ADផ្ទាំងផ្សព្វផ្សាយពាណិជ្ជកម្ម

Picture

វេលា​យប់​វែង​ជាង​ថ្ងៃ ជាមួយនឹង​អាថ៌​កំបាំង​លើ​ចម្លាក់​ប្រាសាទអង្គរវត្ត​!

6 ខែ មុន

ខេត្តសៀមរាប ៖ យោង​តាម​អាជ្ញាធរ​ជាតិ​អប្សរា បានឱ្យ​ដឹង​ថា ជា​ទូទៅ​នូវ​ព្រឹត្តិការណ៍​សំខាន់​ៗ ដែល​កើត​មាននៅ​ប្រាសាទអង្គរវត្ត នោះ​គឺ​វេលា​យប់​និង​ថ្ងៃ​ស្មើគ្នា ជាមួយនឹង​ព្រឹត្តិការណ៍​ព្រះ​អាទិត្យ​រះ​ចំ​ប្រាង្គ​ក​ណ្ដ​ល​ប្រាសាទអង្គរវត្ត​។ អាជ្ញាធរ​ជាតិ​អប្សរា​បាន​បន្ត​ថា ក្រៅពី​ព្រឹត្តិការណ៍​នេះ…

ខេត្តសៀមរាប ៖ យោង​តាម​អាជ្ញាធរ​ជាតិ​អប្សរា បានឱ្យ​ដឹង​ថា ជា​ទូទៅ​នូវ​ព្រឹត្តិការណ៍​សំខាន់​ៗ ដែល​កើត​មាននៅ​ប្រាសាទអង្គរវត្ត នោះ​គឺ​វេលា​យប់​និង​ថ្ងៃ​ស្មើគ្នា ជាមួយនឹង​ព្រឹត្តិការណ៍​ព្រះ​អាទិត្យ​រះ​ចំ​ប្រាង្គ​ក​ណ្ដ​ល​ប្រាសាទអង្គរវត្ត​។

អាជ្ញាធរ​ជាតិ​អប្សរា​បាន​បន្ត​ថា ក្រៅពី​ព្រឹត្តិការណ៍​នេះ មាន​វេលា​ពីរ​សំខាន់​ៗ​ទៀត នោះ​គឺ​វេលា​ថ្ងៃ​វែង​ជាង​យប់ និង​វេលា​យប់​វែង​ជាង​ថ្ងៃ​។ យ៉ាងណា មាន​មនុស្ស​តិច​ណាស់​ដែល​បាន​សង្កេត និង​ដឹង​រឿងរ៉ាវ​នូវ​វេលា​ទាំងនេះ​។ អ្នក​បុរាណវិទ្យា​បង្ហាញ​ពី​អាថ៌​កំបាំង​នូវ​ព្រឹត្តិការណ៍​យប់​វែង​ជាង​ថ្ងៃ និង​អាថ៌​កំបាំង​ជាមួយ​ផ្ទាំង​ចម្លាក់​តាម​ថែវ​ប្រាសាទអង្គរវត្ត​។

លោក អ៊ឹម សុខ​រិ​ទ្ធី ជា​បុរាណ​វិទូ និង​ជា​ប្រធាន​នាយកដ្ឋាន​អភិរក្ស​ប្រាសាទ​ក្នុង​ឧទ្យាន​អង្គរ និង​បុរាណវិទ្យា​បង្ការ នៃ​អាជ្ញាធរ​ជាតិ​អប្សរា។ រូបភាព ៖ អាជ្ញាធរ​ជាតិ​អប្សរា
Picture

