ជីវប្រវត្តិរបស់សម្ដេចអគ្គមហាធម្មពោធិសាល ជា ស៊ីម នាម-គោត្តនាម ជា ស៊ីម គោរម្យងារ សម្ដេចអគ្គមហាធម្មពោធិសាល ថ្ងៃខែឆ្នាំកំណើត ១៥ វិច្ឆិកា ១៩៣២
ទីកន្លែងកំណើត ស្រុករមាសហែក, ខេត្តស្វាយរៀង ។ ភរិយា លោកជំទាវ ញ៉ែម សឿន ឋានៈ ប្រធានព្រឹទ្ធសភា ពីឆ្នាំ ១៩៩៩ ដល់បច្ចុប្បន្ន
ជីវប្រវត្តិរបស់សម្ដេចអគ្គមហាធម្មពោធិសាល ជា ស៊ីម
នាម-គោត្តនាម ជា ស៊ីម
គោរម្យងារ សម្ដេចអគ្គមហាធម្មពោធិសាល
ថ្ងៃខែឆ្នាំកំណើត ១៥ វិច្ឆិកា ១៩៣២
ទីកន្លែងកំណើត ស្រុករមាសហែក, ខេត្តស្វាយរៀង
ភរិយា លោកជំទាវ ញ៉ែម សឿន
ឋានៈ ប្រធានព្រឹទ្ធសភា ពីឆ្នាំ ១៩៩៩ ដល់បច្ចុប្បន្ន
(អតីត ប្រធានរដ្ឋសភាពីឆ្នាំ ១៩៨១ ដល់ ១៩៩៨)
១- ប្រវត្តិ
សម្តេច ជា ស៊ីម កើតនៅថ្ងៃទី១៥ ខែវិច្ឆិកា ឆ្នាំ១៩៣២ នៅស្រុករមាសហែក ខេត្តស្វាយរៀង។
២- ការចូលខ្លួនក្នុងនយោបាយ និងតំណែងនានា
បន្ទាប់ពីរណសិរ្សសាមគ្គីសង្គ្រោះជាតិកម្ពុជាបានវាយរំលំរបបកម្ពុជា ប្រជាធិបតេយ្យនាឆ្នាំ១៩៧៩មក សម្តេច ជា ស៊ីម ត្រូវបានតែងតាំងឲ្យធ្វើជាប្រធានសភាប្រជាជននៃរបប សាធារណរដ្ឋប្រជាមានិតកម្ពុជា ពីឆ្នាំ១៩៨១ រហូតមកដល់កិច្ចព្រមព្រៀងសន្តិភាពទីក្រុងប៉ារីស នាឆ្នាំ១៩៩១។
ពីថ្ងៃទី០៦ ខែមេសា ឆ្នាំ១៩៩២ ដល់ថ្ងៃទី១៤ ខែមិថុនា ឆ្នាំ១៩៩៣ លោកបានក្លាយជាប្រធានក្រុមប្រឹក្សារដ្ឋ មុនពេលប្រទេសកម្ពុជា ប្រកាន់យករបបរាជាធិបតេយ្យ។
បន្ទាប់ពីប្រទេសកម្ពុជាបានបោះឆ្នោតជាសាកលនាឆ្នាំ១៩៩៣មក សម្តេច ជា ស៊ីម បានក្លាយជាអនុប្រធានសភាជាតិកម្ពុជា ចាប់ តាំងពីខែមិថុនា រហូតដល់ខែតុលា ឆ្នាំ១៩៩៣ និងបន្ទាប់ពីនោះមកសម្តេចបានក្លាយជាប្រធានរដ្ឋសភា រហូតដល់ឆ្នាំ១៩៩៨។
ក្រោយការបោះឆ្នោតអណត្តិទី២ នាខែកក្កដា ឆ្នាំ៩៩៨ សម្តេចបានក្លាយជាប្រធានព្រឹទ្ធសភា រហូតដល់ពេលបច្ចុប្បន្ន។
ក្រៅពីតំណែងនានាទាំងនេះ សម្តេចក៏បានបំពេញតួនាទីជាប្រមុខរដ្ឋស្ដីទី នៅពេលអវត្តមានព្រះមហាក្ស័ត្រិយ៍ផងដែរ នាអំឡុងឆ្នាំ១៩៩៣, ១៩៩៤, ១៩៩៥ និង២០០៤។
