សង្ខារទាំងឡាយមិនទៀងមែនពិត
ការកើត ចាស់ ឈឺ ស្លាប់ ជាច្បាប់ធម្មជាតិ ឬជាច្បាប់ចក្កវាឡ ដែលសង្ខារលោកចាត់ថាជាច្បាប់យុត្តិធម៌បំផុតគឺកើតមានចំពោះសព្វសត្វស្មើៗគ្នា ។ សមដូចពុទ្ធគាថាទ្រង់សម្តែងយ៉ាងនេះថា អនិច្ចា…
ការកើត ចាស់ ឈឺ ស្លាប់ ជាច្បាប់ធម្មជាតិ ឬជាច្បាប់ចក្កវាឡ ដែលសង្ខារលោកចាត់ថាជាច្បាប់យុត្តិធម៌បំផុតគឺកើតមានចំពោះសព្វសត្វស្មើៗគ្នា ។
សមដូចពុទ្ធគាថាទ្រង់សម្តែងយ៉ាងនេះថា អនិច្ចា វត សង្ខារា ឧប្បាទវយធម្មិនោ ឧប្បជ្ជិត្វា និរុជ្ឈន្តិ តេសំ វូបសមោ សុខោ ។ ប្រែថា សង្ខារធម៌ទាំងឡាយ មិនទៀងមែនពិត មានកិរិយាកើតឡើងនិងវិនាសទៅវិញជាធម្មតា រមែងកើតឡើងហើយរលត់ទៅវិញ លុះតែរលត់នូវសង្ខារទាំងឡាយនោះហើយ ទើបបាននូវសេចក្តីសុខគ្រប់យ៉ាង ។
សេចក្តីស្លាប់កើតមានចំពោះមនុស្សសត្វទូទៅ មិនប្រកាន់វ័យ ភេទ វណ្ណៈ ជាតិ ត្រកូល ឬស្រុក ភូមិអ្វីឡើយឱ្យតែដល់ពេលដល់វេលាហើយគឺត្រូវតែស្លាប់គេចទៅណាក៏មិនរួចដែរ គឺស្លាប់ទាល់តែអស់ ខណៈនេះអ្នកដែលអាចជូនដំណើរយើងបានគឺមានតែអំពើល្អ-អាក្រក់ដែលបានសាងមកតែប៉ុណ្ណោះ កម្មល្អជូនដំណើរយើងទៅកាន់ទីសុខសាន្ត ឯកម្មអាក្រក់ក៏នាំយើងកាន់អបាយភូមិ រងទុក្ខវេទនាគ្មានទីបំផុត ៕ សាន សារិន
ចែករំលែកព័តមាននេះ