ប្រទេសហ្វាំងឡង់ ៖ នាវាដឹកអ្នកដំណើរ១គ្រឿងរបស់ក្រុមហ៊ុនហ្វាំងឡង់ VIKING LINEបានជាប់កឿងកាលពីរសៀលថ្ងៃទី២១ វិច្ឆិកា នៅប្រជុំកោះមួយក្នុងសមុទ្របាល់ទិក ត្រង់កន្លែងមួយស្ថិតនៅចន្លោះប្រទេសស៊ុយអែត និងហ្វាំងឡង់ ហើយមនុស្ស៤៣០នាក់ជិះលើនាវានោះ…
ប្រទេសហ្វាំងឡង់ ៖ នាវាដឹកអ្នកដំណើរ១គ្រឿងរបស់ក្រុមហ៊ុនហ្វាំងឡង់ VIKING LINE
បានជាប់កឿងកាលពីរសៀលថ្ងៃទី២១ វិច្ឆិកា នៅប្រជុំកោះមួយក្នុងសមុទ្របាល់ទិក ត្រង់កន្លែងមួយស្ថិតនៅចន្លោះប្រទេសស៊ុយអែត និងហ្វាំងឡង់ ហើយមនុស្ស៤៣០នាក់ជិះលើនាវានោះ ត្រូវស្ថិត១យប់ក្នុងនាវារង់ចាំការជម្លៀសចេញ ។ នេះជាការអះអាងរបស់អ្នកទទួលខុសត្រូវម្នាក់នៃក្រុមជួយសង្គ្រោះ ។
នាវាឈ្មោះ GRACE នោះដែលបើកបរពីទីក្រុងស្តុកខូល ទៅកាន់កំពង់ផែ TURKU របស់ហ្វាំងឡង់ បានមកប៉ះច្រាំងកោះក្នុងសមុទ្របាល់ទិន នាវេលាម៉ោង១៤ និង១៥នាទីម៉ោងក្នុងស្រុកដោយមិនទាន់ដឹងពីមូលហេតុនៅឡើយ ក្រោយឈប់សំចតនៅ MARIEHHAMN នៃប្រជុំកោះ
ស្វយ័ត ALAND ។ នេះជាការអះអាងរបស់កងឆ្មាំឆ្នេរសមុទ្រហ្វាំងឡង់ ។
មានខ្យល់បោកបក់ខ្លាំងក្នុងតំបន់នោះ ហើយវាអាចជាប្រភពនៃគ្រោះថ្នាក់នេះ ។ កងឆ្មាំឆ្នេរសមុទ្រហ្វាំងឡង់បញ្ជាក់ថា ពុំមានការគំរាមកំហែងភ្លាមៗចំពោះបណ្ដាអ្នកដំណើរឡើយ។ ក្នុង
នាវាប្រវែង២១៨ម៉ែត្រនោះមានអ្នកដំណើរ៣៣១នាក់និងសមាជិកក្រុមនាវិក៩៨នាក់ ។ បណ្ដាអ្នកដំណើរត្រូវស្ថិត១យប់ក្នុងនាវា ហើយត្រូវនាំចេញនាថ្ងៃទី២២ វិច្ឆិកា ។ សភាពការណ៍នាវានៅនឹង ហើយនាថ្ងៃទី២២ វិច្ឆិកា គេនឹងប្រាប់ដល់បណ្ដាអ្នកដំណើរថា តើត្រូវផ្ទេរទៅជិះលើនាវាណា ដើម្បីអាចទៅកាន់ស៊ុយអែត និងហ្វាំងឡង់ ។
បណ្ដាអ្នកមុជទឹកបានមុជទៅពិនិត្យសំបកនាវាហើយពួកគេនឹងធ្វើការសន្និដ្ឋានថា តើត្រូវទាញនាវានោះចេញតាមរបៀបណា ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