រាជធានីភ្នំពេញ ៖ បុរសជាអ្នករត់តាក់ស៊ីម្នាក់ត្រូវបានប្រទះឃើញដេកស្លា.ប់នៅក្នុងរថយន្តរបស់គាត់នៅក្បែររបងសាលារៀនអន្តរាជាតិមួយកន្លែងស្ថិតនៅតាមបណ្តោយផ្លូវប៉ាស្ទ័រ(ផ្លូវលេខ៥១) ខណៈដែលក្រុមគ្រួសារបានតាមរកគាត់ព្រោះមិនឃើញចូលផ្ទះដូចសព្វមួយដង អស់រយៈពេល៣ថ្ងៃមកហើយនោះ។ ហេតុការណ៍នេះ បានបង្កការភ្ញាក់ផ្អើលកើតឡើង កាលពីវេលាម៉ោង០៨ ព្រឹក ថ្ងៃទី២៨…
រាជធានីភ្នំពេញ ៖ បុរសជាអ្នករត់តាក់ស៊ីម្នាក់ត្រូវបានប្រទះឃើញដេកស្លា.ប់នៅក្នុងរថយន្តរបស់គាត់នៅក្បែររបងសាលារៀនអន្តរាជាតិមួយកន្លែងស្ថិតនៅតាមបណ្តោយផ្លូវប៉ាស្ទ័រ(ផ្លូវលេខ៥១) ខណៈដែលក្រុមគ្រួសារបានតាមរកគាត់ព្រោះមិនឃើញចូលផ្ទះដូចសព្វមួយដង អស់រយៈពេល៣ថ្ងៃមកហើយនោះ។ ហេតុការណ៍នេះ បានបង្កការភ្ញាក់ផ្អើលកើតឡើង កាលពីវេលាម៉ោង០៨ ព្រឹក ថ្ងៃទី២៨ ខែធ្នូ ឆ្នាំ ២០២០ ចំណុចផ្លូវលេខ៥១ (ផ្លូវប៉ាស្ទ័រ) ក្នុងសង្កាត់បឹងរាំង ខណ្ឌដូនពេញ។
តាមប្រភពនគរបាលបានប្រាប់ឱ្យដឹងថា បុរសរងគ្រោះមានឈ្មោះ នួន រ៉ាន អាយុ៤២ឆ្នាំ មុខរបររត់តាក់ស៊ី មានប្រពន្ធឈ្មោះ ស៊ីម សាវន អាយុ៤៣ឆ្នាំ មានកូនប្រុស ស្រីចំនួន ៣នាក់ (ប្រុស ២នាក់ ស្រី ១នាក់) មានទីលំនៅភូមិតាងួន ក្នុងសង្កាត់កាកាបទី២ ខណ្ឌពោធ៍សែនជ័យ រាជធានីភ្នំពេញ និងមានសស្រុកកំណើតនៅ ស្រុក កំពង់រោតិ៍ ខេត្តស្វាយរៀង។
គួរបញ្ជាក់ថា ជារៀងរាល់ថ្ងៃរូបគាត់ (ជនរងគ្រោះ) តែងតែបានចូលផ្ទះហូបបាយតែមួយ ភ្លែតៗ រួចចេញដឹកភ្ញៀវទៀតវិញហើយ តែលើកនេះទំនងជាខំប្រឹងពេកទាល់តែខ្យល់.គនៅក្នុងរថយន្តរបស់គាត់បែបនេះទៅ។ ហើយទាល់តែអ្នករត់តាក់ស៊ីដូចគ្នានាំគ្នាតាមស្វែងរកទើបបានប្រទះឃើញ និងទាល់តែសាកសពមានសភាពហើមស្អុយទៅហើយនោះ ។
ប្រភពបន្តទៀតថា នៅមុនពេលកើតហេតុ មានក្រុមអ្នករត់រថយន្តតាក់ស៊ីមួយក្រុមនាំគ្នាបានប្រទះឃើញបុរសម្នាក់ ជាមិត្តភក្តិជាអ្នករត់តាក់ស៊ីដូចគ្នា បានប្រទះឃើញបុរសរងគ្រោះដេកស្លាប់នៅក្នុងរថយន្តរបស់គាត់មួយគ្រឿងម៉ាក ហាយ ឡែនឌ័រ ព៌ណខ្មៅ ពាក់ស្លាកលេខភ្នំពេញ២AI-៨៩៣២ នៅលើចិញ្ចើមផ្លូវលេខ៥១ ក្បែររបងសាលាអន្តរាជាតិមួយកន្លែងខាងលើ។ ពេលដែលបានទទួលដំណឹងនេះភ្លាមកម្លាំងរបស់លោក ធ្វើការជាមួយកម្លាំងជំនាញរបស់ការិយាល័យ នៃស្នងការ នគរបាលរាជធានីភ្នំពេញ បង្កើតជាគណៈកម្មាធិការចុះមកធ្វើការត្រួតពិនិត្យនៅបរិវេណខាងលើ និងបានហៅរថយន្ត សា មុយមកដឹកយកសាកសពដែលមានសភាពហើម និង មានក្លិនស្អុយទៅហើយនេះ ទំនងជាជាបានស្លាប់ បាត់បង់ជីវិត អស់ រយះពេលពី ២ ទៅ ៣ថ្ងៃមកហើយនេះ យកទៅកាន់វត្តទឹកថ្លា ដើម្បីធ្វើការត្រួតពិនិត្យ និង កោសលវិច្ច័យផងដែរ។
ស្ត្រីជាប្អូនជីដូនមួយម្នាក់បានប្រាប់ឱ្យដឹងថា បុរសរងគ្រោះជាបងជីដូនមួយរបស់នាងបានបាត់ចេញពីផ្ទះតាំងពីវេលាម៉ោង ប្រមាណជា ១០យប់ ថ្ងៃទី ២៦ ខែ ធ្នូ ឆ្នាំ ២០២០ មកម្លេះ ហើយក្រុមគ្រួសារក៏បានដើររក និង តេទូរស័ព្ទចូលដែរតែមិនមាន អ្នកលើក ហើយក្រុមអ្នករត់តាក់ស៊ីជាមួយគាត់ក៏នាំគ្នាស្វែងរកដែរតែមិនឃើញ។ លុះមកដល់ព្រឹកនេះទើបពូៗជាអ្នករត់ រថយន្តតាក់ស៊ីជាមួយគ្នាបានប្រទះឃើញរថយន្តរបស់គាត់ចតលើចិញ្ចើមផ្លូវក្បែររបងសាលារៀននេះ ហើយទៅអើតមើល ក៏បានឃើញទម្លាក់កញ្ចក់ម្ខាងបន្តិច ចាក់សោរជាប់ខាងក្នុង និងមើលទៅម្ខាងក៏បានឃើញរូបគាត់ដេកខ្លួនមានសភាពហើម ខ្មៅរល និងធំក្លិនស្អុយទៅហើយទើបបានបានប្រាប់ពួកគាត់អោយបានដឹង និង នាំគ្នាមកមើល។
ស្ត្រីដដែលក៏បានប្រាប់បន្តទៀតថា បងប្រុសជីដូនមួយរបស់គាត់រាល់ថ្ងៃខំប្រឹងរកស៊ីខ្លាំងណាស់ ដោយក្នុងមួយថ្ងៃៗចូលផ្ទះហូបបាយតែមួយភ្លែតៗ ហើយក៏ចេញរកដឹកភ្ញៀវបាត់ទៀតទាំអយប់ទាំងថ្ងៃមិមដែលខាន លុះមកដល់ពេលនេះទំនងជារូបគាត់ខំប្រឹងពេកទើប បណ្តាលអោយខ្យល់គស្លាប់បែបនេះ។
ក្រោយពេលកើតហេតុ កម្លាំងមានសម្ថកិច្ចមូលដ្ឋាន ធ្វើការសហការជាមួយនិងកម្លាំងជំនាញនគរបាលនៃការិយាល័យ កោសលវិច្ច័យនៃស្នងការនគរបាលរាជធានីភ្នំពេញ បានធ្វើការត្រួតពិនិត្យ និង កោសល្យវិច្ច័យទៅលើសាកសពរបស់បុរសជាអ្នករត់រថយន្តតាក់ស៊ីរងគ្រោះខាងលើបានបញ្ជាក់ថា «ជនរងគ្រោះបានស្លាប់បាត់បង់ជីវិត ដោយសារតែគាំងបេះដូង» ទើបធ្វើការប្រគល់អោយក្រុមគ្រួសារធ្វើបុណ្យទៅតាមប្រពៃណី ចំណែកឯរថយន្តម៉ាក ហាយឡែនឌ័រ មួយគ្រឿងនោះ ក៏បានធ្វើការប្រគល់ទៅអោយស្ត្រីជាប្រពន្ធវិញផងដែរ ។
ចែករំលែកព័តមាននេះ