ហាងឆេងលុយខ្មែរយ៉ាងណាដែរធៀបជាមួយលុយជប៉ុន និងកូរ៉េ !
- ភ្នំពេញ
រាជធានីភ្នំពេញ ៖ ហាងឆេងប្រាក់រៀលខ្មែរមានប្រៀបជាងប្រាក់យ៉េនជប៉ុន និងប្រាក់វុនកូរ៉េ ។ ធនាគារជាតិនៃកម្ពុជា នៅថ្ងៃទី ១២ខែមករា ឆ្នាំ ២០២១នេះឱ្យដឹងថា…
រាជធានីភ្នំពេញ ៖ ហាងឆេងប្រាក់រៀលខ្មែរមានប្រៀបជាងប្រាក់យ៉េនជប៉ុន និងប្រាក់វុនកូរ៉េ ។ ធនាគារជាតិនៃកម្ពុជា នៅថ្ងៃទី ១២ខែមករា ឆ្នាំ ២០២១នេះឱ្យដឹងថា ១០០ យ៉េនជប៉ុន ទិញ ចូលត្រឹមតែ ៣៨៨៥ រៀល លក់ចេញ ៣៩២៤ រៀល ខណៈកាលពីថ្ងៃម្សិល មិញ ទិញចូលរហូតដល់ ៣៨៩១ រៀល និងលក់ចេញដល់ទៅ ៣៩៣០ រៀលឯណោះ ។
ទន្ទឹមនេះហាងឆេងប្រាក់វុនកូរ៉េធៀបនឹងប្រាក់រៀលខ្មែរ ថ្ងៃនេះដែរ គឺ ១០០វុនកូរ៉េ ទិញចូលត្រឹមតែ ៣៦៩ រៀល លក់ចេញ ៣៧៣ រៀល ដែលកាលពីថ្ងៃម្សិលមិញ ទិញចូលរហូតដល់ ៣៧០ រៀល និងលក់ចេញដល់ទៅ ៣៧៤ រៀលឯណោះ ។
សម្រាប់ថ្ងៃនេះដែរ សូមមកដឹងពីហាងឆេងអត្រាប្តូរប្រាក់រៀលខ្មែរធៀបនឹងប្រាក់ប្រទេសមួយ ចំនួនទៀតដែលរួមមាន ៖ ១ដុល្លារអាមេរិក ស្មើនឹង ៤០៥០ រៀល, ១អឺរ៉ូ ទិញចូល ៤៩២៥ រៀល លក់ចេញ ៤៩៧៤ រៀល និង ១ដុល្លារអូស្ត្រាលី ទិញចូល ៣១២១ រៀល លក់ចេញ ៣១៥២ រៀល ។
ជាមួយគ្នានេះ ១ដុល្លារសាំងហ្គាពួរ ទិញចូល ៣០៤៥ រៀល លក់ចេញ ៣០៧៦ រៀល ខណៈ ១បាតថៃ ទិញចូល ១៣៤ រៀល លក់ចេញ ១៣៦ រៀល និង ១០០០ដុងវៀតណាម ទិញចូល ១៧៦ រៀល លក់ចេញ ១៧៨ រៀល ៕
ចែករំលែកព័តមាននេះ