ADផ្ទាំងផ្សព្វផ្សាយពាណិជ្ជកម្ម

Picture

លោក​ឧកញ៉ា គួ​ច ម៉េ​ង​លី ៖ ចង់​ជោគជ័យ​លើ​ជំនួញ ត្រូវ​រៀនសូត្រ​ពី​ភ្ញៀវ​

6 ខែ មុន

រាជធានី​ភ្នំពេញ ៖ ការ​ធ្វើ​ជំនួញ ក្រៅពី​រៀន​ពី​ទ្រឹស្តី​និង​ការ​អនុវត្ត​ផ្ទាល់​ពី​របៀប នៃ​ការ​គ្រប់គ្រង ការ​ដឹកនាំ​និង​ការ​រៀបចំ​ក្រុមហ៊ុន​ហើយ​នោះ នៅ​មាន​មេរៀន​មួយ​ដ៏​សំខាន់​ទៀត ដែល​យើង​ត្រូវ​រៀន​ដែរ គឺ​ភ្ញៀវ​។ យើង​ត្រូវ​រៀន…

រាជធានី​ភ្នំពេញ ៖ ការ​ធ្វើ​ជំនួញ ក្រៅពី​រៀន​ពី​ទ្រឹស្តី​និង​ការ​អនុវត្ត​ផ្ទាល់​ពី​របៀប នៃ​ការ​គ្រប់គ្រង ការ​ដឹកនាំ​និង​ការ​រៀបចំ​ក្រុមហ៊ុន​ហើយ​នោះ នៅ​មាន​មេរៀន​មួយ​ដ៏​សំខាន់​ទៀត ដែល​យើង​ត្រូវ​រៀន​ដែរ គឺ​ភ្ញៀវ​។ យើង​ត្រូវ​រៀន និង​ឈ្វេងយល់​អំពី​ភ្ញៀវ ឬ​អតិថិជន​របស់​យើង​។ នេះជាចែករំលែកដ៏មានសារៈសំខាន់មួយរបស់ លោក​ឧកញ៉ា​វេជ្ជបណ្ឌិត​មួយរូបដែលល្បីខាងជំនួញលើវិស័យអប់រំនៅកម្ពុជា ។

លោក​ឧកញ៉ា​ក៏​បាន​ចោត​ជា​សំនួ​រថា តើ​អតិថិជន ឬ​ភ្ញៀវ​របស់​យើង​ត្រូវការ​អ្វី ជា​មនុស្ស​ប្រភេទ​ណា? ជា​មនុស្ស​ចូល​ចិត្ត​បែប​ត្រជាក់​ឬ​ក្តៅ? ចូល​ចិត្ត​ឱ្យ​យើង​ទ្រ​ឬ​ជា​មនុស្ស​សាមញ្ញ?

លោក​ឧកញ៉ា​វេជ្ជបណ្ឌិត គួ​ច ម៉េ​ង​លី ប្រធាន​ក្រុមប្រឹក្សាភិបាល​នៃ​ក្រុមហ៊ុន Mengly J. Quach Education/ រូបភាព ៖ ក្រុមការងារ MJQUP
Picture

