ប្រទេសអ៊ីរ៉ង់ ៖ ប្រធានាធិបតីអ៊ីរ៉ង់លោកហាសាន់រ៉ូហានី កាលពីថ្ងៃទី២៨ ខែវិច្ឆិកា បានចោទប្រកាន់អ៊ីស្រាអែលជាសត្រូវជួរចត់ថា ចង់សាបព្រោះភាពចលាចល ជាមួយការធ្វើឃាតនាពេលមុននេះ ជិតទីក្រុងតេហេរ៉ង់អ្នកវិទ្យាសាស្ត្រជាន់ខ្ពស់នៃកម្មវិធីនុយក្លេអ៊ែ៊រអ៊ីរ៉ង់មួយរូប។ លោកMOHSEN…
ប្រទេសអ៊ីរ៉ង់ ៖ ប្រធានាធិបតីអ៊ីរ៉ង់លោកហាសាន់រ៉ូហានី កាលពីថ្ងៃទី២៨ ខែវិច្ឆិកា បានចោទប្រកាន់អ៊ីស្រាអែលជាសត្រូវជួរចត់ថា ចង់សាបព្រោះភាពចលាចល ជាមួយការធ្វើឃាតនាពេលមុននេះ ជិតទីក្រុងតេហេរ៉ង់អ្នកវិទ្យាសាស្ត្រជាន់ខ្ពស់នៃកម្មវិធីនុយក្លេអ៊ែ៊រអ៊ីរ៉ង់មួយរូប។
លោកMOHSEN FAKHRIZADEH បានស្លា.ប់ដោយរបួសធ្ងន់ ក្រោយការវាយប្រហារមួយប្រឆាំងរថយន្តដែលលោកជិះ ដោយប្រើរថយន្តមួយទៀតផ្ទុកគ្រឿងផ្ទុះបំបុកនិងមានការបាញ់បន្ថែម កាលពីថ្ងៃទី២៧វិច្ឆិកា។ ក្រសួងការពារប្រទេសអ៊ីរ៉ង់បញ្ជាក់ថា លោកMOHSEN FAKHRIZADEHជាប្រធាននាយកដ្ឋានស្រាវជ្រាវនិងកែប្រែថ្មីរបស់ក្រសួងនោះ។
ចំណែកមេដឹកនាំកំពូលអ៊ីរ៉ង់លោកអាយ៉ាតុលាអាលីខាមេនី បានអំពាវនាវឲ្យដាក់ទោសពួកអ្នកវាយប្រហារនិងពួកអ្នកទទួលខុសត្រូវនិងឲ្យបន្ត ការខិតខំប្រឹងប្រែងខាងវិទ្យាសាស្ត្រនិងបច្ចេកទេស បន្តវេនពីលោកMOHSEN FAKHRIZADEHរប ក្នុងគ្រប់វិស័យដែលលោកធ្លាប់ធ្វើ។
រីឯប្រមុខការទូតអ៊ីរ៉ង់លោក MOHAMMAD JAVAD ZARIF បានចោទប្រកាន់ចាប់តាំងពីថ្ងៃទី២៧វិច្ឆិកាមក ចំពោះអ៊ីស្រាអែលថា ជាអ្នកដើរតួក្នុងអំពើភេរវកម្មនោះ ដែលបង្ហាញពីលទ្ធិប្រទូស្តរ៉ាយនិយមដោយអស់សង្ឃឹម របស់ពួកអ្នករៀបចំគម្រោងវាយប្រហារនេះ។
ការធ្វើឃាតអ្នកវិទ្យាសាស្ត្រនុយក្លេអ៊ែររូបនោះ ដែលអ៊ីរ៉ង់ចោទលើអ៊ីស្រាអែល អាចបង្កើនភាពតានតឹងក្នុងតំបន់ និងធ្វើឲ្យស្មុគ្រស្មាញដល់ការងាររបស់ប្រធានាធិបតីជាប់ឆ្នោតអាមេរិក លោកចូបៃដិនដែលផ្ដល់សញ្ញាពីចេតនារបស់លោកធ្វើការចរចាឡើងវិញជាមួយក្រុងតេហេរ៉ង់៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