រាជធានីភ្នំពេញ ៖ កម្លាំងសមត្ថកិច្ចជំនាញការិយាល័យស្រាវជ្រាវបទល្មើសគ្រឿងញៀន នៃកងអាវុធហត្ថរាជធានីភ្នំពេញ កាលពីថ្ងៃទី២៣ ខែតុលា ឆ្នាំ២០២០ បានបញ្ជូនជនអុកឡុកសង្គមចំនួន១៤ នាក់ទៅតុលាការ ពាក់ព័ន្ធករណីប្រើប្រាស់គ្រឿងញៀន និងលាក់ទុកអាវុធ(ដាវសាមូរៃ៉)ដើម្បីចាត់ការតាមផ្លូវច្បាប់ ។ ជនសង្ស័យទាំង១៤នាក់ ត្រូវបានសមត្ថកិច្ចឆ្មក់បង្ក្រាប៣ ករណីផ្សេងគ្នាដូចជា៖
ករណីទី១-កម្លាំងមូលដ្ឋានអាវុធហត្ថខណ្ឌកំបូល បានឃាត់ខ្លួនជនសង្ស័យចំនួន២នាក់ពាក់ព័ន្ធគ្រឿងញៀន នៅថ្ងៃទី១៩ ខែតុលា ឆ្នាំ២០២០ ត្រង់ចំណុចភូមិកប់ភ្លុក និងភូមិព្រៃកី សង្កាត់ភ្លើងឆេះរទេះ ដែលម្នាក់ឈ្មោះ នី ចាន់និត ភេទប្រុស អាយុ២៨ឆ្នាំ មុខរបរកម្មករសំណង់ ស្រុកកំណើតភូមិអង្គកូ ឃុំព្រែកត្រែង ស្រុកស្អាង ខេត្តកណ្តាល និងម្នាក់ឈ្មោះ ខាត់ សុខខេម ហៅញ៉ាញ់ ភេទប្រុស អាយុ៣៨ឆ្នាំ មុខរបរកម្មករសំណង់ ស្រុកកំណើត ភូមិបាគូ ស្រុកកណ្តាលស្ទឹង ខេត្តកណ្តាល ។
ករណីទី២-កម្លាំងមូលដ្ឋានអាវុធហត្ថខណ្ឌ៧មករា បានឃាត់ខ្លួនជនសង្ស័យចំនួន២នាក់ កាលពីថ្ងៃទី២០ ខែតុលា ឆ្នាំ២០២០ នៅចំណុចសួនច្បារមិត្តភាព សង្កាត់មិត្តភាព រាជធានីភ្នំពេញ ជនសង្ស័យម្នាក់ឈ្មោះ ឡាយ អិត ហៅវ៉ែនតា ភេទប្រុស អាយុ២៦ឆ្នាំ មុខរបរកម្មករសំណង់ ស្រុកកំណើតភូមិចក្រីទីង ឃុំព្រៃថ្នង ស្រុកទឹកឈូ ខេត្តកំពត និងម្នាក់ឈ្មោះ ឈឿន សាន ហៅញ៉ាញ់ ភេទប្រុស អាយុ២៦ឆ្នាំ មុខរបរកម្មករសំណង់ ស្រុកកំណើតភូមិក្រសាំង ឃុំចំប៉ី ស្រុកអង្គរជ័យ ខេត្តកំពត ។
ករណីទី៣-កម្លាំងមូលដ្ឋានអាវុធហត្ថខណ្ឌមានជ័យ បានឃាត់ខ្លួនជនសង្ស័យចំនួន១០នាក់ ក្នុងនោះស្ត្រី៣នាក់ កាលពីថ្ងៃទី២១ ខែតុលា ឆ្នាំ២០២០ នៅចំណុចក្រោមស្ពានអាកាសស្ទឹងមានជ័យ ភូមិ៥ សង្កាត់ស្ទឹងមានជ័យ២ ខណ្ឌមានជ័យ ។
ជនសង្ស័យម្នាក់ ឈ្មោះ សួង សាន ភេទប្រុស អាយុ៣២ឆ្នាំ មុខរបររើសអេតចាយ ។
២-ឈ្មោះ សួស ណាវី ភេទស្រី អាយុ៤០ឆ្នាំ មុខរបររើសអេតចាយ ។
៣-ឈ្មោះ ឯក សុធា ភេទប្រុស អាយុ២៨ឆ្នាំ មុខរបរជាងទូរស័ព្ទ ។
៤-ឈ្មោះ សុខ លី ភេទស្រី អាយុ៤០ឆ្នាំ មុខរបរមិនពិតប្រាកដ ។
៥-ឈ្មោះ វី ចិត្ត្រា ភេទប្រុស អាយុ២០ឆ្នាំ មុខរបរមិនពិតប្រាកដ ។
៦-ឈ្មោះ ណន ភាព ភេទប្រុស អាយុ២២ឆ្នាំ មុខរបរមិនពិតប្រាកដ ។
៧-ឈ្មោះ ផេង សុងហេង ភេទប្រុស អាយុ១៩ឆ្នាំ មុខរបរមិនពិតប្រាកដ ។
៨-ឈ្មោះ យឹម ធារី ភេទស្រី អាយុ៣៤ឆ្នាំ មុខរបរមិនពិតប្រាកដ ។
៩-ឈ្មោះ ទិត្យ សីហា ភេទប្រុស អាយុ២៤ឆ្នាំ មុខរបរមិនពិតប្រាកដ ។
១០-ឈ្មោះ យ៉ាន់ ថមមី ភេទប្រុស អាយុ២៦ឆ្នាំ មុខរបរមិនពិតប្រាកដ ។
ជាមួយនោះសមត្ថកិច្ចបានដកហូតវត្ថុតាងរួមមាន៖ ក្រាមពណ៌សថ្លាចំនួន១២កញ្ចប់តូចធំ ថង់សម្រាប់ច្រកគ្រឿងញៀនមួយចំនួន សម្ភារសម្រាប់សេពគ្រឿងញៀនមួយចំនួន និងដាវសាមូរ៉ៃចំនួន៣ដើម ៕
ចែករំលែកព័តមាននេះ