ហ្វីលីពីន ៖ យោងតាមការចុះផ្សាយពីគេហទំព័រ Dailymail បានឱ្យដឹងថា នារីស្រស់ស្អាតម្នាក់ត្រូវបានគ្រួសារឃុំខ្លួនក្នុងបន្ទប់តូចមួយអស់រយៈពេល៥ឆ្នាំកន្លងមកហើយ ដោយសារតែពួកគេគ្មានលទ្ធភាពក្នុងការព្យាបាលជំងឺផ្លូវចិត្តរបស់នាង។ នារីខាងលើមានឈ្មោះថា Bebe អាយុ២៩ឆ្នាំ…
ហ្វីលីពីន ៖ យោងតាមការចុះផ្សាយពីគេហទំព័រ Dailymail បានឱ្យដឹងថា នារីស្រស់ស្អាតម្នាក់ត្រូវបានគ្រួសារឃុំខ្លួនក្នុងបន្ទប់តូចមួយអស់រយៈពេល៥ឆ្នាំកន្លងមកហើយ ដោយសារតែពួកគេគ្មានលទ្ធភាពក្នុងការព្យាបាលជំងឺផ្លូវចិត្តរបស់នាង។
នារីខាងលើមានឈ្មោះថា Bebe អាយុ២៩ឆ្នាំ ធ្លាប់បម្រើការក្នុងហាងលក់ទំនិញមួយកន្លែងក្នុងភូមិ ខណៈនាងមានក្តីសុបិនចង់ក្លាយជាតារាម៉ូឌែលអាជីពមួយរូប មុនពេលធ្លាក់ខ្លួនមានជំងឺបាក់ទឹកចិត្តកាលពីឆ្នាំ២០១៤ ។
នាងត្រូវបានបញ្ជូនទៅមន្ទីរពេទ្យផ្នែកចិត្តសាស្ត្រក្នុងខេត្ត Negros Occidental។ អាការៈនាងបានប្រសើរឡើងបន្តិចម្តងៗ ក្រោយទទួលបានការព្យាបាលរយៈពេល១ឆ្នាំ ហើយនាងក៏ត្រូវបានអនុញ្ញាតឱ្យត្រឡប់មកផ្ទះវិញ។ ប៉ុន្តែអ្វីៗបានប្រែជាអាក្រក់បំផុត គឺនៅពេលឪពុករបស់នាងធ្លាក់ខ្លួនឈឺក្នុងឆ្នាំ២០១៥ ហើយគ្រួសារគ្មានលទ្ធភាពបន្តចំណាយលើថ្លៃព្យាបាលរបស់នាង។
ស្ថានភាពជំងឺរបស់នាងបានរើឡើងវិញ និងកាន់តែអាក្រក់ជាងមុន។ ក្នុងនោះ Glyzel Bullos ដែលជាមិត្តជិតស្និតរបស់ Bebe បាននិយាយថា មានពេលខ្លះនាងបានប្រើអំពើហិង្សាទៅលើសមាជិកគ្រួសារ និងជារឿយៗនាងក៏តែងតែបង្កបញ្ហាដល់អ្នកជិតខាងផងដែរ ។
Glyzel ដែលបច្ចុប្បន្នកំពុងអំពាវនាវស្វែងរកជំនួយសម្រាប់ការព្យាបាល Bebe បានរំលឹកទៀតថា «មានពេលមួយគ្រួសារកំពុងតាមរកនាង ហើយនៅមួយសប្តាហ៍ក្រោយមកនាងត្រូវបានប៉ូលិសរកឃើញនៅឯខេត្តសេប៊ូ (Cebu)។ ដូច្នេះហើយ ដើម្បីបង្ការបញ្ហាផ្សេងៗ ទើបគ្រួសារនាងបង្ខំចិត្តធ្វើបន្ទប់តូចមួយក្នុងផ្ទះសម្រាប់ដាក់នាង ដើម្បីជាសុវត្ថិភាពរបស់នាងផ្ទាល់ និងមនុស្សគ្រប់គ្នាផងដែរ ៕
ចែករំលែកព័តមាននេះ