លោក​ឧកញ៉ា​វេជ្ជបណ្ឌិត គួ​ច ម៉េ​ង​លី ប្រធាន​ក្រុមប្រឹក្សាភិបាល​នៃ​ក្រុមហ៊ុន Mengly J. Quach Education ក៏​បាន​ធ្វើការ​បកស្រាយ​ដូចនេះ​ថា «​អតិថិជន​ខ្លះ ចូល​ចិត្ត​ឱ្យ​ទ្រ ឱនលំទោន​ខ្លាំង តែ​អតិថិជន​ខ្លះ មិន​ចូល​ចិត្ត​បែប​នេះ​ទេ គេ​ចូល​ចិត្ត​សាមញ្ញ​។ ភ្ញៀវ​ខ្លះ​ចូល​ចិត្ត​ទន់ភ្លន់ ផ្អែមល្ហែម រួសរាយ​រាក់ទាក់ ជាដើម​។ ដូច្នេះ ក្នុង​នាម​យើង​ជា​អ្នកលក់ ក្រៅពី​ពូកែ ប៉ិន​ប្រសប់​ក្នុង​ការ​រៀបចំ ឱ្យ​មាន​សណ្តាប់ធ្នាប់​ល្អ​ហើយ ក៏​ត្រូវ​យល់​ដឹង​ពី​ចរិតលក្ខណៈ​ភ្ញៀវ​ឱ្យ​បាន​ល្អ​ហ្មត់ចត់​ផង​ដែរ ព្រោះ​ភ្ញៀវ​ខ្លះ គេ​ត្រូវការ​ស្ងប់ស្ងាត់ ពេល​ឃើញ​យើង​យកចិត្ត​គេ​ពេក ធ្វើ​ឱ្យ​គេ​ធុញទ្រាន់ គេ​ច្រឡោតខឹង​។ យើង​អាច​កសាង​ទំនាក់ទំនង​ដ៏​ល្អជា​មួយ​ពួក​គេ ដែល​នាំ​ឱ្យ​យើង​ទទួល​បាន​ផល​ចំណេញ​ក្រាស់ក្រែល ដូច​ពាក្យចាស់​ពោល​ថា មាត់​ជា​មាស​ជា​ពេជ្រ ឬថា​ទំនាក់ទំនង​ល្អ គឺជា​លុយ ដែល​ភាសា​អង់គ្លេស​ថា “Good relationship is money”»​។

Picture

លោក​ឧកញ៉ា​វោហា​សាស្ត្រ​រូប​នេះ​បាន​បន្ត​ថា នៅ​ពេល​ខ្លះ យើង​អាច​សួរ​ភ្ញៀវ អំពី​សេវាកម្ម​របស់​យើង ទាំង​ការ​រួសរាយ​រាក់ទាក់ ការ​ទទួលភ្ញៀវ និង​ការ​យកចិត្តទុកដាក់​ជាមួយ​ភ្ញៀវ ដូច​ម្តេច​ដែរ? តើ​មាន​ចំណុច​ណា ដែល​ត្រូវ​កែ​លម្អ​ឬទេ? បើ​លក់​ម្ហូបអាហារ​វិញ អាច​សួរ​គេ​ថា ម្ហូប​យើង​ដូច​ម្តេច​ដែរ ? ថ្លៃ​ខ្ល្លាំ​ង​ទេ ប្រៃ សាប ឬ​ហឹរ ខ្លាំង​ទេ? តើ​រៀបចំ ទាំង​សោ​ភណ្ឌ​ភាព បរិស្ថាន​របស់​យើង យ៉ាងដូចម្តេច​ដែរ?

Picture

លោក​ឧកញ៉ា ក៏​បាន​បន្ថែម​ដោយ​លើក​ឧទាហរណ៍ នៅ​ប្រទេស​ដទៃ​ទៀត​គេ​មាន​វិធី​ផ្សេង​ៗ​ពី​គ្នា ក្នុង​ការ បញ្ចេញមតិ​របស់​អតិថិជន ដូចនេះ​ថា «​នៅ​ប្រទេស​ខ្លះ ម្ចាស់​អាជីវកម្ម អាច​សួរ​ដោយ​ផ្ទាល់មាត់​ទៅ​អតិថិជន តែ​ប្រទេស​មួយ​ចំនួន គេ​មាន​ប្រអប់​សំបុត្រ​សម្ងាត់​មួយ សម្រាប់​ភ្ញៀវ​សរសេរ​បញ្ចេញមតិ​រិះគន់ ពី​អារម្មណ៍​ផ្ទាល់ខ្លួន កែ​លម្អ​នៅ​ទីនោះ​។ ការ​រៀន​ពី​ភ្ញៀវ គឺ​ការ​រៀន​ពី​មតិ​គ្រប់​មជ្ឈដ្ឋាន ដើម្បី​ឈាន​ទៅ​រក​ភាព​ជោគជ័យ ព្រោះ​ភ្ញៀវ ក៏​ជា​អ្នក​ផ្តល់​ប្រឹក្សា ដ៏​ស្មោះត្រង់​ដោយ​មិន​ចាំបាច់​បង់ប្រាក់​ផង​ដែរ​»៕

Picture