ប្រទេសអង់គ្លេស ៖ ការផ្សំគំនិតគ្នា និងការបំភ្លៃព័ត៌មាននានា នាំឲ្យមានការខ្វះជំនឿទុកចិត្ត ចំពោះបណ្ដាវ៉ាក់សាំងប្រឆាំងវីរុស COVID-19 ហើយអាចនាំទៅរកអត្រានៃអ្នកចាក់វា៉ក់សាំង
ក្រោម៥៥%ជាអត្រាចាំបាច់ សម្រាប់ឲ្យទទួលបានភាពស៊ាំ រួមមួយទប់ទល់វីរុសនោះនៅសហ
រដ្ឋអាមេរិកនិងនៅអង់គ្លេស ។ នេះបើតាមការសិក្សាមួយចេញផ្សាយកាលពីថ្ងៃទី១២ វិច្ឆិកា ដោយ LONDON SCHOOL OF HYGIENE & TROPICAL MEDICINE ។
យោងតាមការសិក្សានោះលើមនុស្ស៨.០០០ នាក់ ក្នុងប្រទេសទាំង២បង្ហាញថា ៥៤%ក្នុង
ចំណោមពួកគេនិយាយថា ពួកគេប្រាកដណាស់នឹងទទួលការចាក់វ៉ាក់សាំងនៅអង់គ្លេសនិងតែ៤១,២%នៅសហរដ្ឋអាមេរិក ។ លោកស្រី HEIDI LARSON សាស្ត្រាចារ្យនៅ LONDON SCHOOL OF HYGIENE & TROPICAL MEDICINE ជាសហប្រធាននៃការសិក្សានោះថ្លែងថា បណ្ដាវ៉ាក់សាំងមានប្រសិទ្ធភាពទាល់តែមនុស្សម្នាព្រមទទួលការចាក់ ។ បណ្ដាញសង្គមនិងការបំភ្លៃព័ត៌មានបាននាំឲ្យមានការរារែកនិងភាពមិនប្រាកដប្រជា ទាក់ទិនដល់វ៉ាក់សាំងដែលមានសក្ដានុពលទាំងឡាយ ។
បែបនោះជាការគំរាមកំហែងចំពោះកម្រិត មនុស្សដែលព្រមទទួលចាក់វ៉ាក់សាំងប្រឆាំងវីរុស COVID-19 ។
ការសិក្សានោះធ្វើឡើងខណៈដែលវ៉ាក់សាំងមួយ របស់ក្រុមហ៊ុន PLEZER កំពុងសាកល្បងដំណាក់កាលទី៣ ជាដំណាក់កាលចុងក្រោយ អះអាងថាមានប្រសិទ្ធភាព៩០% និងវ៉ាក់សាំងមួយទៀតរបស់រុស្ស៊ីអះអាងថា មានប្រសិទ្ធភាពដល់៩២% ។ នោះជាការជឿនលឿនមួយដ៏ចម្បងក្នុងការតស៊ូប្រឆាំងវីរុស COVID-19 ដែលសម្លា.ប់មនុស្សជាង១លាននាក់ហើយលើពិភពលោក ។
មកដល់ថ្ងៃទី១២ វិច្ឆិកា ចំនួនអ្នកឆ្លងវីរុសនោះលើពិភពលោកបានកើនដល់ជាង៥២,៧លាននាក់ និងអ្នកស្លា.ប់ជាង១,២៩លាននាក់ ។ អាមេរិកនៅតែជាប្រទេសរងការប៉ះពាល់ខ្លាំងជាងគេ ជាមួយអ្នកឆ្លងកើនដល់ជាង១០,៦លាននាក់ និងអ្នកស្លា.ប់ជាង២៤៣.០០០នាក់ ។ ឥណ្ឌាចំនួនអ្នកឆ្លងកើនដល់ជាង៨,៧៣លាននាក់ ស្លា.ប់ជាង១២៩.០០០នាក់ ។ ប្រេស៊ីលមានអ្នក
ឆ្លងជាង៥,៧៨លាននាក់ ស្លា.ប់ជាង១៦៤.០០០នាក់ ។ បារាំងអ្នកឆ្លងឡើងដល់ជាង១,៩លាននាក់ ស្លា.ប់ជាង៤២.៩៦០នាក់ ។ រុស្ស៊ីឆ្លងជាង១,៨៦លាននាក់ស្លា.ប់៣២.០៣២នាក់ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