គ្រោះថ្នាក់ចរាចរណ៍តិចតួចបង្កឲ្យមានការភ្ញាក់ផ្អើល
រាជធានីភ្នំពេញ ៖ ខឹងម៉ូតូបើកកៀររថយន្តហើយអត់ឈប់ដោះស្រាយព្យាយាមបើករត់ ត្រូវរថយន្តបើកដេញតាមកៀរម៉ូតូឲ្យដួលវិញ ហើយឲ្យអង្គរក្សចុះមកដោះស្រាយ បង្កការភ្ញាក់ផ្អើល
រាជធានីភ្នំពេញ ៖ ខឹងម៉ូតូបើកកៀររថយន្តហើយអត់ឈប់ដោះស្រាយព្យាយាមបើករត់ ត្រូវរថយន្តបើកដេញតាមកៀរម៉ូតូឲ្យដួលវិញ ហើយឲ្យអង្គរក្សចុះមកដោះស្រាយ បង្កការភ្ញាក់ផ្អើល កាលពីវេលាម៉ោង៩និង២០នាទីយប់ថ្ងៃទី២០ កក្កដា នៅចំណុចស្តុបផ្លូវលេខ៣៦០កែងមហាវិថីព្រះមុនីវង្ស សង្កាត់បឹងកេងកងទី៣ ខណ្ឌចំការមន ។
ប្រភពព័ត៌មានបានឲ្យដឹងថា មុនពេលកើតហេតុ រថយន្តស្ព័រស៊េរីទំនើប ពណ៌ក្រហម មិនចាំស្លាកលេខ បើកបរដោយបុរសអ្នកធំ និងអ្នកមានលុយម្នាក់ ធ្វើដំណើរតាមផ្លូវលេខ៣៦០ ពីលិចទៅកើត ចំណែកម៉ូតូហុងដាឌ្រីម ពណ៌ខ្មៅ ស៊េរី២០១៥ អត់ស្លាកលេខ ជិះគ្នា៣នាក់ តាមមហាវិថីព្រះមុនីវង្ស ពីជើងទៅត្បូង លុះមកដល់ស្តុបពណ៌ក្រហម ម៉ូតូមិនព្រមឈប់បានបើកទៅបុករថយន្តបណ្តាលឲ្យដួលបោកដាច់កញ្ចាក់រថយន្តចំហៀងខាងឆ្វេង ហើយអ្នកបើកម៉ូតូមិនព្រមឈប់ទេ បានព្យាយាមបើករត់ ទៅដល់មុខការិយាល័យWineវេលុយ ស្រាប់តែម៉ូតូកំពុងតែឈប់ ក៏ត្រូវរថយន្តបើកតាមមកដល់កៀរម៉ូតូឱ្យដួលរងការខូចខាតតិចតួច រួចរថយន្តបានបើកចូលទៅស្ថានីយប្រេងឥន្ធនៈកាល់តិច ដោយឲ្យអង្គរក្សជិះម៉ូតូ២គ្រឿងតាមក្រោយ ហៅអ្នកបើកម៉ូតូទៅដោះស្រាយនៅស្ថានីយប្រេងឥន្ធនៈកាល់តិច ។
ការដោះស្រាយគ្នានោះបង្កឱ្យមានការភ្ញាក់ផ្អើលដល់អ្នកដំណើរមកជួយអន្តរាគមន៍ ទើបភាគីខាងរថយន្តមិនទាមទារសំណងទេ បានបើករថយន្តចេញទៅបាត់ ៕
ចែករំលែកព័តមាននេះ