រាជធានីភ្នំពេញ ៖ សេចក្តីរាយការណ៍ឱ្យដឹងថា គ្រឿងញៀនប្រភេទមេតំហ្វេតាមីន
(ICE)២កញ្ចប់ដេលទម្ងន់ប្រមាណ១០០ក្រាមត្រូវបានបង្ក្រាបកាលពីវេលាម៉ោង០៩នាទី ស្ថិតនៅចំណុចក្បែរស្ថានីយប្រេងឥន្ទនៈមួយកន្លែង ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
សេចក្តីរាយការណបន្តថា ជនសង្ស័យឈ្មោះ ប៉ាន់ ប៉េរ៉ា អាយុ៣៥ឆ្នាំ ។ វត្ថុតាងដែលដកហូតបានថ្នាំញៀន ប្រភេទមេតំហ្វេតាមីន(ICE)២កញ្ចប់តូច ទម្ងន់ប្រមាណ១០០ក្រាម។
ប្រភពបន្តថា ការបង្ក្រាប គឺមានចូលរួមពីកម្លាំងជំនាញ(ក១០)នៃមន្ទីរប្រឆាំងបទល្មើសគ្រឿងញៀន ដឹកនាំដោយលោកនាយករង សារី បុត្សសត្យា.លោកនាយករង ហៀប ដារ៉ាត់ជំនាញស្នងការដ្ឋានរាជធានីភ្នំពេញ និងមានការសម្របសម្រួលពី លោក ប្លង់ សុផល ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ ។
បន្ទាប់មក មកដល់ថ្ងៃទី១៩ វិច្ឆិកា ឆ្នាំ២០២០វេលា ម៉ោងប្រហែល១២និង៥នាទី កម្លាំងសមត្ថកិច្ចយើង បានបន្តទៅធ្វើការឆែកឆេរបន្ទប់ជួលគ្មានលេខ ស្ថិតក្នុងនៅភូមិព្រៃជីសាក់ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ដែលជាកន្លែងស្តុកគ្រឿងញៀន។
លទ្ធផលចាប់ យកវត្ថុតាងបានសារធាតុញៀន ប្រភេទមេតំហ្វេតាមីន(ICE)ទម្ងន់៤៧៧៨០.៨៧ក្រាម។ អុិចស្តាស៊ី (MDMA)៣០២.៨១ក្រាម។ នីមេតាហ្សេប៉ាម៧៧.០៤ក្រាម។សរុប៤៨១៦០.៥៤ក្រាម។
ព័ត៌មានបន្ថែមកោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