ឡើងភ្លាម ធ្វើភ្លាម! គ្រោងកែលម្អ សួនស្តេចកន (សេះ៨) ដើម្បីលើកកម្ពស់សោភ័ណភាពប៉ៃលិន
- ប៉ៃលិន
ខេត្តប៉ៃលិន៖ កាលពីថ្ងៃទី២៦ ខែធ្នូ ឆ្នាំ២០២០ លោកស្រី បាន ស្រីមុំ អភិបាលខេត្តប៉ៃលិន បានដឹកនាំមន្ត្រីក្រោមឱវាទ ចុះពិនិត្យមើលសួនស្តេចកន…
ខេត្តប៉ៃលិន៖ កាលពីថ្ងៃទី២៦ ខែធ្នូ ឆ្នាំ២០២០ លោកស្រី បាន ស្រីមុំ អភិបាលខេត្តប៉ៃលិន បានដឹកនាំមន្ត្រីក្រោមឱវាទ ចុះពិនិត្យមើលសួនស្តេចកន…
ខេត្តប៉ៃលិន៖ កាលពីថ្ងៃទី២៦ ខែធ្នូ ឆ្នាំ២០២០ លោកស្រី បាន ស្រីមុំ អភិបាលខេត្តប៉ៃលិន បានដឹកនាំមន្ត្រីក្រោមឱវាទ ចុះពិនិត្យមើលសួនស្តេចកន (សេះ៨) ស្ថិតក្នុងភូមិអូរបេង ឃុំស្ទឹងកាច់ ស្រុកសាលាក្រៅ ខេត្តប៉ៃលិន ដើម្បីគ្រោងធ្វើការជួសជុលកែលម្អ និងបំពាក់ឧបករណ៍សម្រាប់ហាត់ប្រាណ ក្នុងគោលបំណងលើកកំពស់សោភ័ណភាព និងសុខមាលភាពសាធារណៈរបស់ខេត្ត។
លោកស្រីអភិបាលខេត្តប៉ៃលិន បានមានប្រសាសន៍ថា រដ្ឋបាលខេត្តប៉ៃលិន នឹងខិតខំកែលម្អហេដ្ឋារចនាសម្ព័ន្ធសាធារណៈនានា រួមទាំងការដាំដើមឈើ ដាំដើមផ្កាលំអបន្ថែម និងការថែទាំ ព្រមទាំងការកែលម្អហេដ្ឋារចនាសម្ព័ន្ធសួនច្បារ ឱ្យបានកាន់តែល្អប្រសើរឡើង ដើម្បីឆ្លើយតបទៅនឹងតំរូវការរបស់ប្រជាពលរដ្ឋលើផ្នែកបរិស្ថាន សុខភាព ក៍ដូចជាបន្ថែមក្រវាត់ពណ៌បៃតង ប្រកបដោយសោភ័ណភាពស្រស់បំព្រង ក្នុងការទាក់ទាញភ្ញៀវជាតិ និងអន្តរជាតិ មកកំសាន្តក្នុងខេត្តប៉ៃលិន ឱ្យកាន់តែច្រើនឡើង ដែលជាកត្តាមួយចូលរួមចំណែកក្នុងការជំរុញកំណើនសេដ្ឋកិច្ចជីវភាពរបស់ប្រជាពលរដ្ឋឱ្យបានកាន់តែប្រសើរឡើង។
នៅក្នុងឱកាសនោះដែរ លោកស្រីអភិបាលខេត្ត ក៏បានអំពាវនាវដល់ប្រជាពលរដ្ឋ និងគ្រប់ផ្នែកពាក់ព័ន្ធទាំងអស់ គឺត្រូវរួមគ្នាសំអាតអនាម័យ តាមមុខផ្ទះ និងតាមទីតាំងអាជីវកម្មរបស់ខ្លួន ជាប្រចាំ ជាពិសេស អាជីករលក់ដូរនៅតាមទីសាធារណៈ និងតាមសួនច្បារ ត្រូវវេចខ្ចប់កាកសំណល់សំរាមឲ្យបានល្អ គត់មត់ និងនាំយកទៅទុកដាក់ឲ្យបានត្រឹមត្រូវតាមក្បួនខ្នាត គឺមិនត្រូវបោះចោលសំរាមគ្មានសណ្តាប់ធ្នាប់នៅតាមទីសាធារណៈនោះទេ ទើបយើងអាចសម្អាតអនាម័យបរិស្ថាន និងបង្កើនសោភ័ណភាពទីក្រុងរបស់យើងបានល្អ។ សូមបញ្ជាក់ថា អាជ្ញាធរខេត្តប៉ៃលិន គ្រោងនឹងបំពាក់ឧបករណ៍ និងសម្ភារៈហាត់ប្រាណ នៅសួនស្តេចកន (សេះ៨) និងនៅសួនកុមារខាងមុខសាលាខេត្តប៉ៃលិន នាពេលខាងមុខនេះ ដើម្បីផ្តល់សេវាសុខភាពសាធារណៈជូនប្រជាពលរដ្ឋ កាន់តែប្រសើរឡើងផងដែរ៕ ដោយ ៖ នីយ៉ា
ចែករំលែកព័តមាននេះ