រាជធានីភ្នំពេញ ៖ ជន២នាក់ជិះម៉ូតូមួយគ្រឿងបានធ្វើសកម្មភាពកាត់សោផ្ទះមួយ តែមិនបានសម្រេចដោយសារម្ចាស់ផ្ទះដឹងទាន់ក៏រត់ចោលម៉ូតូមួយគ្រឿង និងបង្កឲ្យមានការភ្ញាក់ផ្អើលកាលពីវេលាម៉ោងប្រមាណ២និង៣០នាទីរំលងអធ្រាត្រឈានចូលថ្ងៃទី២១ ខែវិច្ឆិកា ឆ្នាំ២០២០ នៅភូមិត្រពាំងរំចេក សង្កាត់ចោមចៅទី១ ខណ្ឌពោធិ៍សែនជ័យ…
រាជធានីភ្នំពេញ ៖ ជន២នាក់ជិះម៉ូតូមួយគ្រឿងបានធ្វើសកម្មភាពកាត់សោផ្ទះមួយ តែមិនបានសម្រេចដោយសារម្ចាស់ផ្ទះដឹងទាន់ក៏រត់ចោលម៉ូតូមួយគ្រឿង និងបង្កឲ្យមានការភ្ញាក់ផ្អើលកាលពីវេលាម៉ោងប្រមាណ២និង៣០នាទីរំលងអធ្រាត្រឈានចូលថ្ងៃទី២១ ខែវិច្ឆិកា ឆ្នាំ២០២០ នៅភូមិត្រពាំងរំចេក សង្កាត់ចោមចៅទី១ ខណ្ឌពោធិ៍សែនជ័យ ។
ចោរទាំង២នាក់ជិះម៉ូតូមួយគ្រឿងម៉ាកស្មាសពណ៌ខ្មៅ ពាក់ផ្លាកលេខ ភ្នំពេញ ១AA៤៩៦៩។
ប្រភពព័ត៌មានពីម្ចាស់ផ្ទះឈ្មោះ សោម ប៉ុម ភេទប្រុស អាយុ៥២ឆ្នាំ ជាកសិករ បានឲ្យដឹងថា គាត់បានឮសំឡេងម៉ូតូជនសង្ស័យជិះមកក្នុង ការដ្ឋានសំណង់របស់គាត់ ដោយមានកន្ត្រៃកាត់
សោ ។ ខណៈនោះឃើញជនម្នាក់ឡើងលើផ្ទះគួរឲ្យសង្ស័យ គាត់ក៏ចេញមកខាងក្រៅហើយជនសង្ស័យឃើញក៏នាំគ្នារត់គេចខ្លួនបាត់ស្រមោល ដោយបន្សល់ទុកម៉ូតូមួយគ្រឿងនៅកន្លែងកើតហេតុ ។ ភ្លាមៗនោះដែរ គាត់ក៏បានរាយការណ៍ប្រាប់សមត្ថកិច្ចឲ្យមកជួយអន្តរាគមន៍ ។
ក្រោយពេលកើតហេតុ ម្ចាស់ផ្ទះបានប្រគល់ម៉ូតូរបស់ជនសង្ស័យព្រមទាំងកន្ត្រៃកាត់សោឲ្យសមត្ថកិច្ចយកទៅរក្សាទុក ដើម្បីស្រាវជ្រាវតាមរកជនសង្ស័យយកមកផ្តន្ទាទោសតាមច្បាប់ ៕
ចែករំលែកព័តមាននេះ