្រឿងញៀន​ដែល​ខ្លួន​ទិញ​យក​មក​លក់​បន្ត​ដែរ តែ​បាន​ទ​ទូល​ស្គាល់​វត្ថុ​តាង​ទាំងអស់​ដែល​មន្ត្រី​បាន​ដកហូត គឺ​ពិតជា​របស់​ខ្លួន​មែន​។

ប៉ុន្តែ​យ៉ាងណា​ក៏​ដោយ បើ​តាម​លោក សុខ និមល បាន​បញ្ជាក់​ថា ក្រោយ​ពី​មន្ត្រី​ជំនាញ បញ្ជូន​ជន​នេះ និង វត្ថុ​តាង មក​ដល់​ការិយាល័យ​របស់​លោក ពេល​នេះ​មន្ត្រី​ជំនាញ បាន​និង​កំពុង​រៀបចំ​សំណុំរឿង បញ្ជូន​ជន​នេះ​និង​វត្ថុ​តាង​ទៅ​កាន់​សាលាដំបូង​ខេត្ត​ហើយ​៕

Picture