ADផ្ទាំងផ្សព្វផ្សាយពាណិជ្ជកម្ម

ផ្លូវការ! រៀបចំពិធីបុណ្យជូនជនរងគ្រោះស្លា.ប់ក្នុងឧបទ្ទវហេតុរត់ជាន់គ្នាកាលពី១០ឆ្នាំមុននៅកោះពេជ្រ

3 ឆ្នាំ មុន

ភ្នំពេញ
២២ ខែ វិច្ឆិកា ឆ្នាំ ២០២០ ម៉ោង ១៧:២២

រាជធានីភ្នំពេញ៖ នៅព្រឹកព្រលឹមថ្ងៃទី ២២ វិច្ឆិកានេះមានសាច់ញាតិជនរងគ្រោះប្រមាណ៦ ទៅ ៧ គ្រួសារទៅអុជធូបរម្លឹកដល់សាច់ញាតិស្លាប់ដោយឧបទ្ទវហេតុរត់ជាន់គ្នាកាលពី១០ឆ្នាំមុននៅកោះពេជ្រ យ៉ាងស្ងៀមស្ងាត់និងបានសម្តែងការខកចិត្តមិនឃើញអាជ្ញាធរក្រុងរៀបចំពិធីសូត្រមន្តបង្សុកូលឧទ្ទិសកុសលជូនទៅដល់ជនរងគ្រោះដែលបានស្លាប់បាត់បង់ជីវិតនៅក្នុងឧបទ្ទវហេតុរត់ជាន់គ្នានៅលើអតីតស្ពានពេជ្រនោះ ស្រាប់តែនៅវេលាម៉ោងប្រមាណ ១០…

សាលារាជធានីភ្នំពេញបានរៀបចំធ្វើពិធីសូត្រមន្តបង្សុកូលឧទ្ទិសកុសលជូនទៅដល់ជនរងគ្រោះទាំង ៣៥៣នាក់ ដែល បានស្លាប់បាត់បង់ជីវិតនៅក្នុងឧបទ្ទវហេតុរត់ជាន់គ្នានៅលើអតីតស្ពានពេជ្រ កោះពេជ្រ កាលពីថ្ងៃទី ២២ ខែ វិច្ឆិក ឆ្នាំ ២០១០ កន្លងមក គម្រប់ខួប ១០ឆ្នាំ ដែលមានលោក ស៊ុន សិទ្ធី ជា ប្រធានរដ្ឋបាលខណ្ឌចំការមនជាតំណាង និងមានការចូលរួមរួមអំពីសំណាក់មន្ត្រីរបស់សាលាខណ្ឌចំការមន និង ក្រុមគ្រួសារ សាច់ញាតិរបស់ជនរងគ្រោះផងដែរ។ ពិធីនេះ ដែរបានធ្វើឡើងកាលពីវេលាម៉ោង ១០ និង ៣០នាទីព្រឹក ថ្ងៃទី ២២ ខែ វិច្ឆិកា ឆ្នាំ ២០២០ នៅគល់ស្ពាននាគកោះពេជ្រ ក្នុងសង្កាត់ទន្លេបាសាក់ ខណ្ឌចំការមន។

លោក ស៊ុន សិទ្ធី ប្រធានរដ្ឋបាលខណ្ឌចំការមន បានប្រាប់ឱ្យដឹងថា ព្រឹកនេះដែរ រដ្ឋបាលរាជធានីភ្នំពេញ បានរៀបចំ ធ្វើពិធី សូត្រមន្តបង្សុកូល ដើម្បីឧទ្ទិសកុសលជូនចំពោះវិញ្ញាណក្ខន្ធជនរងគ្រោះក្នុងឧបទ្ទវហេតុអតីតស្ពានពេជ្រ នៃទីក្រុង កោះពេជ្រ កាលពីថ្ងៃទី ២២ ខែ វិច្ឆិកា ឆ្នាំ ២០១០ កាលពី ១០ឆ្នាំកន្លងមកនោះ។ ដោយមានរូបលោកផ្ទាល់ជាតំណាង និងមាន ការចូលរួមអំពីសំណាក់លោកប្រធានការិយាល័យ អនុប្រធានការិយាល័យចំណុះរដ្ឋបាល និងក្រុមគ្រួសារសាច់ញាតិរបស់ ជនរងគ្រោះក្នុងឧបទ្ទវហេតុនោះចូលរួមផងដែរ។

លោក អម្រិត អាយុ ៤៩ឆ្នាំ បានប្រាប់ឱ្យដឹងថា លោកមានទីលំនៅក្នុងរាជធានីភ្នំពេញ ក្នុងពេលនេះដែរ រូបលោក និង ភរិយា ព្រមទាំង កូនៗ បាននាំគ្នាមកចូលរួមពិធីសូត្រមន្តគោរពវិញ្ញាណក្ខន្ធទៅដល់កូនស្រីច្បងរបស់លោកមានឈ្មោះ លាង ហ្ហេលែន អាយុ ១២ឆ្នាំ ដែលបានរងគ្រោះស្លាប់បាត់បង់ជីវិតកាលពី ១០ឆ្នាំមុននៅទីនេះ។ ការនាំគ្នាមកចូលរួម ធ្វើពិធី សូត្រមន្តនៅទីនេះ គឺលោក និងក្រុមគ្រួសារ តែងតែបានមកចូលរួមធ្វើជារៀងរាល់ឆ្នាំ ជាមួយ និង ខាងសាលារាជធានី ភ្នំពេញ ដែលធ្វើឡើងជារៀងរាល់ឆ្នាំនោះជានិច្ច។

គួរបញ្ជាក់ថា ឧបទ្ទវហេតុរត់ជាន់គ្នានៅលើអតីតស្ពានពេជ្រ នេះដែរបានកើតឡើងកាលពីថ្ងៃទី ២២ ខែ វិច្ឆិកា ឆ្នាំ ២០១០ កន្លងមក ដោយបានបណ្តាលអោយជនរងគ្រោះប្រុស ស្រី ក្មេងចាស់ ស្លាប់បាត់បង់ជីវិតសរុបចំនួន ៣៥៣នាក់ និង មាន មនុស្សចំនួន ៤០០នាក់ផ្សេងទៀតបានរងរបួសផងដែរ ក្នុងយប់ថ្ងៃបុណ្យអុំទូកថ្ងៃទី ៣ រហូតមកទល់និងឆ្នាំ ២០២០ ពេល នេះ គឺមានរយះពេល ១០ឆ្នាំហើយ ៕ (កែសម្រួលដោយ ៖ ធីតា)