ពិនិត្យ​មើល​ទីតាំង​ដី​ក្រុមហ៊ុន​​ដែល​កំពុង​​រង​ការ​កាប់​​ទន្ទ្រាននិងសង់​ផ្ទះ​​​


ខេត្ត​ក្រចេះ ៖ លោក គង់ គឹ​ម​នី អភិបាលរង​ខេត្តក្រចេះ​ កាលពី​ព្រឹក​ថ្ងៃ​ទី២២ តុលា​ បាន​ដឹកនាំ​មន្ត្រី​ជំនាញ​នៃ​មន្ទីរ​ពាក់ព័ន្ធ និង​អាជ្ញាធរ​ស្រុក​សំបូរ​ ចុះ​ធ្វើការ​ត្រួតពិនិត្យ​ជាក់​ស្ដែង​​នៅ​ទីតាំង​ដី​ក្រុមហ៊ុន​សម្បទាន​សេដ្ឋកិច្ច​(CHPB) development ​ស្ថិត​នៅ​ក្នុង​ឃុំ
​កំ​ពង​ចាម ស្រុក​សំបូរ ខេត្តក្រចេះ គណៈ​ក្រុមហ៊ុន​មួយ​នេះ​ត្រូវ​បាន​ក្រុម​ជន​អនាធិប​តេយ្យ​ធ្វើ​សកម្មភាព​កាប់​ទន្ទ្រាន​នឹង​សាងសង់​ផ្ទះ​នៅ​លើ​ដី​របស់​ក្រុមហ៊ុន​មួយ​នេះ ។

ការ​ចុះ​ពិនិត្យ​មើល​ទីតាំង​ដី​សម្បទាន​សេដ្ឋកិច្ច​របស់​ក្រុមហ៊ុន​(CHPB) development​ខាងលើ​គឺ​ធ្វើ​ឡើង​បន្ទាប់​ពីខាង​ភាគី​ក្រុមហ៊ុន​បាន​ស្នើរ​ដល់​អាជ្ញាធរ​ខេត្តក្រចេះ​និង​ក្រសួងមន្ទីរ​ពាក់​ព​ន្ធ័ ជួយ​ទប់ស្កាត់​ការ​កាប់​រាន​ដី​ព្រៃរបស់​ក្រុមហ៊ុន​ធ្វើ​ជាក​ម្មសិទ្ធិ​ពី​សំណាក់​ពលរដ្ឋ​ចំណាកស្រុក​ជា​ច្រើន​គ្រួសារ ដែល​កំពុង​នាំ​គ្នា​កាប់​រាន​ដី​ព្រៃ​ក្រុមហ៊ុន​ធ្វើ​ជាក​ម្មសិ​ទ្ធិ​​ផ្ទាល់​ខ្លួន​ កាលពី​ពេល​ថ្មី​ៗ​កន្លង​ទៅ​នេះ ។

លោក ជា ចំរើន តំណាង​ក្រុមហ៊ុន​ដី​សម្បទាន​សេដ្ឋកិច្ច​មួយ​នេះ​បាន​បញ្ជាក់​ឲ្យ​ដឹង​ថា ក្រុមហ៊ុន​សម្បទាន​សេដ្ឋកិច្ច (CHPB) development មាន​ផ្ទៃដី​ចំនួន​១២១៩០​ហិ​កតា សម្រាប់​វិនិយោគ​ដាំ​ដំណាំ​កសិឧស្សាហកម្ម ដាំ​កៅស៊ូ ស្ថិត​នៅ​ក្នុងស្រុក​ព្រែក​ប្រសព្វ និង​ស្រុក​សំបូរ ខេត្តក្រចេះ តែ​បច្ចុប្បន្ន​នេះ ដី​ព្រៃ​ក្រុមហ៊ុន​មួយ​ផ្នែក​ធំ កំពុង​រង​ការ​កាប់​ទន្ទ្រាន​ពី​សំណាក់​ពលរដ្ឋ​ចំណាកស្រុក យក​ធ្វើ​ជាក​ម្មសិ​ទ្ឋ និង​បាន​សាងសង់​សំណង់​អនាធិបតេយ្យ សង់​ជា​កូន​ផ្ទះ​តូច​ៗ ដាំ​ដើម​ចែក លើ​ដី​ក្រុមហ៊ុន​នោះ​ទៀត​ផង​។

