ធនាគារជាតិ​ណែនាំ​ពលរដ្ឋ​សិក្សា​ពី​គ្រឹះស្ថាន​ហិរញ្ញវត្ថុឲ្យ​បាន​ច្រើន​មុន​ខ្ចីប្រាក់ – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

Picture

ធនាគារជាតិ​ណែនាំ​ពលរដ្ឋ​សិក្សា​ពី​គ្រឹះស្ថាន​ហិរញ្ញវត្ថុឲ្យ​បាន​ច្រើន​មុន​ខ្ចីប្រាក់

3 ខែ មុន
  • Phnom Penh

រាជធានី​ភ្នំពេញ ៖ ធនាគារជាតិ​កម្ពុជា​និង​អ្នក​ពាក់ព័ន្ធ បាន​ផលិត​ឯកសារ​វី​ដេ​អូ​ខ្លី​ៗ អប់រំ​ពលរដ្ឋ​ឲ្យ​ចេះ​ប្រើប្រាស់​កម្ចី​មាន​ប្រសិទ្ធភាព និង​គុណភាព នៅ​ក្នុង​ការ​លើកកម្ពស់​ជីវភាព​រស់នៅ ឲ្យ​កាន់តែ​ប្រសើរ​ឡើង ​។ ស្ថាប័ន​ជំនាញ​របស់​ជាតិ…

រាជធានី​ភ្នំពេញ ៖ ធនាគារជាតិ​កម្ពុជា​និង​អ្នក​ពាក់ព័ន្ធ បាន​ផលិត​ឯកសារ​វី​ដេ​អូ​ខ្លី​ៗ អប់រំ​ពលរដ្ឋ​ឲ្យ​ចេះ​ប្រើប្រាស់​កម្ចី​មាន​ប្រសិទ្ធភាព និង​គុណភាព នៅ​ក្នុង​ការ​លើកកម្ពស់​ជីវភាព​រស់នៅ ឲ្យ​កាន់តែ​ប្រសើរ​ឡើង ​។ ស្ថាប័ន​ជំនាញ​របស់​ជាតិ បាន​ណែនាំ​ពលរដ្ឋ​ឲ្យ​ចេះ​សិក្សា​ស្វែង យល់​ពី​លក្ខន្តិកៈ​ស្ថាន​មីក្រូហិរញ្ញវត្ថុ​ឲ្យ​បាន​ច្រើន មុន​ច​ម្រេច​ចិត្ត​ខ្ចីប្រាក់​ពី​ស្ថាប័ន​ណាមួយ ដើម្បី​ទទួល​បាន​អត្ថប្រយោជន៍ កាន់តែ​ច្រើន​ពី​ប្រាក់​កម្ចី​ ។

មន្ត្រី​បញ្ជាក់​ថា បច្ចុប្បន្ន​នេះ វិស័យ​មីក្រូហិរញ្ញវត្ថុ ក៍​ដូច​ជា​ធន​គារ​មានការ​រីក​ចម្រើន និង​មានការ​ប្រកួតប្រជែង​ខ្លាំង ដែល​អ្នក​ខ្ចីប្រាក់​អាច នឹង​ទទួល​បាន​អត្ថប្រយោជន៍ កាន់តែ​ច្រើន​ពី​គ្រឹះស្ថាន​ហិរញ្ញវត្ថុ​ទាំងនោះ​។

Picture


នៅ​ក្នុង​វី​ដេ​អូ​ដែល​បាន​ផ្សព្វផ្សាយ មាន​រយៈពេល​ប្រមាណ​ជិត​២​នាទី បុរស​ពីរ​នាក់​ដែល​ជា​តួអង្គ​ជា​អ្នកនេសាទ​លើ​ផ្ទៃសមុទ្រ​។ ពួក​គាត់​នេសាទ​បណ្តើរ​និយាយ ពី​ការ​ខ្ចីប្រាក់​មក​ពង្រីក​មុខរបរ​បណ្តើរ​ ។ អ្នកនេសាទ​ម្នាក់​បាន​ខ្ចីប្រាក់​ពី​អ្នក​ស្គាល់គ្នា​មក​ពង្រីក​មុខរបរ ដែល​មានការ​ប្រាក់​ខ្ពស់ តែ​ត្រូវ​បាន​បុរស​ម្នាក់​ទៀត ណែនាំ​ឲ្យ​ទៅ​ខ្ចីប្រាក់​ពី​ស្ថាប័ន ដែល​មានច្បាប់​អនុញ្ញាត​ត្រឹមត្រូវ ដើម្បី​ទទួល​បាន​អត្ថប្រយោជន៍​ជា​ច្រើន ពិសេស​ទទួល​បានការ​ប្រាក់​ទាប និង​មានច្បាប់​ការពារ​។

