ខេត្តសៀមរាប៖ ទំនប់ម្កាក់ មានចម្ងាយជាង ៧០គីឡូម៉ែត្រ ពីទីក្រុងសៀមរាប ស្ថិតនៅទិសខាងកើត ក្នុងភូមិបឹងម្កាក់ ឃុំគោកធ្លក ស្រុកជីក្រែង ខេត្តសៀមរាមរាប។…
ខេត្តសៀមរាប៖ ទំនប់ម្កាក់ មានចម្ងាយជាង ៧០គីឡូម៉ែត្រ ពីទីក្រុងសៀមរាប ស្ថិតនៅទិសខាងកើត ក្នុងភូមិបឹងម្កាក់ ឃុំគោកធ្លក ស្រុកជីក្រែង ខេត្តសៀមរាមរាប។ ទំនប់បឹងម្កាក់ ជាជំនួយរបស់ក្រុមហ៊ុនចិន ដែលបានកសាងឡើង នៅក្នុងអំឡុងឆ្នាំ២០១៦ ហើយបញ្ចប់នៅឆ្នាំ២០១៧។ ទំនប់មួយនេះ បានស្តុកទឹកទុក សម្រាប់ស្រោចស្រពដំណាំកសិកម្មរបស់ប្រជាពលរដ្ឋ បានប្រមាណ ១០ឃុំ ក្នុងស្រុកជីក្រែង ដោយអាជ្ញាធរ បានអនុញ្ញតឱ្យប្រជាពលរដ្ន សាងសង់កញ្ចុះ នៅលើទំនប់បឹងម្កាក់នេះ ដើម្បីលក់ដូរ នំចំណីរ អាហារ បែបធម្មជាតិ។
ភ្ញៀវទេសចរជាតិ និងអន្តរជាតិ មកកម្សាន្ត នៅទំនប់ម្កាក់ អាចជិះទូកក្នុងបឹង គយគន់សម្រស់ធម្មជាតិ អ្នកនេសាទត្រី សត្វស្លាប ផលដំណាំកសិកម្ម និងវាលស្រែរបស់កសិករ ជាដើម។
តែអ្វីដែលគួរឱ្យទាក់ទាញនោះ គឺត្រីធម្មជាតិ និងមាន់ទារបស់អ្នកភូមិនៅទីនោះ ក៏មានឱរស់ជាតិឆ្ងាញ់ណាស់ដែរ។ ចំណែកខ្យល់វិញ គឺត្រជាក់ស្រឹបបែបធម្មជាតិ ដែលបានបក់ពីលើផ្ទៃទឹកបឹងដ៏ធំល្វឹងល្វើយ គួរឱ្យចាប់ចិត្តដិតអារម្មណ៍។
សូមបញ្ជាក់ថា កាលពីពេលកន្លងទៅថ្មីៗនេះ ត្រូវបានលោក ទៀ សីហា អភិបាលខេត្ត ដឹកនាំកម្លាំង មន្ត្រីជំនាញ និងមន្ទីរពាក់ព័ន្ធ ព្រមទាំងអាជ្ញាធរស្រុក បានចុះត្រួតពិនិត្យ ដើម្បីមើលស្ថានភាព នៅទំនប់បឹងម្កាក់ធម្មជាតិ សម្រាប់ស្តុកទឹកទុក ស្រោចស្រពដំណាំកសិកម្មរបស់ប្រជាពលរដ្ឋ ឱ្យបានប្រមាណ ១០ឃុំ ក្នុងស្រុកជីក្រែង ផងដែរ។ បើនិយាយពីហេដ្ឋារចនាសម្ព័ន្ធវិញ បានរៀបចំដោយយកចិត្តទុក ទាំងគ្រោងទំនប់ និងផ្លូវចូលមានភាពស្អាត ពិសេសមានសន្តិសុខល្អ។
ចំណែកតម្លៃម្ហូបអាហារនៅទីនោះវិញ មិនសូវថ្លៃទេ សមល្មម ទទួលយកបាន។ ម្យ៉ាងទៀត ភ្ញៀវទេសចរ អាចសម្រាកកម្សាន្ត នៅតាមកញ្ចុះ និងផ្ទះបណ្តែតទឹក បានយ៉ាងត្រជាក់ចិត្តល្ហឹម។
គួរបញ្ជាក់ថា ទំនប់បឹងម្កាក់ បានកសាងឡើង ក្នុងឡុងឆ្នាំ១៩៧៣ ប៉ុន្តែត្រូវបានទុកចោលជាយូរឆ្នាំមកហើយ លុះដល់ឆ្នាំ២០១៦នេះ អាជ្ញាធរស្រុកជីក្រែង ខេត្តសៀមរាប បានឯកភាពគ្នាឱ្យក្រុមហ៊ុនចិនមួយ ជួយកសាងឡើងវិញ ដើម្បីបម្រើដល់វិស័យកសិកម្ម និងទេសចរណ៍ ក្នុងខេត្តសៀមរាប ហើយបញ្ចប់នៅក្នុងអំឡុងឆ្នាំ២០២០នេះ៕ ច័ន្ទ រស្មី
ចែករំលែកព័តមាននេះ