រាជធានីភ្នំពេញ ៖ បន្ទាប់ពីប្រទេសកម្ពុជារងផលប៉ះពាល់ពីជំងឺកូវីដ ១៩ អស់រយៈពេលជា ច្រើនខែក្នុងឆ្នាំ ២០២០កន្លងទៅនេះបានធ្វើឱ្យវិស័យវិធនាគារ និងហិរញ្ញវត្ថុរងផលប៉ះពាល់ និងបានរៀបចំឥណទានឡើងវិញជូនអតិថិជនមានប្រមាណជាង ៣៥ម៉ឺននាក់ដែលមានទំហំ…
រាជធានីភ្នំពេញ ៖ បន្ទាប់ពីប្រទេសកម្ពុជារងផលប៉ះពាល់ពីជំងឺកូវីដ ១៩ អស់រយៈពេលជា ច្រើនខែក្នុងឆ្នាំ ២០២០កន្លងទៅនេះបានធ្វើឱ្យវិស័យវិធនាគារ និងហិរញ្ញវត្ថុរងផលប៉ះពាល់ និងបានរៀបចំឥណទានឡើងវិញជូនអតិថិជនមានប្រមាណជាង ៣៥ម៉ឺននាក់ដែលមានទំហំ ឥណទានដល់រាប់ពាន់លានដុល្លារអាមេរិក ។
លោក ហេង កួយ ប្រធានចាត់ការទូទៅនៃសមាគមធនាគារនៅកម្ពុជា មានប្រសាសន៍ ឱ្យដឹងនៅថ្ងៃទី ២០ខែមករា ឆ្នាំ ២០២១នេះថា គិតត្រឹមរយៈពេល ១១ខែ ឆ្នាំ ២០២០កន្លងមក នេះ ចំនួនអតិថិជន ឬគណនីដែលបានរៀបចំឥណទានឡើងវិញមានចំនួន ៦៨.៥២១នាក់ ស្មើប្រមាណ ២,៨ប៊ីលានដុល្លារអាមេរិក ។
អ្នកចាត់ការទូទៅរូបនេះឱ្យដឹងទៀតថា ពាក់ព័ន្ធនិងការរៀបចំឥណទានឡើងវិញជូន អតិថិជននៅឆ្នាំ ២០២១នេះ សមាគមធនាគារបានស្នើសុំទៅរាជរដ្ឋាភិបាល ពិសេសខាងធន គារជាតិនៃកម្ពុជា ហើយធនាគារជាតិក៏បានចេញជាគោលការណ៍ណែនាំដល់គ្រឹះស្ថានទាំង អស់ហើយ គឺធនាគារជាតិគាត់បានអនុញ្ញាតឱ្យបន្តរៀបចំឥណទានឡើងវិញជូនអតិថិជន រហូតដល់ពាក់កណ្តាលឆ្នាំ ២០២១ ។ លោក ហេង កួយ បញ្ជាក់ថា ក្នុងរយៈពេល ១១ខែ ឆ្នាំ ២០២០ សមាគមធនគារនៅ កម្ពុជាបានផ្តល់ឥណទានដល់អតិថិជនរបស់ខ្លួនមានទំហំទឹក ប្រាក់ប្រមាណ ២៤ប៊ីលានដុល្លារអាមេរិក ។
យោងតាមសមាគមមីក្រូហិរញ្ញវត្ថុកម្ពុជាបានឱ្យដឹងថា គិតត្រឹមថ្ងៃទី ៣ខែមករា ឆ្នាំ ២០២១ សមាជិករបស់សមាគមមីក្រូហិរញ្ញវត្ថុកម្ពុជា រួមមាន គ្រឹះស្ថានមីក្រូហិរញ្ញវត្ថុទទូល ប្រាក់បញ្ញើចំនួន ៦ គ្រឹះស្ថានមីក្រូហិរញ្ញវត្ថុមិនទទួលប្រាក់បញ្ញើចំនួន ៦៩ ក្រុមហ៊ុនភតិសន្យា ហិរញ្ញវត្ថុចំនួន ១១ គ្រឹះស្ថានឥណទានជនបទចំនួន ១៩ និងធនាគារចំនួន ៤ បានរៀបចំ ឥណទានឡើងវិញចំនួន ១.៣៨២លានដុល្លាសហរដ្ឋអាមេរិក ជូនដល់អថិជន ២៨៥. ២៣៤ គ្រួសារ ក្នុងចំណោមអតិថិជន ៣០៣.៥៩៣ ដែលបានស្នើសុំ ។