Picture


លោក កាំ​ង តុង​ងី មន្ត្រី​ទំនាក់ទំនង​សាធារណៈ នៃ​សមាគម​ហិរញ្ញវត្ថុ​កម្ពុជា​បាន​ឲ្យ​ដឹង​ថា សារ​អប់រំ​នោះ​បាន​បង្កើត​ឡើង​នៅ​ក្នុង​កាលៈទេស ដែល​ពលរដ្ឋ​ជា​ទូទៅ​មិន​ទាន់​យល់​ដឹង ច្បាប់​ពី​ការ​ប្រើប្រាស់​ឥណទាន និង​ការ​ជ្រើសរើស​ស្ថាប័ន​ឥណទាន ​។ លោក​បាន​លើក​ឡើង​ថា ស្ថាប័ន​គ្រឹះស្ថាន​ហិរញ្ញវត្ថុ បាន​កំពុង​រីក​ចម្រើន​និង​មានការ​ប្រ​កូត​ប្រជែង​ខ្លាំង ដូច្នេះ​មុន​សម្រេចចិត្ត​ខ្ចីប្រាក់​ពី​ស្ថាប័ន​ណាមួយ ពលរដ្ឋ​គួរ​សិក្សា​ឲ្យ​លម្អិត ដើម្បី​ទទួល​បាន​អត្ថប្រយោជន៍​ពី​ស្ថាប័ន​ទាំងនោះ​។ «​យើង​សង្កេត​ឃើញ​ថា​ភាគ​ពលរដ្ឋ​ខ្ចីប្រាក់​ពី​ស្ថាប័ន​ដដែល​ៗ​ដែល​គាត់​ធ្លាប់​ប្រើប្រាស់​។ ពួក​គាត់​ភាគច្រើន​មិន​បាន​សិក្សា​ពី​ស្ថាប័ន​ឲ្យ​ច្រើន​នោះ​ទេ ដូច្នេះ​ជា​ការ​ខាត​ប្រយោជន៍​មួយ​ពីព្រោះ​បច្ចុប្បន្ន​នេះ ការ​ប្រកួតប្រជែង​ខ្លាំង​ណាស់​រវាង​ស្ថាប័ន​ផ្តល់​ប្រាក់​កម្ចី​។ ពួក​គេ​ប្រកួតប្រជែង​ទាំង​សេវាកម្ម លក្ខន្តិកៈ និង​អត្រា​ការ​ប្រាក់​ផង​» នេះ​បើ​តាម​ការ​បញ្ជាក់​របស់​មន្ត្រី​ទំនាក់ទំនង​សាធារណៈ នៃ​សមាគម​ហិរញ្ញវត្ថុ​កម្ពុជា​។

Picture


ពលរដ្ឋ​កម្ពុជា​ប្រមាណ​ជា ២​លាន​នាក់ បាន​កំពុង​ប្រើប្រាស់​ប្រាក់​កម្ចី​ពី​ស្ថាប័នហិរញ្ញវត្ថុ នៅ​ក្នុង​ជីវភាព​ប្រចាំ​ថ្ងៃ ដូច​ជា​បំពេញតម្រូវការ​បន្ទាន់ ឬ​ការ​ពង្រឹង​មុខរបរ​ជាដើម​។ ស្ថាប័នហិរញ្ញវត្ថុ​បាន​ផ្តល់​ប្រាក់​កម្ចី​ទៅ​ពលរដ្ឋ​ក្នុង​ទំហំ​ប្រមាណ​ជា​ជាង ៤០០ លាន​ដុល្លារ​។ ប៉ុន្តែ​មន្ត្រី​បាន​និយាយ​ថា​អត្រា​ប្រើប្រាស់​ប្រាក់​កម្ចី​បាន​ធ្លាក់​ចុះ​ប្រមាណ ៣០​ភាគរយ កំលុង​ពេល​មាន​វិបត្តិ​ជំងឺ​កូ​វី​ដ​១៩​នេះ​ ។ ការ​ប្រើប្រាស់​កម្ចី​បាន​ផ្តើម​ងើប​បន្តិច​ឡើង​វិញ ចាប់ពី​ខែវិច្ឆិកា​ឆ្នាំ​២០២០​មក​។ និយាយ​ពី​អត្រា​ការ​ប្រាក់​វិញ ជា​មធ្យម​កម្ចី​ពី​គ្រឹះស្ថាន​ហិរញ្ញវត្ថុ ស្ថិត​នៅ​ក្នុង​រង្វង់ ១.៥ ភាគរយ ក្នុង​មួយ​ខែ ឬ​ស្មើ ១៨ ភាគរយ ក្នុង​មួយ​ឆ្នាំ​។ លោក កាំ​ង តុង​ងី ថា​មាន​ស្ថាប័ន​ខ្លះ បាន​ប្រកួតប្រជែង រហូត​ទម្លាក់​ថ្លៃ​អត្រា​ការ​ប្រាក់ មក​នៅ ៨​ភាគរយ ក្នុង​មួយ​ឆ្នាំ​។

«​អាស្រ័យ​មានការ​ប្រកួតប្រជែង​បែប​នេះ យើង​ណែនាំ​ពលរដ្ឋ​ឲ្យ​ចេះ​សិក្សា ពិភាក្សា​ស្វែង​យល់​ពី​លក្ខន្តិកៈ​នានា​ជាមួយ​គ្រឹះស្ថាន​ហិរញ្ញវត្ថុ ដើម្បី​ទទួល​បាន​ផលប្រយោជន៍​។ ស្ថាប័ន​នីមួយ​ៗ​មាន​លក្ខណ​ផ្សេង​ៗ​គ្នា ពលរដ្ឋ​ត្រូវ​ចេះ​សួរនាំ និង​ស្វែង​យល់​ឲ្យ​បាន​ច្រើន​ទើប​ល្អ​»