ប្រទេសរុស្ស៊ី ៖ អាជ្ញាធរការពារអ្នកប្រើប្រាស់រុស្ស៊ី ROSPOTREBNADZOR អះអាងប្រាប់សារព័ត៌មានក្នុងស្រុកថា វ៉ាក់សាំងប្រឆាំងវីរុស COVID-19 ឈ្មោះ EPIVACCORONAជាវ៉ាក់សាំងទី២របស់រុស្ស៊ីប្រឆាំងវីរុសនោះ មានប្រសិទ្ធភាពដល់ទៅ១០០%…
ប្រទេសរុស្ស៊ី ៖ អាជ្ញាធរការពារអ្នកប្រើប្រាស់រុស្ស៊ី ROSPOTREBNADZOR អះអាងប្រាប់សារព័ត៌មានក្នុងស្រុកថា វ៉ាក់សាំងប្រឆាំងវីរុស COVID-19 ឈ្មោះ EPIVACCORONA
ជាវ៉ាក់សាំងទី២របស់រុស្ស៊ីប្រឆាំងវីរុសនោះ មានប្រសិទ្ធភាពដល់ទៅ១០០% ពេលចាក់សាកល្បងគ្លីនិកដំណាក់កាលដំបូង២ ។
បណ្ដាទិន្នន័យផ្អែកលើការសាកល្បងគ្លីនិកដំណាក់កាលទី១ និងទី២ ត្រូវបានចេញផ្សាយមុនចាប់ផ្ដើម ការសាកល្បងដំណាក់កាលទី៣ ដែលធ្វើលើមនុស្សច្រើនពាន់នាក់។ ដោយដកស្រង់ប្រភពរបស់ROSPOTREBNADZORទីភ្នាក់ងារព័ត៌មានរុស្ស៊ី TASSសរសេរថា ប្រសិទ្ធភាពរបស់វ៉ាក់សាំងផ្អែកលើប្រសិទ្ធភាពនៃការបង្កើតភាពស៊ាំ និងបង្ការ ។
យោងតាមបណ្ដាលទ្ធផលនៃការសាកល្បងដំបូង និងការសាកល្បងដំណាក់កាលទី២ បង្ហាញពីប្រសិទ្ធភាពបង្កើតភាពស៊ាំរបស់វ៉ាក់សាំង EPIVACCORONA ដែលមានប្រសិទ្ធភាពដល់ទៅ១០០% ។
ការសាកល្បងដំណាក់កាលទី១និងដំណាក់កាលទី២នៃវ៉ាក់សាំងនោះ ធ្វើលើមនុស្ស១០០នាក់មានអាយុពី១៨ទៅ៦០ឆ្នាំ ផ្ដោតជាពិសេសលើបណ្ដាឥទ្ធិពលបន្ទាប់បន្សំ និងប្រសិទ្ធភាពបង្កើតភាពស៊ាំ ។ ការសាកល្បងវ៉ាក់សាំងផលិតដោយវិទ្យាស្ថាន VECTOR នៅតំបន់ស៊ីបេរីនេះ ចាប់ផ្ដើមពីខែវិច្ឆិកាកន្លងទៅនេះមក ។
វ៉ាក់សាំងប្រឆាំងវីរុស COVID-19 ដំបូងរបស់រុស្ស៊ីដែលដាក់ឲ្យប្រើរួចហើយឈ្មោះSPOUTNIK Vតាមលទ្ធផលបណ្ដោះអាសន្នថា មានប្រសិទ្ធភាព៩២% ។ រុស្ស៊ីនិយាយថា អាចចាក់វ៉ាក់សាំងឲ្យប្រជាជនខ្កួនដល់៦០%នាឆ្នាំនេះ ។
យុទ្ធនាការចាក់វ៉ាក់សាំងក្នុងទ្រង់ទ្រាយធំ បានចាប់នៅរុស្ស៊ីនាសប្ដាហ៍នេះ ។ រុស្ស៊ីជាប្រទេសទី៤ លើពិភពលោកដែលរងការប៉ះពាល់ខ្លាំងជាងគេដោយសារវីរុសនេះដោយចំនួនអ្នកឆ្លងកើនដល់ជាង៣.៦១២.៨០០នាក់ និងអ្នកបាត់បង់ជីវិតយ៉ាងតិច៦៦.៦២៣នាក់ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