តាមសមាគមមីក្រូហិរញ្ញវត្ថុបញ្ជាក់ថា ការស្នើសុំរៀបចំឥណទានឡើងវិញ បានថយ ចុះមកកម្រិតថេរក្នុងរយៈពេល ៤ខែចុងក្រោយនេះ ដោយការស្នើសុំមានចំនួនជាងមួយពាន់ សំណើរក្នុងមួយសប្តាហ៍ ។ ការរៀបចំឥណទានឡើងវិញនឹងបន្តធ្វើជូនអតិថិជនរហូតដល់ ពាក់កណ្តាលឆ្នាំ ២០២១ ។
ជារួមវិស័យមីក្រូហិរញ្ញវត្ថុនៅកម្ពុជា បានទទួលរងផលប៉ះពាល់អវិជ្ជមានពីការរីករាល ដាលនៃជំងឺកូវីដ ១៩ ដោយសារតែអតិថិជនមួយចំនួនបានរងផលប៉ះពាល់ ក៏ដូចជាបាត់បង់ ប្រាក់ចំណូល ដែលបណ្តាលឱ្យគ្រឹះស្ថានមានសំពាធសាច់ប្រាក់ ឥណទានថ្មីថយចុះ ខណៈ ដែលឥណទានមានហានិភ័យកើនឡើងជិតទ្វេដងដល់ជិត ៣% ។ ផលប៉ះពាល់បានស្ទុះ ឡើងខ្លាំងក្នុងខែមេសា និងឧសភា ប៉ុន្តែចាប់ផ្តើមថមថយមកវិញនៅខែបន្តបន្ទាប់ ។ ផ្អែកលើ របាយការណ៍ការប្រចាំខែរបស់សមាគម ស្ថានភាពវិស័យមីក្រូហិរញ្ញវត្ថុ បានចាប់ផ្តើមប្រសើរ ឡើងវិញចាប់តាំងពីខែមិថុនា ឆ្នាំ ២០២០ ដោយសារតែឥណទានមានហានិភ័យបានធ្លាក់ចុះ មកត្រឹមជាង ២,២៧% ខណៈប្រាក់កម្ចីថ្មី និងប្រាក់បញ្ញើមានការកើនឡើង ។
ជំងឺកូវីដ ១៩ គឺជាវិញ្ញាសាធ្វើតេស្តភាពរឹងម៉ាំនៃវិស័យមីក្រូហិរញ្ញវត្ថុនៅកម្ពុជា ។ ជា មួយនឹងសេចក្តីប្រកាសថ្មីៗ នៃវ៉ាក់សាំងកូវីដ ១៩ សមាគមមានសុទិដ្ឋិនិយមថា ផលប៉ះពាល់ អវិជ្ជមានពីជំងឺកូវីដ ១៩ នឹងថយចុះនៅឆ្នាំ ២០២១ហើយសេដ្ឋកិច្ចនឹងងើបឡើងវិញ។ យើងរំ ពឹងថា វិស័យមីក្រូហិរញ្ញវត្ថុក្នុងឆ្នាំ ២០២១ នឹងបន្តភាពរីកចម្រើនខ្លាំងជាងឆ្នាំមុន ខណៈដែល សមាគមបន្តពង្រឹងការងារអាទិភាពរបស់ខ្លួនក្នុងការលើកកម្ពស់ចំណេះដឹងហិរញ្ញវត្ថុ និង បរិយាប័នហិរញ្ញវត្ថុជូនដល់ប្រជាជនកម្ពុជា ក៏ដូចជាពង្រឹងភាពស៊ាំរបស់វិស័យទាំងមូលដើម្បី ត្រៀមទប់ទល់ផល់ប៉ះពាល់នានាដែលអាចកើតឡើងជាយថាហេតុ ៕
ចែករំលែកព័តមាននេះ