សហរដ្ឋអាមេរិក ៖ ទូរទស្សន៍អាមេរិកMSNBC រាយការណ៍នាថ្ងៃទី១៧មករាថា ជនប្រដាប់អាវុធច្រើនសិបនាក់ បានមកប្រមូលផ្ដុំគ្នានៅជិតវិមានសភារដ្ឋមីជីហ្គេន ក្នុងទីក្រុងLANSINGរដ្ឋធានីនៃរដ្ឋនោះ។
ខណៈសល់ពេលតែ៣ថ្ងៃទៀតដល់ថ្ងៃចូលកាន់តំណែងរបស់លោកចូបៃដិន ជនប្រដាប់អាវុធទាំងនោះ បានប្រមូលផ្ដុំគ្នានៅជិតវិមានសភារដ្ឋមីជីហ្គេន ដោយក្នុងចំណោមពួកនេះ១២នាក់ មានអាវុធនិងគ្រាប់រំសេវស្រោចខ្លួន ។ ជាមួយរូបភាពរបស់ទូរទស្សន៍នោះ ប៉ូលិសបានឡោមព័ទ្ធជុំវិញអគារវិមានសភា តែផ្លូវជិតខាងមួយមិនបានបិទឡើយ។
កងទាហាននៃកងកម្លាំងឆ្មាំជាតិស្ថិតក្នុងរថពាសដែកកំពុងស្ថិតនៅក្បែរនោះ ហើយបណ្ដាឧទ្ធម្ភាគចក្រ បានហោះល្បាតពីលើទីក្រុង។ សម្រាប់ពេលនេះសភាពការណ៍នៅមុខវិមានសភារដ្ឋមីជីហ្គេន មានសភាពស្ងៀមស្ងាត់ បណ្ដាអ្នកកាសែតនិងពួកបាតុករ គេឃើញដើរចុះឡើង។
កាលពីថ្ងៃទី៦មករាពួកអ្នកគាំទ្រលោកដូណាល់ត្រាំ បានលើកគ្នាសម្រុកចូលអុកឡុកវិមានកាពីតូលក្រុងវ៉ាសិុនតោន ពេលសភាកំពុងរួមប្រជុំដើម្បីបញ្ជាក់ពីជ័យជម្នះរបស់លោកចូបៃដិន ក្នុងការបោះឆ្នោតប្រធានាធិបតីឆ្នាំ២០២០។ ការប៉ះទង្គិចគ្នាបានកើតមាន។ មនុស្ស៥នាក់បានត្រូវស្លាប់ ហើយបាតុករព្រមទាំងប៉ូលិសច្រើននាក់បានរងរបួស៕
ចែករំលែកព័តមាននេះ