ប្រសិនបើកូនរបស់អ្នកកំពុងក្តៅខ្លួនដោយសារគ្រុនក្តៅ ជាទូទៅអ្នកមិនចាំបាច់ព្រួយបារម្ភទេ ។ ជាការពិត ប្រសិនបើអ្នកជាឪពុកម្តាយអ្នកប្រាកដជានឹងបារម្ភជាក់ជាមិនខាន ។ នោះហើយជាមូលហេតុដែលវាចាំបាច់ក្នុងការចងចាំថា គ្រុនក្តៅ គឺជាការឆ្លើយតបធម្មជាតិរបស់រាងកាយចំពោះវីរុស និងការឆ្លងបាក់តេរី…
ប្រសិនបើកូនរបស់អ្នកកំពុងក្តៅខ្លួនដោយសារគ្រុនក្តៅ ជាទូទៅអ្នកមិនចាំបាច់ព្រួយបារម្ភទេ ។ ជាការពិត ប្រសិនបើអ្នកជាឪពុកម្តាយអ្នកប្រាកដជានឹងបារម្ភជាក់ជាមិនខាន ។ នោះហើយជាមូលហេតុដែលវាចាំបាច់ក្នុងការចងចាំថា គ្រុនក្តៅ គឺជាការឆ្លើយតបធម្មជាតិរបស់រាងកាយចំពោះវីរុស និងការឆ្លងបាក់តេរី ។ គ្រុនក្តៅរបស់កុមារមានន័យថា រាងកាយរបស់ពួកគេកំពុងធ្វើការយ៉ាងខ្លាំង ដើម្បីប្រយុទ្ធប្រឆាំងនឹងជំងឺ ។
ក្នុងនាមជាឪពុកម្តាយ មានវិធីជាច្រើន ដើម្បីធ្វើឱ្យកូនរបស់អ្នកមានសុវត្ថិភាពខណៈពេលដែលរាងកាយរបស់ពួកគេប្រយុទ្ធនឹងមេរោគ ។ អនុវត្តតាមការណែនាំទាំងនេះដែលបានចុះផ្សាយដោយគេហទំព័រផ្លូវការរបស់ Immediate Clinic សហរដ្ឋអាមេរិក ដើម្បីផ្តល់ភាពកក់ក្តៅដល់កូនអ្នក និងដឹងថាពេលណាត្រូវស្វែងរកការព្យាបាល ។
១. ផ្តល់ថ្នាំដែលអាចទិញបានតាមកន្លែងលក់ថ្នាំដោយគ្មានវេជ្ជបញ្ជា (OTC Medication) ៖ ការប្រើថ្នាំអាសេតាមីណូហ្វេន (ប៉ារ៉ាសេតាម៉ុល) ឱ្យបានត្រឹមត្រូវមានប្រសិទ្ធភាពខ្ពស់ក្នុងការព្យាបាលគ្រុនក្តៅលើកុមារ និងមនុស្សពេញវ័យ ។ ប្រសិនបើកូនរបស់អ្នកមានអាយុលើសពី ៦ខែ ពួកគេក៏អាចលេបថ្នាំ Ibuprofen ដែលកាន់តែមានប្រសិទ្ធភាពថែមទៀត ។ ហើយជាការពិត អ្នកត្រូវតែធ្វើតាមការណែនាំអំពីកម្រិតប្រើ ។ ទ្វេដងកម្រិតថ្នាំនឹងមិនជួយឱ្យរាងកាយប្រយុទ្ធប្រឆាំងនឹងគ្រុនក្តៅលឿនជាងមុនពីរដងទេ ។ វានឹងធ្វើឱ្យកូនប្រុស-ស្រីរបស់អ្នកប្រឈមនឹងការខូចសរីរាង្គ ។
២. ងូតទឹកក្តៅឧណ្ហៗ ៖ ការងូតទឹកក្តៅល្មម អាចផ្តល់ភាពកក់ក្តៅដល់សាច់ដុំរបស់កូនអ្នក និងបើកផ្លូវដង្ហើមរបស់ពួកគេប្រសិនបើពួកគេមានជំងឺផ្តាសាយ ។ គ្រាន់តែធ្វើឱ្យប្រាកដថាសីតុណ្ហភាពមិនក្តៅ ឬត្រជាក់ពេក ព្រោះនេះអាចធ្វើឱ្យសីតុណ្ហភាពរាងកាយរបស់ពួកគេឡើងខ្ពស់ពេក ឬចុះត្រជាក់ពេក ។
៣. ជំរុញការគេង និងផ្តល់ទឹកឱ្យបានគ្រប់គ្រាន់ ៖ ជាពិសេសនៅពេលគ្រុនក្តៅរបស់ពួកគេបណ្តាលមកពីជំងឺផ្តាសាយ ការសម្រាកឱ្យបានច្រើន និងការទទួលទានទឹកឱ្យបានគ្រប់គ្រាន់ គឺជាការថែទាំយ៉ាងល្អបំផុត ។ ការគេងជួយដល់ប្រព័ន្ធភាពស៊ាំរាងកាយ និងការផ្តល់នូវទឹកស្អាតគុណភាពល្អដល់កូនអ្នក គឺជួយការពារការបាត់បង់ជាតិទឹក ពេលដែលគ្រុនក្តៅ ។
៤. ដឹងថាពេលណាត្រូវយកកូនទៅពេទ្យ ៖ ប្រសិនបើកូនរបស់អ្នកក្តៅខ្លួនដល់ ៤០អង្សារសេ អ្នកត្រូវប្រញាប់យកកូនទៅពេទ្យដែលជិតអ្នកជាទីបំផុត ។ ប្រសិនបើគ្រុនក្តៅរបស់ពួកគេត្រូវបានអមដោយប្រកាច់ ឈឺត្រចៀក ឡើងកន្ទួល ល្ហិតល្ហៃ ឬមានរោគសញ្ញាធ្ងន់ធ្ងរផ្សេងទៀត មិនត្រូវទុកនៅផ្ទះនោះទេ ហើយត្រូវប្រញាប់យកទៅកន្លែងសង្គ្រោះបន្ទាន់ភ្លាម ៕ ប្រភព ៖ immediateclinic
ចែករំលែកព័តមាននេះ