តាម​រយៈ​លោក អ៊ឹម សុខ​រិ​ទ្ធី ជា​បុរាណ​វិទូ និង​ជា​ប្រធាន​នាយកដ្ឋាន​អភិរក្ស​ប្រាសាទ​ក្នុង​ឧទ្យាន​អង្គរ និង​បុរាណវិទ្យា​បង្ការ នៃ​អាជ្ញាធរ​ជាតិ​អប្សរា បាន​បង្ហាញ​នូវ​តឹកតាង​មួយ​ចំនួន នៃ​វេលា​យប់​វែង​ជាង​ថ្ងៃ ដែល​សាធារណ​គួរ​តោង​ចាប់អារម្មណ៍​។

«​ក្នុង​ទំនៀម​នៃ​ព្រហ្មញ្ញសាសនា វេលា​យប់​គឺ​មាន​ន័យ​ថា សភាវៈ​អាក្រក់​មាន​អំណាច ឬ​បារមី​ខ្លាំង​ជាង​សភាវៈ​ល្អ​។ តួយ៉ាង ក្នុង​វេលា​យប់​វែង​ជាង​ថ្ងៃ ដែល​កើត​មាន​ចំ​ថ្ងៃ​ទី​២១ ខែធ្នូ នោះ គឺ​ពន្លឺ​នៅ​ពេល​ព្រឹក បាន​ចាំង​លើ​រូបចម្លាក់​ជាស​ភាវៈ​អាក្រក់ និង​ស្រមោល​នៃ​សសរ​តាម​ថែវ​ប្រាសាទ បាំងបិទ​លើ​ចម្លាក់​សំខាន់​ៗ​ដែល​ជា​តួអង្គ​នៃ​សភាវៈ​ល្អ​ឬ​ពពួក​ទេព​»​។

Picture


លោក​បន្ត​ថា «​ជា​អ្នក​តាមដាន និង​យល់​ពីសារ​ប្រ​យោ​ជ៍​នៃ​ព្រឹត្តិការណ៍​ខាងលើ​នេះ លោក អ៊ឹម សុខ​រិ​ទ្ធី បញ្ជាក់​ថា ព្រឹត្តិការណ៍​នេះ​គឺ​កើត​មាន​ទាំង​នៅ​ថែវ​ខាងកើត​នា​វេលា​ថ្ងៃ​រះ និង​ថែវ​ខាងលិច​នា​​វេលា​ពេល​ថ្ងៃ​លិច​។ ហើយ​ព្រឹត្តិការណ៍​នេះ នឹង​ផ្ទុយ​មក​វិញ​នា​ថ្ងៃ​ទី​២១ ខែមិថុនា ជា​ព្រឹត្តិ​ការណ៍​ប្រចាំឆ្នាំ ដែល​វេលា​ថ្ងៃ​វែង​ជា​យប់​វិញ​ម្ដង​»​។

លោក​បុរាណ​វិទូ​រូប​នេះ​បាន​បន្ថែម​ថា អាថ៌​កំបាំង​ដ៏​អស្ចារ្យ ដែល​សាធារណជន​ទូទៅ​មិនសូវ​ចាប់​អារម្មណ៍​នេះ គឺជា​ចំណុច​ពិសេស​មួយទៀត​នៃ​ប្រាសាទអង្គរវត្ត ក្រៅពី​ភាព​ថ្កុំថ្កើង​នៃ​រចនាបថ​ហើយ​នោះ​។ តាម​ការ​យល់​ឃើញ​របស់​លោក អ៊ឹម សុខ​រិ​ទ្ធី ព្រឹត្តិការណ៍​នេះ មិនមែន​ជា​រឿង​ចៃដន្យ​នោះ​ទេ តែ​វា​ជា​ការ​គុណ​គូរ​ដ៏​ត្រឹមត្រូវ និង​ច្បាស់លាស់​ពី​បុព្វបុរស​ជំនាន់​នោះ ហើយ​បាន​រៀបចំ​ត្រឹមត្រូវ មុន​នឹង​ឆ្លាក់​ចម្លាក់​រឿងរ៉ាវ​នានា​តាម​ទីតាំង​នីមួយ​ៗ៕

Picture
Picture
Picture