ខេត្តសៀមរាប ៖ កម្លាំងនគរបាលប្រឆាំងបទល្មើសសេដ្ឋកិច្ចខេត្ត សហការជាមួយកម្លាំងមូលដ្ឋាន និងមន្ទីរឧស្សាហកម្ម រ៉ែ និងថាមពលខេត្ត ដឹកនាំផ្ទាល់ដោយលោក កើត សុវណ្ណ ព្រះរាជអាជ្ញាអមសាលាដំបូងខេត្ត បានចុះធ្វើការត្រួតពិនិត្យ និងឆែកឆេរទីតាំងឱសថអាហារបំប៉នសុខភាពគ្មានច្បាប់មួយកន្លែងស្ថិតនៅភូមិខ្ចាស់ ឃុំខ្ចាស់ ស្រុកសូត្រនិគម
ខេត្តសៀមរាប ៖ កម្លាំងនគរបាលប្រឆាំងបទល្មើសសេដ្ឋកិច្ចខេត្ត សហការជាមួយកម្លាំងមូលដ្ឋាន និងមន្ទីរឧស្សាហកម្ម រ៉ែ និងថាមពលខេត្ត ដឹកនាំផ្ទាល់ដោយលោក កើត សុវណ្ណ ព្រះរាជអាជ្ញាអមសាលាដំបូងខេត្ត បានចុះធ្វើការត្រួតពិនិត្យ និងឆែកឆេរទីតាំងឱសថអាហារបំប៉នសុខភាពគ្មានច្បាប់មួយកន្លែងស្ថិតនៅភូមិខ្ចាស់ ឃុំខ្ចាស់ ស្រុកសូត្រនិគម ខេត្តសៀមរាប កាលពីវេលាម៉ោង៤ និង៣០នាទីរសៀល ថ្ងៃទី២០ កក្កដា ២០១៥ ។
លោកវរសេនីយ៍ឯក សឿន សេន នាយការិយាល័យប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តសៀមរាបបានប្រាប់«កោះសន្តិភាព»នៅរសៀលថ្ងៃទី២១ កក្កដានេះថា ទីតាំងស្តុកឱសថអាហារបំប៉នសុខភាពគ្មានច្បាប់អនុញ្ញាតរបស់ក្រុមហ៊ុន អែល ខេន អ៊ិនថេនស្ហឹនណល់ (intentional) ដែលមានទីតាំងធំនៅភ្នំពេញនេះ មានម្ចាស់ឈ្មោះ ឡៅ កូសាក់ ភេទប្រុស អាយុ២៨ឆ្នាំ រស់នៅភូមិកើតហេតុខាងលើ ។
លោកបន្តថា ក្នុងការឆែកឆេនោះ កម្លាំងជំនាញធ្វើការដកហូតបានវត្ថុតាងមួយចំនួនរួមមាន ឱសថអាហារបំប៉នសុខភាពដែលគ្មានចុះបញ្ជីការត្រឹមត្រូវតាមច្បាប់ស្តីពីការគ្រប់គ្រងឱសថ បានចំនួន៦២១៥គ្រាប់ ។
បច្ចុប្បន្នម្ចាស់ទីតាំងខាងលើ ត្រូវបានសមត្ថកិច្ចជំនាញនាំយកមកសួរនាំនៅការិយាល័យនគរបាលប្រឆាំងបទល្មើសសេដ្ឋកិច្ច នៃស្នងការនគរបាលខេត្ត ហើយបានឆ្លើយសារភាពថា ខ្លួនពិតជាបានយកពីក្រុមហ៊ុននៅភ្នំពេញមកលក់ដោយគ្មានបានសុំច្បាប់ពីអាជ្ញាធរពិតប្រាកដមែន ។
ក្រោយពីសាកសួររួច កម្លាំងជំនាញក៏បានឱ្យធ្វើកិច្ចសន្យា និងផាកពិន័យទៅតាមច្បាប់ស្តីពីការគ្រងគ្រងឱសថ រួចឱ្យត្រឡប់ទៅផ្ទះវិញ ៕
ចែករំលែកព័តមាននេះ