ជំងឺមហារីកមាត់ធ្មេញមិនមែនជាជំងឺតំណពូជទេ តែវាកើតពីការធ្វេសប្រហែសរបស់លោកអ្នក ដែលគ្មានអនាម័យចំពោះសុខភាពមាត់ធ្មេញ។ ទាក់ទងនឹងករណីនេះលោកសាស្ត្រាចារ្យទន្តបណ្ឌិត គាម ប៊ន ឯកទេសផ្នែកទន្តសាស្ត្រ
ជំងឺមហារីកមាត់ធ្មេញមិនមែនជាជំងឺតំណពូជទេ តែវាកើតពីការធ្វេសប្រហែសរបស់លោកអ្នក ដែលគ្មានអនាម័យចំពោះសុខភាពមាត់ធ្មេញ។ ទាក់ទងនឹងករណីនេះលោកសាស្ត្រាចារ្យទន្តបណ្ឌិត គាម ប៊ន ឯកទេសផ្នែកទន្តសាស្ត្រ នៃមន្ទីរពេទ្យមិត្តភាពខ្មែរ-សូវៀត បានប្រាប់កោះសន្តិភាពថា ភាគច្រើននៃអ្នកជំងឺដែលកើតមហារីកមាត់ធ្មេញ គឺមានអាយុចន្លោះចាប់ពី៥០ទៅ៧០ឆ្នាំ ព្រោះក្នុងវ័យនេះ ទឹកមាត់របស់គាត់មិនមានប្រព័ន្ធការពារជំងឺមហារីកឲ្យបានគ្រប់គ្រាន់ដូចមនុស្សវ័យក្មេងទេ ដូច្នេះក្នុងករណីដែលមាត់ធ្មេញកើតមានរបួស ឬដំបៅ នោះវាជាកត្តាដែលងាយនឹងបង្កឲ្យកើតមហារីកខ្លាំងបំផុត ។
ជំងឺមហារីកមាត់ធ្មេញអាចបណ្តាលមកពីកត្តាជាច្រើនដូចជា៖
-វ័យចំណាស់
-ការថែរក្សាសុខភាពមាត់ធ្មេញមិនបានស្អាតល្អ
-កត្តាដែលបង្កឲ្យងាយកើតដំបៅ
-អាចនឹងកើតឡើងបាននៅពេលដែលមានបញ្ហាមាត់ធ្មេញ ហើយជ្រើសរើសឱសថបុរាណនានាយកមកប្រើប្រាស់ដោយមិនមានប្រភពច្បាស់លាស់ ។
-ការព្យាបាលជំងឺមាត់ធ្មេញជាមួយគ្រូពេទ្យដែលមិនមានជំនាញ ។
-ទទួលទានអាហារពិសេសស្រាបារីក៏ជាមូលហេតុចម្បងនៃការកើតមានជំងឺមហារីកមាត់ធ្មេញនេះដែរ ។
ជំងឺមហារីមាត់ធ្មេញនេះមានច្រើនប្រភេទដូចជា៖
-មហារីកអណ្តាត
-មហារីកក្រោមអណ្តាត
-មហារីកសាច់ថ្ពាល់ខាងក្នុង
-មហារីកឆ្អឹកថ្គាម
-មហារីកបបូរមាត់ទាំងលើទាំងក្រោម…។
ក្នុងចំណោមមហារីកទាំងនេះ ជំងឺមហារីកដែលតែងជួបញឹកញាប់ជាងគេគឺ ច្រើនតែកើតមាននៅលើជាលិកាទន់ៗ ។
តាមដែលលោកវេជ្ជបណ្ឌិតជួបនាពេលកន្លងមកឃើញថា អ្នកដែលកើតមានជំងឺមហារីកមាត់ធ្មេញនៅកម្ពុជាភាគច្រើនអ្នកជំងឺមកពីតាមបណ្តាខេត្ត និងមានជីវភាពក្រីក្រ ហើយស្ថានភាពជំងឺច្រើនតែហួសពេល ដោយសារជំងឺបានវិវឌ្ឍទៅរកសភាពធ្ងន់ធ្ងរ ជាដំណាក់កាលចុងក្រោយគឺពិបាកព្យាបាលឲ្យជាសះស្បើយខាំ្លងណាស់ និយាយរួមគឺគេចមិនផុតពីសេចក្តីស្លាប់ដោយសារជំងឺមហារីកនេះបានឡើយ ។ ដូច្នេះបើមានការសង្ស័យដូចជាមានដំបៅរបួសក្នុងមាត់ធ្មេញ គួរតែប្រញាប់មកជួបជាមួយគ្រូពេទ្យឯកទេសព្យាបាលឲ្យបានទាន់ពេលវេលា ៕
ចែករំលែកព័តមាននេះ