ខេត្តក្រចេះ៖ លោកជំទាវ ស៊ុន សាភឿន សមាជិកសភាគណៈកម្មាធិការទី៥រដ្ឋសភា និងជាតំណាងរាស្ត្រមណ្ឌលក្រចេះ បានសម្រេចទទួលការស្នើសុំរបស់ប្រជាអាជីវករផ្សាឆ្លូងទាំងចំនួនជាង៤០គ្រួសារ
ខេត្តក្រចេះ៖ លោកជំទាវ ស៊ុន សាភឿន សមាជិកសភាគណៈកម្មាធិការទី៥រដ្ឋសភា និងជាតំណាងរាស្ត្រមណ្ឌលក្រចេះ បានសម្រេចទទួលការស្នើសុំរបស់ប្រជាអាជីវករផ្សាឆ្លូងទាំងចំនួនជាង៤០គ្រួសារដែលបានស្នើរាជរដ្ឋាភិបាលតាមរយៈលោកជំទាវឲ្យជួយសាងសង់ដំបូល និងចាក់សាបក្នុងផ្សារ ចំណែកឯការសាងសង់ ពួកគាត់ជាអ្នកទទួលធ្វើដោយខ្លួនឯង ។
ការព្រមទទួលសំណើរបស់ប្រជាអាជីវករខាងលើបានធ្វើឡើងនៅពេលលោកជំទាវ ស៊ុន សាភឿន សមាជិកសភាគណៈកម្មាធិការទី៥រដ្ឋសភា និងជាតំណាងរាស្ត្រមណ្ឌលក្រចេះស្ថិតក្នុងពិធីជួបសំណេះសំណាលមួយពីសំណាក់លោកជំទាវតំណាងរាស្ត្រជាមួយនិងអាជីវករដែលរងនូវការឆេះតូបផ្សារប្រមាណជាង៤០រូប នៅរសៀលថ្ងៃទី២២ ឧសភា ក្នុងសាលអគារគណបក្សប្រជាជនស្រុកឆ្លូង។
ផ្សារឆ្លូងត្រូវបានគេរាយការណ៍ថា បានជួបមហន្តរាយគ្រោះអគ្គិភ័យឆាបឆេះកាលពីយប់ថ្ងៃទី១៧ ឧសភា ក្នុងនោះបានបង្កឲ្យផ្ទះផ្សារចំនួន៣ល្វែងបានរងការខូចខាត និងតូបលក់ដូរចំនួនជាង៤០តូបផ្សេងទៀតក៏ត្រូវរងការខូចខាតទាំងស្រុង ។ អាជ្ញាធរបានប៉ាន់ប្រមាណថា ការខាតបង់ក្នុងគ្រោះអគ្គិភ័យមួយនេះគិតជាទឹកប្រាក់មានចំនួនជាង២សែនដុល្លារ៕
ចែករំលែកព័តមាននេះ