ខេត្តកណ្តាល ៖ ៖ ក្រុមហ៊ុនបូមខ្សាច់ដ៏ធំមួយកន្លែង ដែលគេស្គាល់ម្ចាស់ទីតាំងឈ្មោះ ផាន សុផានអានិតា ហួសគល់ស្ពានព្រែកសំរោង ជាប់ផ្លូវ២១A កំពុងបង្កនិងធ្វើអោយពលរដ្ឋរស់នៅជុំវិញនោះ…
ខេត្តកណ្តាល ៖ ៖ ក្រុមហ៊ុនបូមខ្សាច់ដ៏ធំមួយកន្លែង ដែលគេស្គាល់ម្ចាស់ទីតាំងឈ្មោះ ផាន សុផានអានិតា ហួសគល់ស្ពានព្រែកសំរោង ជាប់ផ្លូវ២១A កំពុងបង្កនិងធ្វើអោយពលរដ្ឋរស់នៅជុំវិញនោះ មានការព្រួយបារម្ភយ៉ាងខ្លាំង ដែលសកម្មភាពបូម និងដឹកទាំងថ្ងៃទាំងយប់ ។
ជាពិសេស ជាក់ស្តែងនៅព្រឹក ថ្ងៃទី២៤ វិច្ឆិកា ឆ្នាំ២០២០ របងការដ្ឋានក្រុមហ៊ុនបូមខ្សាច់ បានបាក់ធ្លាយខ្សាច់ហូរទឹកចូលផ្ទះពលរដ្ឋដែលនៅក្បែរនោះ ធ្វើឲ្យលិចលង់ ខូចខាតសម្ភារក្នុងផ្ទះថែមទៀតផង ។ ទីតាំងក្រុមហ៊ុនបូមខ្សាច់ឈ្មោះ ផាន សុផានអានិតា ស្ថិតនៅតាមបណ្ដោយផ្លូវជាតិ២១A ភូមិស្វាយរលំ២ សង្កាត់ស្វាយរលំ ក្រុងតាខ្មៅ ខេត្តកណ្ដាល ។
ពលរដ្ឋដែលរស់នៅជាប់របងក្រុមហ៊ុមបូមខ្សាច់បានប្រាប់អោយដឹង នៅល្ងាចថ្ងៃទី២៥ ខែវិច្ឆិកា នេះថា ពួកគាត់តែងតែជួបផលលំបាកជាច្រើនលើកច្រើនសារ ណាស់មកហើយ គឺក្រុមហ៊ុននេះ មិនគិតពីទុក្ខវេទនារបស់ពួកគាត់ទេ។ សកម្មភាពបូម និងដឹកខ្សាច់ទាំងថ្ងៃ ទាំងយប់តែម្តង ។ បំពងសម្លេងរំខានធ្វើអោយពួកគាត់ពិបាកក្នុងការរស់នៅ ។
បើនិយាយពីរឿងផ្ទះសម្បែងវិញ រង្គើរ ប្រេះ ស្រាំ ជញ្ជាំងអស់ហើយ ដោយសារ រំញ័រសម្លេង និងខ្សាច់ហូរបុក ។ ពួកគាត់បន្តរទៀតថា គាត់ទ្រាំរស់នៅយូរឆ្នាំមកហើយ គឺចេះតែទ្រាំទៅ ព្រោះប្រហែលជាម្ចាស់ក្រុមហ៊ុនជាអ្នកធំ និងជាអ្នករកស៊ី ដែលស្គាល់អ្នកធំ អ្នកតូច នៅក្នុងខេត្តកណ្តាលច្រើនជាងប្រជាជន ។ ពួកគាត់ក៏បានសំណូមពរ ដល់មន្ត្រីជំនាញ និងម្ចាស់ក្រុមហ៊ុន មេត្តាគិតគូរសុខទុក្ខ របស់ពួកគាត់ផង ពិសេស សូមអោយគោរពទៅតាមច្បាប់ទំលាប់អោយបានត្រឹមត្រូវទៅបានហើយ ។
ជុំវិញបញ្ហាខាងលើនេះដែរ លោកគង់ សោភ័ណ្ឌ អភិបាលនៃគណ:អភិបាលខេត្តកណ្ដាល បានឆ្លើយតាមទូរសព្ឌថា កំពុងជាប់ប្រជុំ ។ គួរបញ្ជាក់ផងដែរថា ជាក់ស្តែង នៅលើផ្លូវជាតិលេខ២១Aពីគល់ស្ពានព្រែកសំរោង ក្រុងតាខ្មៅ ទៅដល់ស្វាយរលំ ផ្លូវកៅស៊ូ ក្លាយជាផ្លូវដីអស់ទៅហើយ សព្វថ្ងៃពិបាកក្នុងការធ្វើតំណើរណាស់ ហុយ រលាក់ ផ្លូវប្រៀបដូចថ្លុកក្របី ពលរដ្ឋ រស់នៅស្របតាមផ្លូវជាតិមួយនេះ មានការលំបាកណាស់ ដោយសារតែរថយន្តដឹកមិនគោរពទៅតាមការណែនាំរបស់ក្រសួង រ៉ែ និងថាមពល តែអ្វីដែលពលរដ្ឋចាប់អារម្មណនោះ គឺមន្ត្រីជាអ្នកបើកភ្លើងខៀវ អោយក្រុមដេប៉ូទាំង
នោះ ។
ព័ត៌មានបន្ថែមនឹងមានផ្សាយជូនលើកាសែតកោះសន្តិភាព ។
ចែករំលែកព័តមាននេះ