បន្ទាប់ពីព្រះមហាក្ស័ត្រិយ៍ នរោត្ដម សីហនុ ចូលនិវត្តនាថ្ងៃទី០៧ ខែតុលា ឆ្នាំ២០០៤ សម្តេច បានក្លាយជាប្រមុខរដ្ឋស្ដីទីជាថ្មីម្ដងទៀត រហូតដល់ថ្ងៃទី១៤ ខែតុលា ឆ្នាំ២០០៤ នៅពេលដែលកម្ពុជា មានព្រះមហាក្ស័ត្រិយ៍ថ្មី គឺព្រះករុណា ព្រះបាទ សម្ដេចព្រះ នរោត្ដម សីហមុនី។
៣- ជីវិតផ្ទាល់ខ្លួន
សម្តេច ជា ស៊ីម បានរៀបអាពាហ៍ពិពាហ៍ជាមួយ លោកជំតាវ ញ៉ែម សឿន នាឆ្នាំ១៩៥៥ និងមានកូនចំនួន៧នាក់ នៅក្នុងនោះកូនប្រុសចំនួន៤នាក់ និងកូនស្រីចំនួន៣នាក់។មានកូនចំនួន៧នាក់ នៅក្នុងនោះកូនប្រុសចំនួន៤នាក់ និងកូនស្រីចំនួន៣នាក់។
៤- គ្រឿងឥស្សរិយយស និងបណ្ដាស័ក្តិ៍
សម្តេច ជា ស៊ីម បានទទួលងារជា “សម្ដេច” ពីព្រះករុណា ព្រះបាទសម្ដេចព្រះ នរោត្ដម សីហនុ កាលពីឆ្នាំ១៩៩៣ និងបានទទួលងារជា “សម្ដេចអគ្គមហាធម្មពោធិសាល” ពីសម្ដេចព្រះបរមនាថ នរោត្ដម សីហមុនី កាលពីខែតុលា ឆ្នាំ២០០៧។
ក្រៅពីនោះលោក ជា ស៊ីម ទទួលបានគ្រឿងឥស្សរិយយសជាច្រើនទៀត ពីព្រះមហាក្ស័ត្រិយ៍ មានដូចជា៖
• គ្រឿងឥស្សរិយយសនៃព្រះរាជាណាចក្រកម្ពុជាថ្នាក់ជាតូបការ (ឆ្នាំ២០០៧)
• នាយឧត្តមសេនីយ៍ផុតលេខផ្កាយមាស៥ ពីព្រះករុណាព្រះបាទ សម្ដេចព្រះ នរោត្ដម សីហមុនី (២២ ធ្នូ ២០០៩)
• ៣០ មីនា ២០១១ – គោរមងារជា «កិត្តិព្រឹទ្ធបណ្ឌិត» នៃរាជបណ្ឌិត្យសភាកម្ពុជា ពីព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្ស័ត្រិយ៍នៃព្រះរាជាណាចក្រកម្ពុជា ។
សញ្ញាប័ត្រ
• ១៥ កក្កដា ២០១០ – បណ្ឌិតកិត្តិយស ផ្នែកវិទ្យាសាស្ត្រនយោបាយ វិទ្យាស្ថានស្រាវជ្រាវវប្បធម៌ពិភពលោក នៃសាធារណរដ្ឋប្រជាមានិតចិន
• ១៣ កញ្ញា ២០១០ – សញ្ញាប័ត្របណ្ឌិតភាពជាអ្នកដឹកនាំជាន់ខ្ពស់នៅក្នុងកិច្ចការព្រឹទ្ធសភា សាកលវិទ្យាល័យ The Open Seminary សហរដ្ឋអាមេរិក
• ចិនបានប្រគល់ សញ្ញាបត្របណ្ឌិតកិត្តិយស ផ្នែក វិទ្យាសាស្តជូនសម្តេច ជា ស៊ីម
• សម្ដេចជា ស៊ីម ទទួលបានសញ្ញាប័ត្របណ្ឌិតភាពជាថ្នាកដឹកនាំក្នុងស្ថាប័នរដ្ឋសភា ពីសាកលវិទ្យាល័យមួយរបស់អាមេរិក
សាកលវិទ្យាល័យសហរដ្ឋអាមេរិកមួយផ្ដល់សញ្ញាប័ត្របណ្ឌិតជូនសម្ដេច ជា ស៊ីម ៕
ចែករំលែកព័តមាននេះ