ADផ្ទាំងផ្សព្វផ្សាយពាណិជ្ជកម្ម

Picture

វិធី​កំណត់​គោលដៅ​ហិរញ្ញវត្ថុ​ពេល​ដែល​ប្រឈម​មុខ​នឹង​ភាព​មិន​ប្រាកដប្រជា

3 ឆ្នាំ មុន

កូ​វី​ដ ១៩ បាន​បង្ក​ការ​ប៉ះពាល់​ដល់​ប្រាក់​ចំណូល និង​ការ​រស់នៅ​ប្រចាំ​ថ្ងៃ​របស់​មនុស្ស​ជា​ច្រើន​ក្នុង​ប្រទេស​កម្ពុជា និង​ជុំវិញ​ពិភពលោក​។ ក្នុង​ពេល​នេះ វា​មិនមែន​ជា​ពេល​ងាយស្រួល​ក្នុង​ការ​រៀបចំ​ផែនការ និង​គោលដៅ​ហិរញ្ញវត្ថុ​សម្រាប់​ថ្ងៃ​អនាគត​ទេ​។ តែ​យ៉ាងណា​ក្តី អ្នក​មិន​អាច​មិន​ត្រៀមខ្លួន​ទាំងស្រុង​សម្រាប់​ថ្ងៃ​អនាគត​ឡើយ​។…

កូ​វី​ដ ១៩ បាន​បង្ក​ការ​ប៉ះពាល់​ដល់​ប្រាក់​ចំណូល និង​ការ​រស់នៅ​ប្រចាំ​ថ្ងៃ​របស់​មនុស្ស​ជា​ច្រើន​ក្នុង​ប្រទេស​កម្ពុជា និង​ជុំវិញ​ពិភពលោក​។ ក្នុង​ពេល​នេះ វា​មិនមែន​ជា​ពេល​ងាយស្រួល​ក្នុង​ការ​រៀបចំ​ផែនការ និង​គោលដៅ​ហិរញ្ញវត្ថុ​សម្រាប់​ថ្ងៃ​អនាគត​ទេ​។ តែ​យ៉ាងណា​ក្តី អ្នក​មិន​អាច​មិន​ត្រៀមខ្លួន​ទាំងស្រុង​សម្រាប់​ថ្ងៃ​អនាគត​ឡើយ​។

ខាងក្រោម​គឺជា​វិធីសាស្ត្រ​មួយ​ចំនួន​ដែល​អាច​ជួយ​អ្នក​ក្នុង​ការ​កំណត់​គោលដៅ​ហិរញ្ញវត្ថុ​នៅ​ពេល​ដែល​កំពុង​ប្រឈម​មុខ​នឹង​ភាព​មិន​ប្រាកដប្រជា​៖

ទោះជា​អ្នក​មិន​ទទួល​រង​ការ​ប៉ះពាល់​ពី​ជំ​ងឹ​កូ​វី​ដ ១៩ ពិតមែន​ក្តី អ្នក​អាច​នឹង​មិន​ប្រាកដប្រជា​ក្នុង​ការ​រៀបចំ​ផែនការ​សម្រាប់​ថ្ងៃ​អនាគត ឬ​ការ​ចាត់ចែង​ប្រាក់​ចំណូល​ក្នុង​ពេល​បច្ចុប្បន្ន​នេះ​។ នេះ​ជា​ពេល​ល្អ​ក្នុង​ការ​ត្រួតពិនិត្យ​មើល​គោលដៅ​ហិរញ្ញវត្ថុ​ទាំង​រយៈពេល​ខ្លី និង​វែង​ឡើង​វិញ និង​មើល​ថា​អ្នក​អាច​ធ្វើការ​កែសម្រួល​វា​យ៉ាងដូចម្តេច​ខ្លះ​។

វិធីសាស្ត្រ​មួយ​ដែល​អាច​ជួយ​អ្នក​ក្នុង​ការ​សម្រេចចិត្ត​គឺ​ការ​ប្រើ Decision Tree​។ អ្នក​អាច​គូស​លើ​ក្រដាស​ពី​ជម្រើស​ទាំងអស់​ដែល​អ្នកមាន រួច​សរសេរ​អត្ថប្រយោជន៍ និង​គុណវិបត្តិ​របស់​ជម្រើស​នីមួយ​ៗ និង​ធ្វើការ​សម្រេចចិត្ត​ដោយ​យោង​តាម​អ្វី​ដែល​អ្នក ឬ​ក្រុម​គ្រួសារ​របស់​អ្នក​ត្រូវការ និង​ចង់បាន​ជាងគេ​។

អ្នក​ត្រូវ​ចង​ចាំ​ថា​គោលដៅ​ដែល​អ្នក​បាន​កំណត់​អាច​មានការ​កែសម្រួល​តាម​ពេលវេលា និង​កាលៈទេសៈ​បាន​។ ប៉ុន្តែ​អ្នក​ត្រូវ​ដឹង​ពី​អ្វី​ដែល​អ្នក​ចង់​សម្រេច​ច្រើន​ជាងគេ​នឹង​ជួយ​ដល់​ការ​រៀបចំ​ផែនការ​ចាយវាយ​របស់​អ្នក​។

ពេល​ដែល​អ្នក​កំណត់​បាន​គោលដៅ​ហិរញ្ញវត្ថុ​ហើយ អ្នក​ត្រូវ​កំណត់​ចំនួន​ប្រាក់​សន្សំ​ដែល​អ្នក​ត្រូវ​សន្សំ​ក្នុង​មួ​យស​ប្តា​ហ៍ មួយ​ខែ ឬ​បី​ខែ​ជាដើម និង​ធ្វើការ​កែសម្រួល​ការ​ចាយវាយ​របស់​អ្នក​តាម​ចំនួន​ដែល​បាន​កំណត់​នោះ​។

ជាមួយ​គ្នា​នេះ​ផង​ដែរ អ្នក​ត្រូវ​តែ​តាមដាន​ការ​សន្សំ និង​ការ​ចាយវាយ​របស់​អ្នកជា​ប្រចាំ​។ អ្នក​អាច​កំណត់ពេល​ណាមួយ​ប្រចាំ​ថ្ងៃ ឬ​ប្រចាំ​ស​ប្តា​ហ៍​ដើម្បី​អង្គុយ​ចុះ​និង​ពិនិត្យ​មើល​គោលដៅ​របស់​អ្នក​ឡើង​វិញ​ ៕

អត្ថបទសរសេរ ដោយ

កែសម្រួលដោយ