លោក​ថា ក្រុម​ពលរដ្ឋ​ចំណាកស្រុក​ជា​ច្រើន​គ្រួសារ បាន​នាំ​គ្នាធ្វើ​សកម្មភាព​កាប់​រាន​ដី​ព្រៃរបស់​ក្រុមហ៊ុនទាំង​យប់​ទាំង​ថ្ងៃ បើ​ទោះបីជា​មានការ​ចុះ​ទៅ​ហាមឃាត់​ពី​សំណាក់​
សន្តិសុខ​ក្រុមហ៊ុន ឬ​អាជ្ញាធរ​ចុះ​ទៅ​ណែនាំ​យ៉ាងណា​ក៏​នៅ​តែ​បន្ត​សកម្មភាព​ដោយ​មិន​ខ្លាចញញើត​ឡើយ ទំនង​អាច​មាន​មេខ្យល់​នៅ​ពីក្រោយ​។ ដោយ​មើលឃើញ​ភាព​អា​ណា​​ធិ​ប​តេ​យ្យ​កើត​មានឡើង​កាន់តែ​ច្រើន ខាង​ក្រុមហ៊ុន​ក៍បាន​សុំ​គោល ការណ៍​ទៅ​អាជ្ញាធរ​ខេត្ត ដើម្បី​ជួយ​ធ្វើ​អន្តរាគមន៍ ក្នុង​ការ​ជួយ​ទប់ស្កាត់​នូវ​ការ​កាប់​ទន្ទ្រាន​រំលោភ​យក​ដី​ធ្វើ​ជា​កម្មសិទ្ធិ​ខុសច្បាប់ ។

លោក គង់ គឹ​ម​នី អភិបាលរង​ខេត្តក្រចេះ បន្ទាប់​ពី​បាន​ដឹកនាំ​មន្ត្រី​ជំនាញ​មន្ទីរ​ពាក់ព័ន្ធ​រួម​និង​អាជ្ញាធរ​មូលដ្ឋាន​ចុះ​ពិនិត្យ​ជាក់ស្ដែង ក៍បាន​បើក​កិច្ចប្រជុំ​ពិភាក្សា ជាមួយ​មន្ត្រី​ជំនាញ រួម​និង​អាជ្ញាធរ ឃុំស្រុក និង​តំណាង​ក្រុមហ៊ុន ​ដើម្បី រក​ដំណោះ ស្រាយ​ជាក់លាក់​មួយ លោក៍​បាន​ផ្ដាំផ្ញើរ​ឲ្យ​អាជ្ញាធរ​ឃុំ ស្រុក ចុះ​ស្រាវជ្រាវ​វែក​រកមុខ​មេ​ខ្យា​ល់​ដែល​គៀងគរ ឲ្យ​ប្រជាពលរដ្ឋ​ចូល​ទៅ​កាប់​ទន្ទ្រាន​ដី ក្រុមហ៊ុន ឲ្យ​បញ្ឈប់​ជា​បន្ទាន់ ។
ក្នុង​នាម​អាជ្ញាធរ​ខេត្ត លោក​អំពាវនាវ​ដល់​បងប្អូន​ប្រជាពលរដ្ឋ ឲ្យ​ចេះ​គោរព​ច្បាប់​កុំ​ធ្វើ​អ្វី​កំ​បំពាន ច្បាប់ បើសិនជា​បងប្អូន​ខ្វះ​ដី​ពិតប្រាកដ សុំ​ឲ្យ​បងប្អូន​ដាក់​ពាក្យ​ស្នើរ​សុំ​ដី​សម្ប​ទាន​សង្គមកិច្ច នៅ​និង​មូលដ្ឋាន​បងប្អូន​ផ្ទាល់ មក​អាជ្ញាធរ​ខេត្ត​។

Facebook Google Twitter Email

Live

Sponsored News

០៤:៣៥ | ក្នុងស្រុក

អស្ចារ្យ​មែន ! «​ស្នៀតសក់» ​ខ្សែភាពយន្ត​ខ្នាត​តូច​​សម្តែង​ដោយ​តារាចម្រៀង​ ជី​ ដេ​វីត និង ទេព បូ​ព្រឹក្ស ចាក់​ផ្សាយ​​លើក​ដំបូង​នៅ​ថ្ងៃនេះទទួល​បានការ​ចាប់អារម្មណ៍​យ៉ាង​ខ្លាំង

ការស្ទង់មតិគេហទំព័រថ្មី




    សូម​អរគុណ