រដ្ឋមន្ត្រីការបរទេសហុងគ្រីធ្វើតេស្តវិជ្ជមានកូវីដ១៩ ខណៈជួបថ្នាក់ដឹកនាំកម្ពុជាជាច្រើន
- ភ្នំពេញ
រាជធានីភ្នំពេញ ៖ រដ្ឋមន្ត្រីក្រសួងការបរទេស ហុងគ្រី ដែលបានបំពេញទស្សនកិច្ចនៅកម្ពុជា កាលថ្ងៃទី០៣ ខែវិច្ឆិកា ឆ្នាំ២០២០ គឺលោក ភីធើ…
រាជធានីភ្នំពេញ ៖ រដ្ឋមន្ត្រីក្រសួងការបរទេស ហុងគ្រី ដែលបានបំពេញទស្សនកិច្ចនៅកម្ពុជា កាលថ្ងៃទី០៣ ខែវិច្ឆិកា ឆ្នាំ២០២០ គឺលោក ភីធើ ស៉ីចាតូ (Péter Szijjártó) បានធ្វើតេស្តវិជ្ជមានកូវីដ១៩ ខណៈជួបថ្នាក់ដឹកនាំកម្ពុជាមួយចំនួន ក្រោយចាកចេញពីប្រទេសកម្ពុជា ទៅដល់ប្រទេសថៃ ។ នេះបើយោងតាមសារព័ត៌មាន Reuters ចេញផ្សាយនៅមុននេះបន្តិច ។
ទាក់នឹងករណីនេះ កោះសន្តិភាពបានទាក់ទងទៅលោក កុយ គួង អ្នកនាំពាក្យក្រសួងការបរទេស និងសហប្រតិបត្តិការអន្តរជាតិជាច្រើនដង ប៉ុន្តែទូរស័ព្ទលោកគ្មានអ្នកលើក ទទួលទេនៅរសៀលថ្ងៃទី៤ ខែវិច្ឆិកា ឆ្នាំ២០២០ ។
រដ្ឋមន្ត្រីការបរទេសហុងគ្រីធ្វើតេស្តកូវីដ១៩ ខណៈជួបថ្នាក់ដឹកនាំកម្ពុជាជាច្រើន រាជធានីភ្នំពេញ៖ លោក ភីធ័រ ហ្សីយាតូ (Péter Szijjártó) ររដ្ឋមន្ត្រីការបរទេសនិងពាណិ ជ្ជកម្មហុងគ្រីបានធ្វើតេស្តវិជ្ជកូវីដ១៩ ខណៈជួបថ្នាក់ដឹកនាំកម្ពុជាមួយចំនូួនក្រោយចាក់ចេញពីប្រទេសកម្ពុជា ទៅដល់ប្រទេសថៃ ។
តាមភ្នាក់ងារសារព័ត៌មានរដ្ឋ MTI បានរាយការណ៍នៅថ្ងៃទី៤ វិច្ឋិកានេះ លោក ភីធ័រ ហ្សីយាតូ (Péter Szijjártó) រដ្ឋមន្ត្រីការបរទេស និងពាណិជ្ជកម្មហុងគ្រី បានធ្វើតេស្តវិជ្ជមានវីរុសកូវីដ១៩ នៅពេលលោករដ្ឋ មន្ត្រីកំពុងធ្វើទស្សនកិច្ចផ្លូវការនៅប្រទេសថៃ ។
ប្រភពថា លទ្ធផលតេស្តនេះ ធ្វើឡើងបន្ទាប់ពីឯកឧត្តម ភីធ័រ ហ្សីយាតូ (Péter Szijjártó) បានអញ្ជើញសម្ពោធការិយាល័យនៃស្ថានទូតហុងគ្រីប្រចាំព្រះរាជាណាចក្រកម្ពុជា និងបានជួបជាមួយថ្នាក់ដឹកនាំជាន់ខ្ពស់របស់កម្ពុជាជាច្រើនដូចជា ៖ សម្ដេចនាយករដ្ឋមន្ត្រី ហ៊ុន សែន លោក ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ , លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ , លោក ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម និងលោក សួស យ៉ារ៉ា សមាជិកសភាកម្ពុជា ។
សារព័ត៌មានដដែលក៏បានស្រង់សំដីអ្នកនាំពាក្យក្រសួងការបរទេសកម្ពុជា លោកកុយ គួងថា ក្រោយទទួលបានព័ត៌មាននេះ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិបានអញ្ជើញជួបក្រុមគ្រូពេទ្យជំនាញ ដើម្បីធ្វើតេស្ត ដល់មន្ត្រីទាំងអស់ដែលធ្វើការពាក់ព័ន្ធជាមួយឯកឧត្តម ភីធ័រ ហ្សីយាតូ (Péter Szijjártó) រដ្ឋមន្ត្រីការបរទេស និងពាណិជ្ជកម្មហុងគ្រី ។
ចំពោះករណីនេះដែរ ដោយឡែកលោកជំទាវ ឱ វណ្ណឌីន អ្នកនាំពាក្យក្រសួងសុខាភិបាល បានឆ្លើយក្នុងប្រព័ន្ធតេឡេក្រាមថា លោកជំទាវមិនទាន់ទទួលបានព័ត៌មាននេះទេ ដោយបច្ចុប្បន្នលោកជំទាវកំពុងជាប់បំពេញបេសកម្មនៅតាមខេត្ត ៕
ចែករំលែកព័តមាននេះ